ព័ត៌មានអន្ដរជាតិ
រុស្ស៊ី-អ៊ុយក្រែន ដោះដូរឈ្លើយសឹកទ្រង់ទ្រាយធំ អបអរឆ្នាំថ្មី
ក្រសួងការពារជាតិរុស្ស៊ីបានប្រកាសកាលពីថ្ងៃពុធទី៣ខែមករាថា កងកម្លាំងរបស់ខ្លួនចំនួន ២៤៨នាក់ត្រូវបានអ៊ុយក្រែនដោះលែងមកវិញ ខណៈទីក្រុងកៀវក៏អះអាងដែរថា កងទ័ពរបស់ខ្លួនចំនួន២៣០នាក់ ក៏ត្រូវបានដោះដូរជាមួយទីក្រុងមូស្គូដែរ។
តាមការបញ្ជាក់ពីភាគីរុស្ស៊ី, ការដោះដូរឈ្លើយសឹកនេះ គឺកើតឡើងក្រោយការចរចាផ្អែកលើទង្វើមនុស្សធម៌ ដែលសម្របសម្រួលដោយប្រទេសអារ៉ាប់រួម។
ក្រោយការដោះលែង គ្រូពេទ្យបានពិនិត្យឈ្លើយសឹករុស្ស៊ី ទាំងរាងកាយនិងសតិអារម្មណ៍ ហើយពួកគេត្រូវកងកម្លាំងលំហអាកាស បញ្ជូនទៅផ្ទះដើម្បីព្យាបាលបន្ត។
ភ្លាមៗក្រោយសេចក្តីប្រកាសរបស់រុស្ស៊ី ប្រធានាធិបតីអ៊ុយក្រែន លោក Vladimir Zelensky ក៏បានបង្ហោះនៅលើឆានែល Telegram របស់គាត់ដែរថា “ទាហានអ៊ុយក្រែន២៣០នាក់ ត្រូវបានដោះលែង ជាថ្នូរនឹងគ្នា”។
សូមបញ្ជាក់ថា ការដោះដូរឈ្លើយសឹកកាលពីថ្ងៃពុធ ត្រូវបានគេរាយការណ៍ថាជាការដោះដូរទ្រង់ទ្រាយធំបំផុត ចាប់តាំងពីជម្លោះផ្ទុះឡើង ខណៈការដោះដូរឈ្លើយសឹកជាសាធារណៈ លើកចុងក្រោយនៅដើមខែសីហាឆ្នាំ២០២៣ គឺភាគីទាំងពីរ ដោះដូរទាហានគ្នាត្រឹម២២នាក់ប៉ុណ្ណោះ។
សូមបញ្ជាក់ជាថ្មី នៅថ្ងៃទី២៤ខែកុម្ភៈឆ្នាំ២០២២ រុស្ស៊ី បានបើកប្រតិបត្តិការយោធាពិសេសក្នុងប្រទេសអ៊ុយក្រែន ក្នុងគោលបំណងរំដោះតំបន់ Donbass ព្រោះថាបើយោងតាមភាគីរុស្ស៊ី, នៅទីនោះប្រជាជននៃសាធារណរដ្ឋ Donetsk និង Lugansk បានរស់នៅក្រោមគ្រាប់ផ្លោងរបស់កងកម្លាំងទីក្រុងកៀវ សឹងរាល់ថ្ងៃ។
មិនត្រឹមប៉ុណ្ណឹង ទីក្រុងមូស្គូថែមទាំងអះអាងដែរថា ខ្លួនចង់លុបបំបាត់មនោគមវិជ្ជាណាស៊ី ក៏ដូចជាភាពគ្មានយោធារបស់អ៊ុយក្រែន ទៀតផង៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី បាញ់ស្រោចមីស៊ីលទ្រង់ទ្រាយធំបំផុត មិនធ្លាប់មានលើអ៊ុយក្រែន ចាប់តាំងពីសង្គ្រាមផ្ទុះឡើង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ