ព័ត៌មានអន្ដរជាតិ
លោក Netanyahu ទាត់ចោលសម្ដី អាមេរិក ឲ្យបង្កើត “រដ្ឋប៉ាឡេស្ទីន” ក្រោយរលត់ភ្លើងសង្គ្រាម
លោកនាយករដ្ឋមន្ត្រីអ៊ីស្រាអែល Benjamin Netanyahu បានប្រាប់សហរដ្ឋអាមេរិកថា អ៊ីស្រាអែលទាត់ចោលសេណារីយ៉ូបង្កើត “រដ្ឋប៉ាឡេស្ទីន” ក្រោយរលត់ភ្លើងសង្គ្រាម ស្របពេលក៏កំពុងមើលមុខគ្នាលែងចំជាមួយសម្ព័ន្ធមិត្តផងដែរ ពាក់ព័ន្ធនឹងការវាយសន្ធាប់មិនបន្ថូរដៃលើតំបន់ហ្គាហ្សាក្នុងរយៈពេលជាង ៣ ខែនេះ ។ នេះបើយោងតាមការចុះផ្សាយដោយសារព័ត៌មាន CNN នៅថ្ងៃទី១៩ ខែមករានេះ ។
នៅក្នុងសន្និសីទសារព័ត៌មានថ្នាក់ជាតិកាលពីថ្ងៃព្រហស្បតិ៍ លោក Netanyahu នៅតែចិញ្ចឹមចិត្តបន្តដុតបញ្ឆេះភ្លើងសង្គ្រាមរហូតដល់អ៊ីស្រាអែលសម្រេចបានផែនការជ័យជម្នះពេញទីលើក្រុមហាម៉ាស ខណៈទាក់ទិននឹងរឿងបង្កើតរដ្ឋប៉ាឡេស្ទីនវិញ លោកនាយករដ្ឋមន្ត្រីបានចាត់ចែងរួចអស់ទៅហើយ ។
ស្របពេលជាមួយគ្នានេះ សារព័ត៌មានកាតា Al Jazeera ក៏បានរាយការណ៍ដែរថា លោក Netanyahu ចាត់ទុកភ្លើងសង្គ្រាមបច្ចុប្បន្ននេះ មិនមែនជាពេលត្រូវបើកមាត់និយាយអំពីការខ្វះខាតរដ្ឋណាមួយនោះទេ ប៉ុន្តែគួរតែហារស្ដីអំពីរដ្ឋមានបច្ចុប្បន្នទើបជាការប្រសើរ ហើយផែនការតាំងទីលំនៅណាមួយនាពេលអនាគត ត្រូវតែច្របាច់ចូលក្នុងការគ្រប់គ្រងដោយយោធាអ៊ីស្រាអែលលើទឹកដីទាំងអស់នៅប៉ែកខាងលិចនៃទន្លេហ្ស៊កដានី ។
ជាការឆ្លើយតប អ្នកនាំពាក្យក្រុមប្រឹក្សាសន្តិសុខជាតិសេតវិមានលោក John Kirby បាននិយាយនៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍ថា “គ្មានអ្វីផ្លាស់ប្តូរអំពីជំហររបស់លោកប្រធានាធិបតី Joe Biden សម្រាប់ដំណោះស្រាយរដ្ឋពីរនោះទេ ជាពិសេសវានឹងជាផលប្រយោជន៍ដ៏ល្អបំផុត មិនមែនសម្រាប់ត្រឹមតែប្រជាជនអ៊ីស្រាអែលប៉ុណ្ណោះទេ ប៉ុន្តែក៏សម្រាប់ពលរដ្ឋប៉ាឡេស្ទីនដូចគ្នា ។
ពាក់ព័ន្ធនឹងបញ្ហានេះទៀតសោត កាសែតអង់គ្លេស Financial Times បានរាយការណ៍ថា ប្រទេសអារ៉ាប់កំពុងធ្វើការលើផែនការសម្រាប់បទឈប់បាញ់មួយ ហើយប្រសិនបើអ៊ីស្រាអែលឯកភាពលើជំហានឆ្ពោះទៅរកការបង្កើតរដ្ឋប៉ាឡេស្ទីន នោះអារ៉ាប៊ីសាអូឌីត និងប្រទេសដទៃទៀតមិនខ្លាចនឹងជួយតម្រង់ទំនាក់ទំនងការទូតឲ្យមានលក្ខណៈធម្មតាឡើងវិញជាមួយអ៊ីស្រាអែលឡើយ ទោះចាយពេលរាប់ខែក៏ដោយ ។
គួរបញ្ជាក់ថា អ៊ីស្រាអែលបានបើកការវាយប្រហារយ៉ាងមិនប្រណីដៃទាំងតាមផ្លូវអាកាស និងដីគោកលើតំបន់ហ្គាហ្សាស្ទ្រីប ដោយបានសម្លាប់ជនជាតិប៉ាឡេស្ទីនជាង ២៤,៦០០ នាក់ ដែលភាគច្រើនជាកុមារ និងស្ត្រី ហើយជាង ៦១,៨០០ នាក់ផ្សេងទៀតរងរបួស ដើម្បីជាការសងសឹកចំពោះការវាយឆ្មក់របស់ក្រុមហាម៉ាសក្នុងព្រឹត្តិការណ៍ ៧ តុលា ។ ចំណែកខាងអ៊ីស្រាអែលវិញមានមនុស្សជិត ១,២០០ បានបាត់បង់ជិវិត ខណៈចំណាប់ខ្មាំងជាង ១៣០ នាក់នៅតែស្ថិតក្នុងកណ្ដាប់ដៃក្រុមហាម៉ាសដដែល ៕
ដោយ ៖ សុខ ជីវ័ន្ត
ចុចអាន ៖ អាល្លឺម៉ង់ ៖ “មិនមែនសុខៗបទឈប់បាញ់នៅហ្គាហ្សា ធ្លាក់មកពីលើមេឃនោះទេ”
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត