ព័ត៌មានអន្ដរជាតិ
កូនប្រុសលោកស្រី ស៊ូជី ទទួលបានសំបុត្រមួយច្បាប់ពីម្តាយ
ក្រោយទទួលបានសំបុត្រពីលោកស្រី អ៊ុងសាន ស៊ូជី, កូនប្រុសឈ្មោះ Kim Aris បានប្រាប់ AFP កាលពីថ្ងៃអង្គារទី៦ខែកុម្ភៈថា ម្តាយរបស់ខ្លួន “មានស្មារតីរឹងមាំណាស់”។
នេះត្រូវបានគេដឹងថា ជាទំនាក់ទំនងដំបូងរវាងអ្នកទាំងពីរ ចាប់តាំងពីមេដឹកនាំប្រជាធិបតេយ្យមីយ៉ាន់ម៉ា ត្រូវបានឃុំខ្លួនក្នុងរដ្ឋប្រហារកាលពីបីឆ្នាំមុន ក្រោយបណ្តេញចេញពីតំណែង ។
ទាក់ទិនខ្លឹមសារនៃសំបុត្រដែលគាត់ទទួលបានពីម្តាយកំពុងជាប់ឃុំក្នុងពន្ធនាគារយោធា នៃទីក្រុងណៃពីដោ, លោក Kim Aris និយាយថា “លោកស្រីមានស្មារតីរឹងមាំដូចសព្វមួយដង” ប៉ុន្តែមិននិយាយច្រើនជាងនេះទេ។
ទោះបីជាយ៉ាងណាក៏ដោយ កាលពីប៉ុន្មានខែមុន គណបក្សនយោបាយរបស់លោកស្រី ស៊ូជី បានអះអាងថា យោធាមីយ៉ាន់ម៉ា កំពុងបង្កគ្រោះថ្នាក់ដល់អាយុជីវិតរបស់លោកស្រី ដោយមិនបានផ្ដល់អាហារ និងការព្យាបាល ក៏ដូចជាការថែទាំសុខភាពដល់លោកស្រី ក្នុងពន្ធនាគារ។
លោកស្រី ស៊ូជី ត្រូវបានចាប់ឃុំខ្លួននៅព្រឹកថ្ងៃផ្ទុះរដ្ឋប្រហារក្នុងខែកុម្ភៈឆ្នាំ២០២១ ហើយក្រោយមក លោកស្រីត្រូវបានកាត់ទោសឲ្យជាប់ពន្ធនាគារជាង២០ឆ្នាំ ចំពោះអ្វីដែលក្រុមសិទ្ធិមនុស្សនិយាយថា ជាការកាត់ក្តីក្លែងបន្លំនៅក្នុងតុលាការគ្រប់គ្រងដោយយោធា។
ចាប់តាំងពីពេលនោះមក លោកស្រីមិនសូវត្រូវបានគេឃើញមុខទេ ពោលគឺបង្ហាញមុខតែក្នុងរូបថតលើប្រព័ន្ធផ្សព្វផ្សាយរដ្ឋ នៅឯសវនាការកាត់ទោសប៉ុណ្ណោះ។
សូមបញ្ជាក់ជាថ្មី ប្រទេសមីយ៉ាន់ម៉ា ត្រូវញាំញីដោយភាពចលាចលចាប់តាំងពីរដ្ឋប្រហារ ហើយបើយោងតាមក្រុមឃ្លាំមើលក្នុងតំបន់បានឲ្យដឹងថា ការបង្រ្កាបដោយយោធាលើក្រុមប្រឆាំង បានសម្លាប់មនុស្សជាង៤៤០០នាក់ និងចាប់ខ្លួនជាង២៥០០០នាក់ទៀត៕
អត្ថបទ៖ សុខ សុវណ្ណ
ចុចអាន៖ បក្សលោកស្រី អ៊ុងសាន ស៊ូជី ៖ យោធា មីយ៉ាន់ម៉ា បង្អត់អាហារ និងមិនបានថែទាំសុខភាពលោកស្រីឡើយ
-
ព័ត៌មានអន្ដរជាតិ១ សប្តាហ៍ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ១ សប្តាហ៍ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ២ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ៣ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៥ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៤ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៤ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម