ព័ត៌មានអន្ដរជាតិ
មន្ត្រីជាន់ខ្ពស់ ណាតូ ចេញមុខសុំទោស ក្រោយប្រាប់អ៊ុយក្រែន កាត់ដីឲ្យរុស្ស៊ីដើម្បីសន្តិភាព
ក្រោយរងការថ្កោលទោសពីទីក្រុងកៀវ, លោក Stian Jenssen ដែលជាប្រធានអគ្គសេនាធិការ របស់អគ្គលេខាធិការអង្គការណាតូ បាននិយាយកាលពីថ្ងៃពុធទី១៦ខែសីហាថា សំណើសន្តិភាពរបស់គាត់ សម្រាប់អ៊ុយក្រែនគឺពិតជាកំហុសមែន។
លោក Jenssen បានប្រាប់កាសែត Verdens Gang (VG) របស់ប្រទេសន័រវែសថា “សេចក្តីថ្លែងការណ៍របស់ខ្ញុំអំពីរឿងនេះ គឺជាផ្នែកមួយនៃកិច្ចពិភាក្សាទ្រង់ទ្រាយធំ អំពីសេណារីយ៉ូនាពេលអនាគតដែលអាចកើតមាននៅក្នុងអ៊ុយក្រែន ហើយខ្ញុំមិនគួរនិយាយបែបនោះទេ វាជាកំហុសមួយ”។
ទោះបីជាយ៉ាងណាក៏ដោយ លោកក៏បានសរសើរដល់កិច្ចខិតខំប្រឹងប្រែងវីរភាព របស់អ៊ុយក្រែនប្រឆាំងនឹងរុស្ស៊ីផងដែរ ហើយនិយាយថា នៅពេលចាប់ផ្តើមជម្លោះ មានការព្រួយបារម្ភថា អ៊ុយក្រែនអាចនឹងដួលរលំក្នុងរយៈពេលត្រឹមប៉ុន្មានសប្តាហ៍ឬប៉ុន្មានថ្ងៃប៉ុណ្ណោះ ប៉ុន្តែឥឡូវនេះសំណួរដែលត្រូវសួរគឺថា តើអ៊ុយក្រែនអាចយកទឹកដីមកវិញបានប៉ុន្មាន?។
គួរបញ្ជាក់ថា កំហឹងបានផ្ទុះខ្លាំងចំពោះការថ្លែងរបស់លោក Jenssen ក្នុងវេទិកាមួយនៅទីក្រុង Arendal នៃប្រទេសន័រវែស កាលពីថ្ងៃអង្គារ ដែលពេលនោះលោកបានប្រាប់ថា ដំណោះស្រាយតែមួយគត់ចំពោះជម្លោះ គឺអ៊ុយក្រែន ត្រូវបោះបង់ចោលទឹកដីហើយចូលជាសមាជិកណាតូ ព្រោះប្លុកមួយនេះ មិនមានឆន្ទៈទទួលយកទីក្រុងកៀវ ទាំងដែលពួកគេកំពុងមានជម្លោះជាមួយរុស្ស៊ី នោះទេ។
នៅពេលសួរអំពីការកត់សម្គាល់របស់លោក Jenssen, លោក Mikhail Podoliak ទីប្រឹក្សារបស់ប្រធានាធិបតីអ៊ុយក្រែន Volodymyr Zelensky បានហៅគំនិតនេះថា “គួរឲ្យអស់សំណើច” ហើយនិយាយថា ការដោះដូរទឹកដីដើម្បីសន្តិភាព គឺស្មើនឹងបរាជ័យនៃលទ្ធិប្រជាធិបតេយ្យ លើកទឹកចិត្តឧក្រិដ្ឋជនជាសកល ថែរក្សារបបរុស្ស៊ីឲ្យមានសុវត្ថិភាព បំផ្លាញច្បាប់អន្តរជាតិ និងបន្តសង្រ្គាមដល់មនុស្សជំនាន់ក្រោយ៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ថា បើ អ៊ុយក្រែន ព្រមចោលទឹកដីដើម្បីតែចង់ចូល ណាតូ នោះទីក្រុង កៀវ ក៏នឹងបាត់ខ្លួនដែរ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង