ព័ត៌មានអន្ដរជាតិ
រវាង បៃដិន និង ត្រាំ តើ ពូទីន ចង់ឲ្យនរណា ជាប់ឆ្នោតជាង?
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយក្នុងបទសម្ភាសមួយ ដែលផ្សាយកាលពីថ្ងៃពុធទី១៤ខែកុម្ភៈថា គាត់ពេញចិត្តលោក ចូ បៃដិន ជាងលោក ដូណាល់ ត្រាំ ប៉ុន្តែនឹងនៅតែធ្វើការជាមួយសហរដ្ឋអាមេរិក ទោះអ្នកណាជាប់ឆ្នោតក៏ដោយ។ នេះបើតាមសេចក្តីរាយការណ៍របស់ Reuters។
នៅពេលសាកសួរដោយអ្នកសារព័ត៌មាន Pavel Zarubin ថាតើ រវាងលោក ចូ បៃដិន មកពីគណបក្សប្រជាធិបតេយ្យនិងលោក ដូណាល់ ត្រាំ មកពីគណបក្សសាធារណរដ្ឋ តើលោក ពូទីន ចង់ឲ្យនរណាជាប់ឆ្នោតជាង? ស្រាប់តែប្រធានាធិបតីរុស្ស៊ី ឆ្លើយភ្លាមថា “បៃដិន! គាត់គឺជាមនុស្សមានបទពិសោធជាង និងជាអ្នកនយោបាយចាស់ទុំ ប៉ុន្តែយើងនៅតែធ្វើការជាមួយប្រធានាធិបតីអាមេរិករូបណាក៏ដោយ ឲ្យតែប្រជាជនអាមេរិកផ្តល់ទំនុកចិត្ត”។
ទោះយ៉ាងនេះក្តី លោក ពូទីន បានសង្កត់ធ្ងន់ថា រឿងតែមួយគត់ដែលសំខាន់ចំពោះទីក្រុងមូស្គូ គឺពាក់ព័ន្ធគោលនយោបាយរបស់ទីក្រុងវ៉ាស៊ីនតោន ដែលលោកចាត់ទុកថា “គ្រោះថ្នាក់ និងខុសឆ្គង”។
លោក ពូទីន ក៏ធ្វើអត្ថាធិប្បាយលើការលើកឡើងរបស់លោក ត្រាំ នាពេលថ្មីៗ ទាក់ទងនឹងសមាជិកណាតូមួយចំនួន ដែលមិនប្តេជ្ញាចិត្តចំណាយតាមការទាមទាររបស់ប្លុកនេះផងដែរ ដោយនិយាយថា “វិធីសាស្រ្តរបស់លោក ត្រាំ ចំពោះអង្គការណាតូគឺសមហេតុផល។ ណាតូ គឺជាឧបករណ៍នៃគោលនយោបាយការបរទេសរបស់សហរដ្ឋអាមេរិក ហើយប្រសិនបើរដ្ឋាភិបាលទីក្រុងវ៉ាស៊ីនតោន សម្រេចថា ខ្លួនលែងប្រើប្រាស់វាទៀតហើយនោះ វាគឺជាសិទ្ធិរបស់ពួកគេ ទុកឲ្យគេដោះស្រាយខ្លួនឯងទៅ”។
នេះគឺជាលើកទីមួយហើយ ដែលលោកពូទីន បញ្ចេញមតិជាសាធារណៈទាក់ទិនការបោះឆ្នោតអាមេរិកឆ្នាំ២០២៤ ដែលលោក បៃដិន និង ត្រាំ ត្រូវបានគេរំពឹងថា នឹងតទល់គ្នាជាលើកទី២ នៅថ្ងៃទី៥ខែវិច្ឆិកា។
លោក បៃដិន បានដឹកនាំការឆ្លើយតបរបស់បស្ចិមប្រទេស ចំពោះការវាយលុករបស់រុស្ស៊ីនៅអ៊ុយក្រែនក្នុងឆ្នាំ២០២២ រួមទាំងការពង្រីកសម្ព័ន្ធភាពណាតូ ការដាក់ទណ្ឌកម្មជាបន្តបន្ទាប់លើទីក្រុងមូស្គូ និងការផ្តល់ជំនួយព្រមទាំងអាវុធមានតម្លៃរាប់ពាន់លានដុល្លារ ដល់ទីក្រុងកៀវទៀតផង៕
អត្ថបទ៖ សុខ សុវណ្ណ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត