ព័ត៌មានអន្ដរជាតិ
អ៊ីស្រាអែល ឲ្យក្រុមហាម៉ាស់ដោះលែងចំណាប់ខ្មាំងទាំងអស់សិន ទើបឈប់ទម្លាក់គ្រាប់បែក តែក្រុមហាម៉ាស់ ឲ្យអ៊ីស្រាអែលឈប់ទម្លាក់គ្រាប់បែកសិន ទើបដោះលែង
ប្រទេសអ៊ីស្រាអែល បានបដិសេធបញ្ឈប់យុទ្ធនាការទម្លាក់គ្រាប់បែកទ្រង់ទ្រាយធំរបស់ខ្លួនលើតំបន់ហ្គាហ្សា ដោយដាក់លក្ខខណ្ឌថា ខ្លួនអាចបញ្ឈប់ការទម្លាក់គ្រាប់បែកបាន លុះត្រាតែក្រុមហាម៉ាស់ ដោះលែងចំណាប់ខ្មាំងទាំងអស់ជាមុនសិន។
ទោះបីជាយ៉ាងណាក៏ដោយ រឿងនេះហាក់ដូចខ្វែងគំនិតគ្នា ដោយក្រុមហាម៉ាស់ បានអះអាងម្តងហើយម្តងទៀតថា ពួកគេអាចដោះលែងចំណាប់ខ្មាំងបាន តែក្នុងលក្ខខណ្ឌ អ៊ីស្រាអែលបញ្ឈប់យុទ្ធនាការទម្លាក់គ្រាប់បែករបស់ខ្លួននៅតំបន់ហ្គាហ្សា មុន។
កងកម្លាំងការពារអ៊ីស្រាអែល និយាយថា ខ្លួនបានវាយប្រហារលើគោលដៅសកម្មប្រយុទ្ធជាង៤០០កន្លែងលើតំបន់ហ្គាហ្សានៅពេលយប់ ហើយបានសម្លាប់យុទ្ធជនហាម៉ាស់រាប់សិបនាក់ រួមទាំងមេបញ្ជាការរងកងវរសេនាតូចបីនាក់ផងដែរ។
កងកម្លាំងនេះបញ្ជាក់ថា គោលដៅមួយក្នុងចំណោមគោលដៅដែលបានវាយប្រហារ គឺជាផ្លូវរូងក្រោមដីដែលអនុញ្ញាតឲ្យក្រុមហាម៉ាស់ ជ្រៀតចូលអ៊ីស្រាអែលពីសមុទ្រ និងមជ្ឈមណ្ឌលបញ្ជាការរបស់ក្រុមហាម៉ាស់នៅក្នុងវិហារឥស្លាម។
កាលពីដើមសប្តាហ៍ អ្នកចរចាដ៏សំខាន់របស់ចលនាហាម៉ាស់ លើជោគវាសនានៃចំណាប់ខ្មាំងជាង២០០នាក់ដែលក្រុមនេះឃុំខ្លួនក្នុងតំបន់ហ្គាហ្សា បាននិយាយថា ជនស៊ីវិលទាំងអស់នឹងត្រូវដោះលែង ប្រសិនបើមានការធ្វើតាមលក្ខខណ្ឌត្រឹមត្រូវ។
លោក Khaled Meshaal គឺជាឥស្សរជនដ៏មានឥទ្ធិពលម្នាក់នៅក្នុងក្រុមហាម៉ាស់ ដែលបានរួចរស់ជីវិតពីការប៉ុនប៉ងរបស់អ៊ីស្រាអែល ដើម្បីធ្វើឃាតគាត់កាលពីជិតបីទសវត្សរ៍មុន។
ក្នុងបទសម្ភាសន៍ជាមួយទូរទស្សន៍លោកខាងលិចជាលើកដំបូង ចាប់តាំងពីការវាយប្រហារថ្ងៃទី៧ខែតុលា លោកបានប្រាប់ Sky News ថា ជនស៊ីវិលដែលកំពុងស្ថិតនៅក្នុងកណ្តាប់ដៃក្រុមហាម៉ាស់ នឹងត្រូវដោះលែងប្រសិនបើអ៊ីស្រាអែល កាត់បន្ថយការទម្លាក់គ្រាប់បែកលើតំបន់ហ្គាហ្សា៕
ប្រែសម្រួល៖ Vann Vann
ប្រភព៖ Daily Mail
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ