ព័ត៌មានអន្ដរជាតិ
អាមេរិកហាមពលរដ្ឋមិនឲ្យទៅប្រទេសមីយ៉ាន់ម៉ា បន្ទាប់ពីរដ្ឋប្រហារ
ក្រសួងការបរទេសសហរដ្ឋអាមេរិកបានចេញការព្រមានអំពីការធ្វើដំណើរថ្មីដោយស្នើឲ្យជនជាតិអាមេរិកមិនឲ្យទៅទស្សនាប្រទេសមីយ៉ាន់ម៉ាជុំវិញការរីករាលដាលនៃជំងឺកូវីដ ១៩ និងភាពវឹកវរស៊ីវិលនៅក្នុងប្រទេសអាស៊ីអាគ្នេយ៍មួយនេះ បន្ទាប់ពីរដ្ឋប្រហារយោធា ១ កុម្ភៈ ។
យោងតាមសេចក្តីថ្លែងការណ៍ផ្លូវការដែលបានចេញផ្សាយកាលពីល្ងាចថ្ងៃសុក្របានឲ្យដឹងថា “ក្រសួងការបរទេសបានបង្កើនកម្រិតការធ្វើដំណើរសម្រាប់ប្រទេសមីយ៉ាន់ម៉ា ដល់កម្រិតទី ៤ ដោយមិនឲ្យធ្វើដំណើរចាប់ពីថ្ងៃទី ១២ ខែកុម្ភៈ ឆ្នាំ ២០២១ តទៅ” ។ នៅពេលការចេញផ្សាយត្រូវបានប្រកាស មជ្ឈមណ្ឌលទប់ស្កាត់ និងបង្ការជំងឺ (CDC) ក៏បានបង្កើនកម្រិតនៃការគំរាមកំហែងជំងឺកូវីដ ១៩ សម្រាប់ប្រទេសមីយ៉ាន់ម៉ាផងដែរ ។
សេចក្តីថ្លែងការណ៍បានបន្ថែមថា “យោធាភូមាបានចាប់ឃុំខ្លួន និងបានទម្លាក់មន្ត្រីរដ្ឋាភិបាលជាប់ឆ្នោត ។ ការតវ៉ា និងបាតុកម្មប្រឆាំងនឹងការគ្រប់គ្រងយោធាបានកើតឡើង ហើយត្រូវបានគេរំពឹងថានឹងបន្តកើតមានទៀត” ។
នៅថ្ងៃទី ១ ខែកុម្ភៈ ប្រទេសមីយ៉ាន់ម៉ាបានប្រឈមមុខនឹងការធ្វើរដ្ឋប្រហារមួយ នៅពេលដែលយោធាបានចាប់ឃុំខ្លួនសមាជិកជាន់ខ្ពស់នៃសភាដែលបានជាប់ឆ្នោតថ្មីមុនពេលដែលត្រូវកោះប្រជុំសម័យប្រជុំដំបូង ។ យោធាបានប្រកាសដាក់ប្រទេសក្នុងស្ថានភាពអាសន្នរយៈពេលមួយឆ្នាំពេញដោយសន្យាថានឹងរៀបចំការបោះឆ្នោតថ្មីមួយបន្ទាប់ពីអស់សុពលភាព ។ បន្ទាប់ពីរដ្ឋប្រហារ មីយ៉ាន់ម៉ាបានប្រឈមមុខនឹងរលកនៃការតវ៉ាក្នុងការគាំទ្រដល់សមាជិកសភាដែលត្រូវបានចាប់ឃុំខ្លួន ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ Breaking News! បាតុករមីយ៉ាន់ម៉ាដែលត្រូវប៉ូលិសបាញ់គ្រាប់ពិតចំក្បាល ស្លាប់ហើយ
ចុចអាន ៖ ក្រុមប្រឹក្សាសិទ្ធិមនុស្ស UN ចេញសេចក្ដីសម្រេចស្ដីពីស្ថានភាពនៅមីយ៉ាន់ម៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត