Connect with us

ព័ត៌មានអន្ដរជាតិ

អ្នកជំនាញនិយាយថា ក្រមសីលធម៌យុវជនថៃ កំពុងធ្លាក់ចុះ ដោយសារសង្គមគ្រួសារទន់ខ្សោយ

បានផុស

នៅ

នៅក្នុងសង្គមថៃ មួយរយៈចុងក្រោយនេះ គេសង្កេតឃើញមានករណីហិង្សាជាច្រើនកើតឡើង ហើយករណីទាំង​នោះភាគច្រើនពាក់ព័ន្ធទៅនឹងយុវវ័យ ដូចជាករណី ក្មេងប្រុសជំទង់អាយុ១៤ឆ្នាំ ម្នាក់បានប្រើកាំភ្លើងបាញ់រះនៅក្នុងផ្សារទំនើបបណ្ដាលឱ្យមានអ្នកស្លាប់ និងរបួស៣នាក់ រួមទាំងករណីក្មេងជំទង់៥នាក់ វាយស្ត្រីអនាថាអាយុ៤៧ឆ្នាំម្នាក់ស្លាប់នៅខេត្តស្រះកែវ និងករណីក្មេង​ជំទង់​មួយ​ក្រុម​បាន​វាយ​ប្រហារ​សិស្ស​អាយុ​១៣​ឆ្នាំ​ម្នាក់​នៅ​កណ្តាល​ផ្លូវ​ក្នុង​ស្រុក Lahan Sai ខេត្ត Buriram ជាដើម ។

រាល់ករណីដែលបានកើតឡើងខាងលើនេះ លោក Sompong Jitradub អ្នកជំនាញផ្នែកអប់រំបាននិយាយថា សង្គមថៃកំពុងបន្តពូជយុវជនដែលគ្មានសេចក្ដីថ្លៃថ្នូរ និងបង្កើតឱ្យមានអំពើហិង្សា ហើយប្រសិនបើមិនមានដំណោះស្រាយទេនោះ វានឹងកើតមានបញ្ហាកាន់តែខ្លាំងជាងនេះ ។

ករណីក្មេងជំទង់៥នាក់ វាយស្ត្រីអនាថាអាយុ៤៧ឆ្នាំម្នាក់ស្លាប់នៅខេត្តស្រះកែវ (រូបថតពី៖ Khaosod)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បាន​បន្ថែម​ថា ប្រព័ន្ធ​គ្រួសារ​ក្នុងសង្គមថៃបច្ចុប្បន្ន​កំពុងធ្លាក់ទន់ខ្សោយ ដោយសារជារឿយៗឪពុកម្ដាយរវល់ជាមួយការងារច្រើន បណ្ដោយឱ្យកូនៗរបស់ពួកគេឈ្លក់វង្វេងជាមួយសម្ភារៈនិយមដូចជាទូរស័ព្ទដៃទំនើប និងគួបផ្សំជាមួយប្រព័ន្ធអប់រំ គ្រប់គ្រងពុំបានគ្រប់ជ្រុងជ្រោយទៅនឹងស្ថានភាពរបស់កុមារ និងយុវជន ទើបបណ្ដាលឱ្យកើតមានការកើនឡើងនៃក្មេងទំនើង ។

លោក Sompong Jitradub បញ្ជាក់ថា ការមិនយកចិត្តទុកដាក់ និងការទុកកុមារចោលឱ្យនៅឯកោ ជាកត្តាមួយ ដែលនាំឱ្យពួកគេងាកមកប្រើប្រាស់ស្មាតហ្វូន និង អ៊ិនធឺណេត ដែលជាឧបករណ៍អាចឱ្យពួកគេមើលឃើញពីមាតិការពុំសមរម្យជាច្រើន និងអាចអូសទាញពួកគេឈានទៅរកប្រព្រឹត្តអំពើមិនគប្បី មានអកប្បកិរិយាមិនសមរម្យ ឬកាន់តែធ្ងន់ធ្ងរជាងនេះអាចឱ្យពួកគេញៀនជាមួយសារធាតុផ្សេងៗ ដូចជា កញ្ឆា, methamphetamine, និងបារីអេឡិចត្រូនិច ជាដើម ដែលទាំងនេះសុទ្ធតែជាសារធាតុជម្រុញកម្លាំងចិត្តឱ្យកើតមានករណីអំពើហិង្សាក្នុងសង្គម ។

យោងតាមស្ថិតិរបស់នាយកដ្ឋានការពារកុមារ និងយុវជន បានឱ្យដឹងថា ក្នុងឆ្នាំ ២០២២-២០២៣ មានបទល្មើសព្រហ្មទណ្ឌចំនួន ១២,០០០ ករណី សុទ្ធតែពាក់ព័ន្ធជាមួយកុមារ និងយុវជន។ ហើយស្ថិតិបានបង្ហាញថា ភាគច្រើនពួកគេទាំងនោះទើបតែបញ្ចប់ថ្នាក់វិទ្យាល័យ និងមកពីគ្រួសារដែលមានម្ដាយឪពុកលែងលះ ៕

ប្រែសម្រួលដោយ៖ ប៉ោ កុសល

ប្រភព៖ Khaosod

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម