Connect with us

ព័ត៌មានអន្ដរជាតិ

កងកម្លាំងគាំទ្រដោយ អ៊ីរ៉ង់ បន្តការវាយប្រហារលើទាហាន អាមេរិក នៅស៊ីរី និងអ៊ីរ៉ាក់

បានផុស

នៅ

កងកម្លាំងដែលគាំទ្រដោយប្រទេសអ៊ីរ៉ង់បានបន្តបើកការវាយប្រហារភ្លាមៗទៅលើទាហានអាមេរិកនៅក្នុងប្រទេសស៊ីរី និងអ៊ីរ៉ាក់ បន្ទាប់ពីកងកម្លាំងអាមេរិកបានធ្វើការវាយប្រហារសងសឹកទៅលើឃ្លាំងអាវុធនៅភាគខាងកើតប្រទេសស៊ីរី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាអាមេរិកបានបើកការវាយលុកឃ្លាំងអាវុធដែលប្រើប្រាស់ដោយកងឆ្មាំបដិវត្តន៍ឥស្លាមអ៊ីរ៉ង់ (IRGC) និងក្រុមពាក់ព័ន្ធកាលពីថ្ងៃពុធ ខណៈការវាយប្រហារនេះគឺដើម្បីការពារខ្លួនប្រឆាំងនឹងការវាយប្រហារម្តងហើយម្តងទៀតលើបុគ្គលិកយោធាអាមេរិកនៅក្នុងតំបន់ ។

អនុរដ្ឋមន្ត្រីក្រសួងការពារជាតិអាមេរិកលោកស្រី Sabrina Singh បានប្រាប់សន្និសីទសារព័ត៌មានកាលពីថ្ងៃព្រហស្បតិ៍ថា “មន្ទីរបញ្ចកោណជឿជាក់លើការវាយប្រហារ ៤ លើកកន្លងមកនេះ គឺទទួលបានជោគជ័យ ហើយអគារដែលរងការវាយប្រហារទាំងអស់នោះ ស្ទើរតែមិនអាចប្រើប្រាស់បានឡើងវិញឡើយ” ។

លោកស្រី Singh បានលើកឡើងទៀតថា កងកម្លាំងសហរដ្ឋអាមេរិក និងកងកម្លាំងចម្រុះរងការវាយប្រហារយ៉ាងហោចណាស់ ៤៦ ដងនៅចន្លោះថ្ងៃទី១៧ ខែតុលាដល់ថ្ងៃទី៩ ខែវិច្ឆិកា ហើយមនុស្សចំនួន ៥៦ នាក់បានរងរបួស ខណៈ​ការ​វាយ​ប្រហារ​លើ​ទាហាន​អាមេរិក​ក្នុង​តំបន់ក៏កើតឡើង ​ចំពេល​មាន​ការ​ប្រយុទ្ធ​គ្នា​រវាង​អ៊ីស្រាអែល ​និង​ក្រុម​ហាម៉ាស​នៅ​តំបន់​ហ្កាហ្សា ។

អ៊ីស្រាអែលបាននិងកំពុងបង្កើនសកម្មភាពយោធារបស់ខ្លួន រួមទាំងការវាយប្រហារតាមអាកាស ប្រតិបត្តិការជើងគោក និងការទម្លាក់គ្រាប់បែក ជាពិសេសនៅតំបន់ភាគខាងជើងនៃតំបន់ហ្គាហ្សាស្ទ្រីប ជាកន្លែងដែលកងរថក្រោះរបស់អ៊ីស្រាអែលកំពុងរុលចូលទៅមុខ ។

យោងតាមក្រសួងសុខាភិបាលនៅតំបន់ហ្គាហ្សាបានឲ្យដឹងថា ជនស៊ីវិលជាង ១០,០០០ នាក់ត្រូវបានសម្លាប់ រួមទាំងកុមារជាង ៤.៤០០ នាក់ ចាប់តាំងពីជម្លោះថ្មីបានផ្ទុះឡើងកាលពីថ្ងៃទី៧ ខែតុលា បន្ទាប់ពីការវាយប្រហារឆ្លងព្រំដែនចូលអ៊ីស្រាអែលពីសំណាក់ក្រុមហាម៉ាស ដោយបានសម្លាប់មនុស្សជាង ១,៤០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អាមេរិក បើកការសងសឹកនៅស៊ីរី ក្រោយមូលដ្ឋានរបស់ខ្លួនក្នុងតំបន់ ត្រូវវាយប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៧ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម