ព័ត៌មានអន្ដរជាតិ
លោក បៃដិន៖ អាមេរិក នឹងគាំទ្រអ៊ីស្រាអែល ជារៀងដរាប
ក្នុងអំឡុងដំណើរទស្សនកិច្ចកាលពីថ្ងៃពុធទី១៨ខែតុលា ប្រធានាធិបតីអាមេរិកលោក Joe Biden បានប្តេជ្ញាបន្តគាំទ្រអ៊ីស្រាអែល បន្ទាប់ពីការវាយប្រហារនៅមន្ទីរពេទ្យហ្គាហ្សា។
ទីក្រុងវ៉ាស៊ីនតោន នឹងឈរនៅខាងសម្ព័ន្ធមិត្តរបស់ខ្លួនជារៀងដរាប។ នេះបើតាមការប្តេជ្ញារបស់លោក Biden ខណៈលោកក៏បានច្រានចោលការអះអាងទទួលខុសត្រូវ របស់អ៊ីស្រាអែលចំពោះការវាយប្រហារមន្ទីរពេទ្យហ្គាហ្សា ដែលបានសម្លាប់មនុស្សរាប់រយនាក់ផងដែរ។
លោកបាននិយាយបន្ទាប់ពីកិច្ចប្រជុំជាមួយនាយករដ្ឋមន្រ្តីអ៊ីស្រាអែល Benjamin Netanyahu ថា “ខ្ញុំមកអ៊ីស្រាអែលជាមួយសារតែមួយគត់ នោះគឺថា អ្នកមិននៅម្នាក់ឯងទេ។ ដរាបណាសហរដ្ឋអាមេរិកឈរ ហើយយើងនឹងឈរជារៀងរហូត យើងនឹងមិនទុកឲ្យអ្នកនៅម្នាក់ឯងឡើយ”។
ទន្ទឹមនោះ លោក Biden ក៏បានហៅការវាយប្រហារកាលពីថ្ងៃទី៧ខែតុលា លើអ៊ីស្រាអែល ដែលធ្វើឡើងដោយក្រុមសកម្មប្រយុទ្ធហាម៉ាស់ មានមូលដ្ឋាននៅហ្គាហ្សា ថាជាការវាយប្រហារដ៏សាហាវបំផុតសម្រាប់ប្រជាជនជ្វីហ្វ ចាប់តាំងពីព្រឹត្តិការណ៍ Holocaust មកផងដែរ។
ការអះអាងរបស់លោកកើតឡើងចំពេល មន្ត្រីប៉ាឡេស្ទីន បានអង្វរករដល់ប្រជាជាតិនានាក្នុងពិភពលោក ឲ្យធ្វើអន្តរាគមន៍និងទប់ស្កាត់អំពើប្រល័យពូជសាសន៍ដោយចេតនារបស់អ៊ីស្រាអែល លើប្រជាជនខ្លួន ក្រោយការទម្លាក់គ្រាប់បែកលើមន្ទីរពេទ្យនៅហ្គាហ្សា។
លោក Hussein al-Sheikh ទីប្រឹក្សាជាន់ខ្ពស់របស់ប្រធានាធិបតីប៉ាឡេស្ទីន Mahmoud Abbas បានសរសេរនៅលើប្រព័ន្ធផ្សព្វផ្សាយសង្គមកាលពីថ្ងៃពុធទី១៨ខែតុលាថា “ការសម្លាប់រង្គាលនៅមន្ទីរពេទ្យ គឺមិនអាចអត់ឱនឲ្យបានទេ ហើយអ្វីដែលកំពុងកើតឡើងគឺជាអំពើប្រល័យពូជសាសន៍”។
លោកបន្តថា “យើងសូមអំពាវនាវឲ្យសហគមន៍អន្តរជាតិ ធ្វើអន្តរាគមន៍ជាបន្ទាន់ដើម្បីបញ្ឈប់ការសម្លាប់រង្គាលនេះ។ ភាពស្ងៀមស្ងាត់ និងភាពលម្អៀងមិនអាចទទួលយកបានទៀតទេ”៕
ប្រែសម្រួល៖ Vann Vann
ប្រភព៖ RT
ចុចអាន៖ អាមេរិក ជំទាស់បទឈប់បាញ់មនុស្សធម៌ ក្នុងជម្លោះអ៊ីស្រាអែល-ហាម៉ាស់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង