Connect with us

ព័ត៌មានអន្ដរជាតិ

ប្រមុខ UN ព្រមានថា ពិភពលោកកំពុងឈានចូល “យុគសម័យវឹកវរ”

បានផុស

នៅ

ស្របពេលក្រុមប្រឹក្សាសន្តិសុខ មិនមូលមតិគ្នាលើបញ្ហាភូមិសាស្ត្រនយោបាយសំខាន់ៗ និងវិបត្តិពិភពលោកដែលកំពុងបន្ត, អគ្គលេខាធិការអង្គការសហប្រជាជាតិ លោក Antonio Guterres បានព្រមានថា ពិភពលោកកំពុងឈានចូល “យុគសម័យវឹកវរ” ហើយ។

អគ្គលេខាធិការអង្គការសហប្រជាជាតិ លោក Antonio Guterres (រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Aljazeera បានផ្សាយកាលពីថ្ងៃពុធទី៧ខែកុម្ភៈថា ក្នុងសុន្ទរកថាប្រចាំឆ្នាំដែលបង្ហាញពីអាទិភាពរបស់គាត់សម្រាប់ឆ្នាំ២០២៤ដល់ក្រុមប្រឹក្សាសន្តិសុខ នៅទីក្រុងញូវយ៉ក លោក Guterres និយាយថា ជម្លោះនិងសង្រ្គាមនៅទូទាំងពិភពលោក កំពុងបង្កើតគ្រោះថ្នាក់និងរឿងហេតុដែលមិនអាចទាយទុកជាមុនបាន សម្រាប់ជនស៊ីវិលស្លូតត្រង់។

លោក Guterres ប្រាប់មហាសន្និបាតថា “សម្រាប់មនុស្សរាប់លាននាក់ ដែលជាប់នៅក្នុងជម្លោះជុំវិញពិភពលោក ជីវិតរបស់ពួកគេហាក់ដូចជាស្ថិតក្នុងឋាននរក។ យុគសម័យនៃភាពចលាចល បានបង្កើតជាភាពគ្រោះថ្នាក់និងរឿងហេតុមិនអាចទាយទុកជាមុនបាន សម្រាប់អ្នកទាំងអស់គ្នា”។

(រូបថត៖ PBS)

ក្នុង​ចំណោម​បញ្ហា​ដែល UN ខ្វែងគំនិតគ្នា គឺ​​សង្រ្គាមអ៊ីស្រាអែល​នៅ​តំបន់​ហ្គាហ្សា។ លោកភ្ញាក់ផ្អើលជាខ្លាំង ចំពោះរបាយការណ៍ដែលថា អ៊ីស្រាអែលមានបំណងផ្តោតការវាយលុកយោធារបស់ខ្លួន នៅភាគខាងត្បូងតំបន់ហ្គាហ្សា ជាកន្លែងមនុស្សជាងមួយលាននាក់ ស្វែងរកទីសុវត្ថិភាពពីការទម្លាក់គ្រាប់បែកនិងការវាយលុកដីគោក។ 

ស្របពេលជាមួយគ្នានោះ លោកអគ្គលេខាធិការ ក៏បានរិះគន់រដ្ឋនានា ដែលកំពុងពង្រឹងឃ្លាំងអាវុធប្រល័យលោកផងដែរ ដោយស្តីបន្ទោសថា វិធានការទាំងនោះ មានតែបង្កើនអសន្តិសុខជាសកល និងបង្កភាពតានតឹងក្នុងតំបន់ប៉ុណ្ណោះ។

(រូបថត៖ KCNA)

សូមបញ្ជាក់ជាថ្មី កងកម្លាំងអ៊ីស្រាអែល បានបើកការវាយលុកខ្លាំងក្លា លើតំបន់ហ្គាហ្សា ក្នុងគោលបំណងកម្ទេចក្រុមហាម៉ាស ដើម្បីឆ្លើយតបទៅនឹងការវាយប្រហាររបស់ចលនាប្រដាប់អាវុធប៉ាឡេស្ទីនមួយនេះ លើភាគខាងត្បូងប្រទេសអ៊ីស្រាអែលកាលពីថ្ងៃទី៧ខែតុលាឆ្នាំ២០២៣ ដែលសម្លាប់មនុស្សចំនួន១១៣៩នាក់។

រីឯ ការសងសឹករបស់អ៊ីស្រាអែលនៅហ្គាហ្សា បានបណ្តាលឲ្យមនុស្សយ៉ាងតិច ២៧៧០៨នាក់បាត់បង់ជីវិត ហើយប្រជាជនជាង៨០% ត្រូវភៀសខ្លួន៕

អត្ថបទ៖ សុខ សុវណ្ណ

ចុចអាន៖ អ៊ីស្រាអែល ទាមទារឲ្យប្រមុខ UN ចុះចេញពីតំណែង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

ព័ត៌មានជាតិ៧ ថ្ងៃ មុន

អគ្គស្នងការដ្ឋាននគរបាលជាតិ ប្រារព្ធពិធីបំពាក់ឋានន្ដរស័ក្ដិ និងប្រកាសចូលកាន់តំណែង ដល់លោក ហែម សុវត្ថិ

Sokha Hotels

ព័ត៌មានពេញនិយម