ព័ត៌មានអន្ដរជាតិ
អាមេរិក ផ្លែផ្កាយ៉ាងណាចំពោះការបោះឆ្នោតនៅ រុស្ស៊ី ពិសេសលោក ពូទីន ជាប់អាណត្តិថ្មី
បើទោះបីជាលទ្ធផលបោះឆ្នោតជ្រើសរើសប្រធានាធិបតីរុស្ស៊ីកាលពីថ្ងៃទី១៥ ដល់ថ្ងៃទី១៧ ខែមីនាកន្លងទៅមិនទាន់ចេញជាផ្លូវការក៏ដោយ ប៉ុន្តែវាស្ទើរតែច្បាស់ក្នុងចិត្ត ១០០ ភាគរយទៅហើយថា លោក វ្ល៉ាឌីមៀរ ពូទីន នឹងបន្តកាន់អំណាច ៦ ឆ្នាំទៀត ក្រោយកើបសំឡេងគាំទ្រលើសលប់ជាង ៨៧ ភាគរយនៃសន្លឹកឆ្នោតបានការចំនួន ៩៩.៤៣ ភាគរយ លើគូប្រជែង ៣ រូបផ្សេងទៀតមិនឲ្យតដៃរួច ។
![](https://www.kampucheathmey.com/wp-content/uploads/2024/03/Putin-vote-6.jpg)
ទោះយ៉ាងណា សហរដ្ឋអាមេរិកដែលជាសត្រូវចាស់វស្សាតែមួយគត់របស់រដ្ឋាភិបាលទីក្រុងមូស្គូមិនបានចាត់ទុក ឬទទួលស្គាល់លទ្ធផលនៃការបោះឆ្នោតជ្រើសរើសប្រធានាធិបតីរុស្ស៊ីលើកទី ៨ ក្នុងឆ្នាំ ២០២៤ នេះនោះទេ ហើយរដ្ឋាភិបាលទីក្រុងវ៉ាស៊ីនតោនថែមទាំងផ្លែផ្កា និងបោះពាក្យបោះសម្ដីចំពោះលទ្ធផលឆ្នោតនេះផងដែរ ។
យោងតាមការចេញផ្សាយដោយកាសែត The New York Times កាលពីថ្ងៃទី១៨ ខែមីនាកន្លងទៅបានឲ្យដឹងថា សហរដ្ឋអាមេរិកហាក់ដូចជាមិនភ្ញាក់ផ្អើល ក៏ដូចជាសប្បាយអរចំពោះជ័យជម្នះអាណត្តិទី ៥ របស់លោក ពូទីន នោះឡើយ ដោយសារតែការបោះឆ្នោតនៅរុស្ស៊ីគឺ “មិនសេរី និងយុត្តិធម៌” ។
![](https://www.kampucheathmey.com/wp-content/uploads/2024/03/Adrienne-Watson.jpg)
ពាក់ព័ន្ធនឹងបញ្ហានេះទៀតសោត លោកស្រី Adrienne Watson អ្នកនាំពាក្យក្រុមប្រឹក្សាសន្តិសុខជាតិរបស់លោកប្រធានាធិបតីអាមេរិក ចូ បៃដិន បានបញ្ជាក់បន្ថែមថា “ការបោះឆ្នោតនេះពិតជាមិនសេរី និងយុត្តិធម៌នោះឡើយ ដោយសារតែលោក ពូទីន បានរៀបចំសេណារីយ៉ូជាច្រើនដើម្បីឈ្នះឆ្នោតដូចជា ចាប់ខ្លួនអ្នកប្រឆាំងនយោបាយដាក់ពន្ធនាគារ និងរារាំងបេក្ខភាពមានឥទ្ធិពលផ្សេងៗមិនឲ្យឈរឈ្មោះបោះឆ្នោតតតាំងនឹងរូបលោកជាដើម” ។
ស្របពេលជាមួយគ្នានេះ មេដឹកនាំលោកខាងលិចជាច្រើនក៏បានចេញការថ្កោលទោស និងពាក់មុខយក្សចំពោះការបោះឆ្នោតប្រធានាធិបតីរុស្ស៊ីស្រដៀងទៅនឹងសហរដ្ឋអាមេរិកផងដែរ ពោលមេដឹកនាំទាំងនោះលើកឡើងពីអវត្តមានដៃគូប្រកួតប្រជែងពិតប្រាកដជាមួយលោក ពូទីន ហើយចាត់ទុកដំណើរការបោះឆ្នោតនោះថា កង្វះតម្លាភាព ជាពិសេសគឺការរៀបចំការបោះឆ្នោតនៅលើទឹកដីអ៊ុយក្រែនដែលក្ដោបក្ដាប់ដោយខុសច្បាប់ពីសំណាក់រុស្ស៊ី ។
![](https://www.kampucheathmey.com/wp-content/uploads/2024/03/russia-vote-12.jpg)
ដោយឡែកលោក ពូទីន មិនបានឈឺក្បាលវិលមុខនឹងពាក្យសម្ដីរបស់បច្ចាមិត្តទាំងនោះឡើយ ពោលប្រធានាធិបតីវ័យ ៧១ ឆ្នាំរូបនេះមានតែអរគុណដល់ម្ចាស់ឆ្នោតរុស្ស៊ីទាំងអស់ដែលបានអញ្ជើញទៅបោះឆ្នោត និងបន្តផ្ដល់សេចក្ដីទុកចិត្តដល់រូបលោក ហើយលោកថែមទាំងបន្តមហិច្ឆតានយោបាយបច្ចុប្បន្នរបស់លោក រួមទាំងភ្លើងសង្គ្រាមនៅអ៊ុយក្រែនផងដែរ ។
គួរបញ្ជាក់ថា មិនដូចសហរដ្ឋអាមេរិក និងមេដឹកនាំលោកខាងលិចមួយចំនួននោះទេ ពោលជ័យជម្នះយ៉ាងត្រចះត្រចង់របស់លោក ពូទីន ក្នុងការបោះបោះឆ្នោតកាលពីចុងសប្ដាហ៍កន្លងទៅនេះ ក៏មានមិត្តភក្តិបរទេសផ្ញើសារអបអរដល់បុរសដែលមានរហស្សនាម “ខ្លាឃ្មុំទឹកកក” រូបនេះផងដែរ ខណៈនៅតំបន់អាស៊ី រួមមានមហាមិត្តចិន កូរ៉េខាងជើង មីយ៉ាន់ម៉ា និងវៀតណាម បានសម្ដែងការសាទរចំពោះការឈ្នះឆ្នោតអាណត្តិទី ៥ និងបន្តកាន់អំណាចរយៈពេល ៦ ឆ្នាំទៀតរបស់លោក ពូទីន ៕
![](https://www.kampucheathmey.com/wp-content/uploads/2024/03/Putin-vote-3-2.jpg)
ដោយ ៖ សុខ ជីវ័ន្ត
ចុចអាន ៖ តើមិត្តភ័ក្រ្តនៅ អាស៊ី ណាខ្លះផ្ញើសារអបអរលោក ពូទីន ឈ្នះឆ្នោត?
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ