Connect with us

ព័ត៌មានអន្ដរជាតិ

ត្រាំ ព្រមានផ្ទុះសង្គ្រាមលោកលើកទី៣ ក្រោយទាហានអាមេរិក ស្លាប់នៅ ហ្ស៊កដានី

បានផុស

នៅ

ក្រោយទាហានអាមេរិក៣នាក់ ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើកនៅប្រទេសហ្ស៊កដានី លោក ដូណាល់ ត្រាំ បានព្រមានថា សង្គ្រាមលោកលើកទី៣ជិតកើតឡើងមែនទែនហើយ។

លោក ដូណាល់ ត្រាំ (រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ Mirror កាលពីថ្ងៃអាទិត្យទី២៨ខែមករា, លោក ត្រាំ បានបង្ហោះលើបណ្តាញ “សច្ចធម៌សង្គម” ថា ការវាយប្រហារនៅហ្ស៊កដានី ដែលជាកន្លែងសេតវិមានកំពុងកំណត់គោលដៅលើក្រុមសកម្មប្រយុទ្ធរ៉ាឌីកាល់គាំទ្រដោយអ៊ីរ៉ង់ នឹងមិនកើតឡើងទេប្រសិនបើគាត់នៅតែជាប្រធានាធិបតី ហើយការវាយបកឈានដល់បណ្តាលឲ្យទាហានអាមេរិកស្លាប់បែបនេះ គឺបង្ហាញពីកម្សោយរបស់លោក ចូ បៃដិន។

លោកបន្តថា​ “បីឆ្នាំមុន អ៊ីរ៉ង់ទន់ជ្រាយ បែកបាក់ និងស្ថិតក្រោមការគ្រប់គ្រងទាំងស្រុង។ នោះគឺដោយសារតែគោលនយោបាយដាក់សម្ពាធមិនលែងរបស់ខ្ញុំ របបអ៊ីរ៉ង់ស្ទើរតែគ្មានប្រាក់សូម្បីពីរដុល្លារ ដើម្បីផ្តល់មូលនិធិគាំទ្រភេរវកររបស់ពួកគេ។ ស្រាប់តែ លោក ចូ បៃដិន បានចូលមក ហើយផ្តល់លុយឲ្យអ៊ីរ៉ង់រាប់ពាន់លានដុល្លារ ដែលរបបនេះយកទៅប្រើដើម្បីផ្សព្វផ្សាយការបង្ហូរឈាម និងសម្លាប់រង្គាលនៅទូទាំងតំបន់មជ្ឈិមបូព៌ា។ ការវាយប្រហារនេះនឹងមិនកើតឡើងឡើយប្រសិនបើខ្ញុំជាប្រធានាធិបតី សូម្បីឱកាសក៏សឹងគ្មាន ដូចការវាយប្រហាររបស់ក្រុមហាម៉ាសទៅលើអ៊ីស្រាអែលដែរ។ សង្គ្រាម​នៅ​អ៊ុយក្រែន​នឹង​មិន​កើត​ឡើង​ទេ ហើយ​ឥឡូវ​យើងប្រហែល​មាន​សន្តិភាព​ទូទាំង​ពិភពលោក។ ផ្ទុយទៅវិញ យើងកំពុងស្ថិតនៅលើមាត់ជ្រោះនៃសង្គ្រាមលោកលើកទី៣ហើយ”។

ទីតាំងនៃការវាយប្រហារ (រូបថត៖ Mirror)

តាមការបញ្ជាក់ពីទីបញ្ជាការកណ្តាលរបស់សហរដ្ឋអាមេរិក, ក្រៅពីកងទ័ពស្លាប់ ក៏មានទ័ព២៥នាក់ទៀតរងរបួសដែរក្នុងការវាយប្រហារដោយកងជីវពលដែលគាំទ្រដោយអ៊ីរ៉ង់ ហើយភ្លាមៗនោះ លោក​ ចូ បៃដិន ប្រកាសចាត់វិធានការដើម្បីសងសឹកតែម្តង។

ការវាយប្រហារនេះកើតឡើងនៅភាគឦសានប្រទេសហ្ស៊កដានី ក្បែរព្រំដែនស៊ីរី ខណៈកងទ័ពអាមេរិក បានប្រើប្រាស់ប្រទេសនេះជាមូលដ្ឋានគោលកម្ចាត់ក្រុមភេរវកម្មជាយូរមកហើយ ដោយជាធម្មតា មានទាហានប្រហែល៣០០០នាក់ឈរជើងនៅទីនោះ៕

អត្ថបទ៖ សុខ សុវណ្ណ

ចុចអាន៖ បេក្ខជនប្រធានាធិបតីអាមេរិក ប្រកាសថា សង្គ្រាមលោកលើកទី៣នឹងផ្ទុះ បើអ៊ុយក្រែន ចាញ់ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៩ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ១០ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១០ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម