ព័ត៌មានអន្ដរជាតិ

មីយ៉ាន់ម៉ាសហការជាមួយចិន ចាប់ខ្លួនក្រុមឆបោកតាមអនឡាញបានជាង៨០០នាក់ក្នុងរដ្ឋឆាន

បានផុស

១ year មុន

នៅ

ថ្ងៃព្រហស្បតិ៍ ៤ មេសា ២០២៤

ដោយ

ប្រភពព័ត៌មានបានឱ្យដឹងថា ជនសង្ស័យប្រព្រឹត្តអំពើឆបោកឆ្លងដែនជាង៨០០នាក់ ត្រូវបានចាប់ខ្លួននៅក្នុងប្រតិបត្តិការរួមគ្នាមួយរបស់សមត្ថកិច្ចប៉ូលិសមីយ៉ាន់ម៉ានិងចិន។ នេះបើយោងតាមស្ថានទូតចិនប្រចាំនៅទីក្រុងយ៉ាំងហ្គោនកាលពីថ្ងៃទី១ ខែមេសា ឆ្នាំ២០២៤។

បណ្តាញក្រុមឆបោកតាមអនឡាញ ឬ (Call Center) កំពុងរីករាលដាលនៅក្នុងប្រទេសមីយ៉ាន់ម៉ា ដោយមានប្រជាពលរដ្ឋពីប្រទេសចិននិងប្រទេសដទៃទៀត ត្រូវបានពួកគេបង្ខំឱ្យធ្វើការដើម្បីឆបោកជនជាតិរបស់ខ្លួននៅក្នុងឧស្សាហកម្មមួយដែលអ្នកវិភាគនិយាយថា មានតម្លៃរាប់ពាន់លានដុល្លារ។

ក្នុងសេចក្ដីថ្លែងការណ៍មួយបាននិយាយថា សមត្ថកិច្ចប៉ូលិសមីយ៉ាន់ម៉ាបានចាប់ខ្លួនមនុស្សចំនួន ៨០៧នាក់ពីបទឧក្រិដ្ឋកម្មឆ្លងព្រំដែន និងរឹបអូសកុំព្យូទ័រ ទូរសព្ទដៃ។ ក្នុងចំណោមអ្នកដែលត្រូវបានចាប់ខ្លួនទាំងនោះ មានជនជាតិចិនចំនួន ៣៥២នាក់ដែលត្រូវបានធ្វើបត្យាប័នបញ្ជូនខ្លួនទៅកាន់ប្រទេសចិនវិញកាលពីថ្ងៃអាទិត្យទី៣១ ខែមីនា ខណៈអ្នកផ្សេងទៀតគឺជាជនជាតិមីយ៉ាន់ម៉ា៕