ព័ត៌មានអន្ដរជាតិ
អ៊ីរ៉ង់ ចេញមុខនិយាយ រឿងស្លាប់ទាហានអាមេរិក នៅ ហ្ស៊កដានី
តាមការចុះផ្សាយរបស់សារព័ត៌មាន IRNA, ពេលនេះអ្នកនាំពាក្យក្រសួងការបរទេសអ៊ីរ៉ង់ បានចេញមុខបដិសេធថា ប្រទេសខ្លួន មិនមានជាប់ពាក់ព័ន្ធអ្វីឡើយចំពោះការសម្លាប់ទាហានអាមេរិក ៣នាក់នៅប្រទេសហ៊្សកដានី កាលពីថ្ងៃអាទិត្យទី២៨ខែមករា។
លោក Nasser Kanaani និយាយថា “ដូចដែលយើងបញ្ជាក់យ៉ាងច្បាស់ពីមុនមកអ៊ីចឹង ក្រុមអ្នកតស៊ូក្នុងតំបន់ កំពុងឆ្លើយតបនឹងឧក្រិដ្ឋកម្មសង្រ្គាម និងអំពើប្រល័យពូជសាសន៍។ ពួកគេមិនទទួលបញ្ជាពីសាធារណរដ្ឋឥស្លាមអ៊ីរ៉ង់ទេ។ ក្រុមទាំងនេះសម្រេចចិត្ត និងធ្វើសកម្មភាពដោយផ្អែកលើគោលការណ៍ និងអាទិភាពរបស់ពួកគេ ក៏ដូចជាផលប្រយោជន៍របស់ប្រទេស និងប្រជាជនរបស់ពួកគេប៉ុណ្ណោះ”។
ការបំភ្លឺនេះកើតឡើង បន្ទាប់ពីចលនាតស៊ូឥស្លាមមានមូលដ្ឋាននៅប្រទេសអ៊ីរ៉ាក់ ចេញមុខទទួលខុសត្រូវចំពោះការវាយប្រហារលើតំបន់ Tower 22 ដែលស្ថិតនៅមិនឆ្ងាយប៉ុន្មានពីព្រំដែនហ្ស៊កដានី-ស៊ីរី។
ទោះបីជាយ៉ាងណាក៏ដោយ មុននេះ ប្រធានាធិបតីអាមេរិក លោក ចូ បៃដិន ដាក់ការសង្ស័យទង្វើនេះជាស្នាដៃរបស់ក្រុមសកម្មប្រយុទ្ធរ៉ាឌីកាល់គាំទ្រដោយអ៊ីរ៉ង់ ខណៈមានអ្នកនយោបាយអាមេរិកជាច្រើនរូបទៀត បានស្តីបន្ទោសទីក្រុងតេហេរ៉ង់ដោយផ្ទាល់តែម្តង ហើយក្រោយមក លោកបានចេញសេចក្តីថ្លែងការណ៍ ដោយប្តេជ្ញាសងសឹកចំពោះការបាត់បង់ជីវិតរបស់ទ័ពអាមេរិក។
តាមការបញ្ជាក់ពីទីបញ្ជាការកណ្តាលរបស់សហរដ្ឋអាមេរិក, ក្រៅពីអ្នកស្លាប់ ក៏មានទាហាន២៥នាក់ទៀតរងរបួសដែរ ក្នុងការវាយប្រហារនេះ។
សូមជម្រាបថា ហេតុការណ៍នៅហ្ស៊កដានី ក៏កើតឡើងផងដែរចំពេលក្រុមសកម្មប្រយុទ្ធ Shia ក្នុងតំបន់ ប្តេជ្ញារួមដៃជាមួយប៉ាឡេស្ទីន និងទាមទារឲ្យអ៊ីស្រាអែល បញ្ចប់ការវាយលុករបស់ខ្លួននៅតំបន់ហ្គាហ្សា។
មិនត្រឹមប៉ុណ្ណឹង ក្រុមហេសបូឡា នៅប្រទេសលីបង់ ក៏បាញ់រ៉ុកកែត និងកាំភ្លើងត្បាល់ជាច្រើនគ្រាប់ចូលទឹកដីអ៊ីស្រាអែល ខណៈក្រុមហ៊ូធីរបស់យេម៉ែនឯណោះវិញ ក៏បាញ់មីស៊ីលនិងបង្ហោះដ្រូន វាយប្រហារកប៉ាល់ពាណិជ្ជករ ដែលធ្វើដំណើរឆ្លងកាត់សមុទ្រក្រហមផងដែរ។
ដោយសារតែរឿងនេះហើយ ទើបសហរដ្ឋអាមេរិក និងចក្រភពអង់គ្លេស ចាប់ផ្តើមបើកការវាយប្រហារលើគោលដៅក្រុម ហ៊ូធី ក្នុងប្រទេសយេម៉ែននៅថ្ងៃទី ១២ ខែមករា ដោយលើកឡើងពីភាពចាំបាច់ដើម្បីការពារផ្លូវដឹកជញ្ជូនអន្តរជាតិ៕
អត្ថបទ៖ សុខ សុវណ្ណ
ចុចអាន៖ ត្រាំ ព្រមានផ្ទុះសង្គ្រាមលោកលើកទី៣ ក្រោយទាហានអាមេរិក ស្លាប់នៅ ហ្ស៊កដានី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ