Connect with us

ព័ត៌មានអន្ដរជាតិ

ដរាបណា អ៊ីស្រាអែល មិនស្ងាត់បាញ់លើហ្គាហ្សា គ្រាប់រ៉ុកកែតក្រុមហ៊ូធីក៏​បន្តហោះបុកនាវានៅសមុទ្រក្រហម

បានផុស

នៅ

“ដរាបណាអ៊ីស្រាអែលនៅតែបាញ់បោះទៅលើតំបន់ហ្គាហ្សាស្ទ្រីប នោះគ្រាប់រ៉ុកកែត និងយន្តហោះគ្មានមនុស្សបើករបស់ក្រុមឧទ្ទាមហ៊ូធីក៏មិនស្ងាត់ហោះទៅបុកនាវានៅសមុទ្រក្រហមនោះដែរ” ។ នេះបើយោងតាមការបញ្ជាក់ពីអ្នកនាំពាក្យក្រុមឧទ្ទាមនៅក្នុងប្រទេសយេម៉ែនមួយនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងបទសម្ភាសន៍ផ្ដាច់មុខតាមអនឡាញជាមួយទូរទស្សន៍ជប៉ុន NHK កាលពីថ្ងៃទី៣០ ខែមករា, អ្នកនាំពាក្យរូបនេះបានលើកឡើងថា ក្រុមឧទ្ទាមហ៊ូធីបាននិងកំពុងបាញ់បោះមិនដកដៃទៅលើនាវានៅសមុទ្រក្រហម  ហើយពួកគេនៅតែចិញ្ចឹមចិត្តបន្តសកម្មភាពដូច្នេះទៀតដើម្បីបង្ហាញពីការប្រកៀកស្មាគ្នាជាមួយក្រុមហាម៉ាសដែលកំពុងត្រដាបត្រដួសក្រោមភ្លើងសង្គ្រាមរបស់អ៊ីស្រាអែល ។

ទោះយ៉ាងណា ក្រុមឧទ្ទាមហ៊ូធីក៏មិនមានឆន្ទៈ ក៏ដូចជាចេតនាណាមួយបញ្ឆេះស្ថានការណ៍ឲ្យកាន់តែតានតឹងនៅទូទាំងតំបន់មជ្ឈិមបូព៌ានោះដែរ ហើយក្រុមឧទ្ទាមដែលក៏មានខ្នងបង្អែកពីអ៊ីរ៉ង់មួយនេះ នឹងទម្លាក់អាវុធចុះភ្លាម នៅពេលដែលកម្លាំងទ័ពអ៊ីស្រាអែលពន្លត់ភ្លើងសង្គ្រាមរបស់ខ្លួននៅក្នុងតំបន់ហ្គាហ្សាដូចគ្នា ។

ពាក់ព័ន្ធនឹងបញ្ហានេះដែរ សារព័ត៌មាន CNN បានរាយការណ៍នៅក្នុងខែមករានេះថា កងកម្លាំងអាមេរិក និងអង់គ្លេសរួមជាមួយក្រុមចម្រុះផ្សេងទៀតដែលបង្កើតឡើងកាលពីឆ្នាំមុន ក៏ផ្ទុះការវាយប្រហារតបតទៅលើគោលដៅរបស់ក្រុមឧទ្ទាមហ៊ូធីក្នុងប្រទេសយេម៉ែនវិញ ខណៈទង្វើនេះទាញឲ្យក្រុមប្រដាប់អាវុធមួយនេះ កាន់តែក្ដៅស្លឹកត្រចៀក និងថែមទាំងចង់ប្រកាសភ្លើងសង្គ្រាមជាមួយប្រទេសទាំងពីរផងដែរ ។

ជាការឆ្លើយតប អ្នកនាំពាក្យក្រុមប្រឹក្សាសន្តិសុខជាតិអាមេរិកលោក John Kirby បានប្រាប់សារព័ត៌មាន CBS កាលពីពាក់កណ្ដាលខែមករានេះថា រដ្ឋាភិបាលទីក្រុងវ៉ាស៊ីនតោនមិនចង់ប្រែក្លាយប្រតិបត្តិការរបស់ខ្លួននៅសមុទ្រក្រហមទៅជាជម្លោះបែកផ្កាភ្លើងជាមួយប្រទេសយេម៉ែននោះទេ ។

ក្នុងរយៈពេលប៉ុន្មានខែកន្លងមកនេះ ក្រុមឧទ្ទាមហ៊ូធីមិនដែលកេះកៃបាញ់ខុសគោលដៅណាមួយឡើយ ហើយថែមទាំងអះអាងទៀតថា រាល់ទង្វើរបស់ពួកគេក៏មិនបានបង្កផលប៉ះពាល់ទៅដល់ផ្លូវដឹកជញ្ជូនរបស់កប៉ាល់​ពាណិជ្ជករដែល​បើក​កាត់​ឈូង​សមុទ្រ Aden នោះដែរ ។

ផ្ទុយទៅវិញ មានតែអាមេរិកខ្លួនឯងប៉ុណ្ណោះដែលជាអ្នកចាក់រុកបង្កអសន្តិសុខដល់ផ្លូវទឹកដឹកជញ្ជូនមួយនេះ ខណៈគិតត្រឹមពាក់កណ្ដាលខែមករា ឆ្នាំ២០២៤ នេះ ប្រទេសជាង ៥០ ត្រូវរងផលប៉ះពាល់ ដោយសារតែការវាយប្រហាររបស់ ក្រុមឧទ្ទាមហ៊ូធីប្រមាណជា ២៧ លើកលើកប៉ាល់ទាំងអស់ ៕

ដោយ ៖ សុខ ជីវ័ន្ត

ចុចអាន ៖ មានប្រទេសចេញមុខបញ្ចប់ភ្លើងសង្គ្រាមបង្ហូរឈាមនៅតំបន់ ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ នាទី មុន

តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?

ព័ត៌មានជាតិ៧ នាទី មុន

រដ្ឋបាលខេត្តព្រះវិហារ បដិសេធការផ្សាយថា ពលរដ្ឋរត់ទៅពួនក្នុងព្រៃដើម្បីគេចពីការចាប់ខ្លួនពីអាជ្ញាធរខេត្ត

ព័ត៌មានជាតិ១១ នាទី មុន

ជួបការ​រាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្មពេញមួយឆ្នាំ

ជីវិតកម្សាន្ដ២៧ នាទី មុន

ផ្ទុះការវែកញែក ក្រោយ ឯម រៀម បង្ហាញ ៣ ចំណុច គួរចៀសវាង ក្នុងពិធីអាពាហ៍ពិពាហ៍

ព័ត៌មានជាតិ៣៧ នាទី មុន

ក្រសួងមហាផ្ទៃ បើកសិក្ខាសាលាពិគ្រោះយោបល់ លើសេចក្តីព្រាងច្បាប់ស្តីពីបទល្មើសបច្ចេកវិទ្យាព័ត៌មាន

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម