ភាពខុសគ្នារវាងបទឈប់បាញ់ (Ceasefire) និងការផ្អាកបាញ់មនុស្សធម៌ (Humanitarian Pause)

ប្រទេសជាច្រើន ក៏ដូចជាអង្គការសហប្រជាជាតិផងដែរ បានអំពាវនាវឲ្យមានបទឈប់បាញ់ក្នុងជម្លោះរវាងអ៊ីស្រាអែល និងក្រុមហាម៉ាសនៅតំបន់ហ្គាហ្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែប្រទេសនានា រួមទាំងចក្រភពអង់គ្លេស សហរដ្ឋអាមេរិកនិងកាណាដា ក៏ដូចជាសហភាពអឺរ៉ុប មិនព្រមអំពាវនាវឲ្យមានបទឈប់បាញ់ទេ ដោយនិយាយថា ការធ្វើបែបនេះហាក់ដូចជាផលប្រយោជន៍ដល់ក្រុមហាម៉ាស ដែលត្រូវបានសហរដ្ឋអាមេរិក និងរដ្ឋាភិបាលលោកខាងលិចមួយចំនួនទៀត ចាត់ទុកថាជា អង្គការភេរវកម្ម អ៊ីចឹង។

ជា​ថ្មី​ម្តង​ទៀត​ក្នុង​សប្តាហ៍​នេះ សហរដ្ឋ​អាមេរិក ​បាន​ច្រានចោល​ការ​អំពាវនាវ​ឲ្យ​មាន​បទ​ឈប់​បាញ់​ ប៉ុន្តែជំនួស​មកវិញ ដោយ​ការ​អំពាវនាវឲ្យ​ផ្អាកបាញ់មនុស្សធម៌។

ដូច្នេះ តើមានអ្វីខុសគ្នារវាង បទឈប់បាញ់ (Ceasefire) និងការផ្អាកបាញ់មនុស្សធម៌ (Humanitarian Pause)?

ជាការពិត ការផ្អាកមនុស្សធម៌ (Humanitarian Pause) មាននិន្នាការត្រឹមរយៈពេលខ្លី ជួនកាលត្រឹមតែពីរបីម៉ោងប៉ុណ្ណោះ។

ធម្មតា ការផ្អាកបែបនេះ ត្រូវបានអនុវត្តក្នុងគោលបំណងឲ្យភាគីជម្លោះផ្អាកការប្រយុទ្ធសិន ដើម្បីផ្តល់ជំនួយមនុស្សធម៌ដែលផ្ទុយទៅនឹងការសម្រេចបាននូវដំណោះស្រាយនយោបាយរយៈពេលវែង។

ដោយឡែក បទឈប់បាញ់ (Ceasefire) គឺសំដៅលើរយៈពេលវែង ហើយជារឿយៗមានគោលបំណងអនុញ្ញាតឲ្យភាគីនានា ចូលរួមក្នុងកិច្ចសន្ទនា រួមទាំងលទ្ធភាពនៃការឈានដល់ដំណោះស្រាយនយោបាយជាអចិន្ត្រៃយ៍ផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក Netanyahu៖ គ្មានអ្នកណាបានសុខឡើយ បើតំបន់មជ្ឈិមបូព៌ាធ្លាក់ក្នុងដៃ អ៊ីរ៉ង់