ព័ត៌មានអន្ដរជាតិ
ស្លាប់កើនដល់១០០នាក់ ក្នុងគ្រោះរញ្ជួយដីនៅ ជប៉ុន
គិតត្រឹមព្រឹកថ្ងៃសៅរ៍ទី៦ខែមករា តួលេខមនុស្សស្លាប់ក្នុងគ្រោះរញ្ជួយដីនៅប្រទេសជប៉ុន បានកើនដល់១០០នាក់ហើយ ខណៈ២១១នាក់ទៀត កំពុងបាត់ខ្លួននៅឡើយ។
![](https://www.kampucheathmey.com/wp-content/uploads/2024/01/image-353.png)
ការរញ្ជួយកម្រិត៧.៦រ៉ិចទ័រ បានវាយប្រហារខេត្ត អ៊ីស៊ីកាវ៉ា នៅរសៀលថ្ងៃទី១ខែមករា ដោយបង្កឲ្យមានការព្រមានអំពីរលកយក្សស៊ូណាមិ និងការជម្លៀសមនុស្សទៅទីសុវត្ថិភាព។
ប្រតិបត្តិការជួយសង្គ្រោះនិងផ្តល់ជំនួយទៅកាន់អ្នករស់នៅតំបន់ដែលត្រូវកាត់ផ្តាច់ កំពុងជួបឧបសគ្គដោយសារតែកត្តាអាកាសធាតុនិងការខូចខាតហេដ្ឋារចនាសម្ព័ន្ធ។
![](https://www.kampucheathmey.com/wp-content/uploads/2024/01/image-352.png)
តាមសេចក្តីរាយការណ៍ គ្រួសារប្រហែល២៣៨០០ នៅតែគ្មានអគ្គិសនីប្រើប្រាស់ក្នុងខេត្ត អ៊ីស៊ីកាវ៉ា ហើយជាង ៦៦៤០០០គ្រួសារ គ្មានទឹកស្អាតប្រើប្រាស់។
មិនត្រឹមប៉ុណ្ណឹង ការដាច់ភ្លើងនិងទឹក ក៏ប៉ះពាល់ដល់មន្ទីរពេទ្យ និងមណ្ឌលមើលថែទមនុស្សចាស់និងជនពិការផងដែរ។ ទន្ទឹមនោះ មនុស្សជាង ៣១៤០០ នាក់ កំពុងស្នាក់នៅក្នុងមណ្ឌលចំនួន៣៥៧ ដែលរដ្ឋាភិបាលបង្កើតឡើង។
![](https://www.kampucheathmey.com/wp-content/uploads/2024/01/image-354.png)
សូមបញ្ជាក់ថា ទោះជប៉ុន តែងជួបប្រទះការរញ្ជួយដីរាប់រយដងជារៀងរាល់ឆ្នាំក៏ពិតមែន ប៉ុន្តែការរញ្ជួយភាគច្រើន គឺមិនបណ្តាលឲ្យមានការខូចខាតខ្លាំងក្លាទេ ដោយសារតែប្រទេសនេះ បានអនុវត្តច្បាប់សាងសង់អគារយ៉ាងតឹងរ៉ឹង អស់រយៈពេលជាង៤ទសវត្សរ៍មកហើយ។
ប្រទេសនេះ នៅតែត្រូវលងបន្លាចដោយការរញ្ជួយដីបាតសមុទ្រកម្រិត ៩.០រ៉ិចទ័រក្នុងឆ្នាំ២០១១ ដែលបង្កជារលកយក្សស៊ូណាមិ បណ្តាលឲ្យមនុស្សប្រហែល១៨៥០០នាក់ស្លាប់ឬបាត់ខ្លួន៕
ប្រែសម្រួល៖ Vann Vann
ប្រភព៖ CNA, NHK
ចុចអាន៖ ចូលឆ្នាំ២០២៤បានប៉ុន្មានថ្ងៃ ជប៉ុន រងទុក្ខផ្ទួន ស្លាប់មនុស្ស ៦០នាក់
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ