ព័ត៌មានអន្ដរជាតិ
អ៊ីស្រាអែល ចង់វាយប្រហារតបទៅ អ៊ីរ៉ង់ តែលោកខាងលិចឲ្យអត់ធ្មត់សិន
អ៊ីស្រាអែលបាននិយាយថានឹងមានការឆ្លើយតបទៅនឹងការវាយប្រហាររបស់យន្តហោះគ្មានមនុស្សបើក និងកាំជ្រួចមីស៊ីលរបស់អ៊ីរ៉ង់កាលពីចុងសប្តាហ៍កន្លងទៅ ប៉ុន្តែសម្ព័ន្ធមិត្តដូចជា ចក្រភពអង់គ្លេស និងសហរដ្ឋអាមេរិកជំរុញឲ្យរដ្ឋាភិបាលរបស់លោកនាយករដ្ឋមន្ត្រី Benjamin Netanyahu កុំវាយតបតឲ្យសោះ ចំពេលមានក្ដីភ័យព្រួយថាជម្លោះនៅមជ្ឈិមបូព៌ានឹងរីកកាន់តែធំឡើង ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី១៥ ខែមេសាកន្លងទៅ ។
ជាក់ស្ដែង មេបញ្ជាការយោធាអ៊ីស្រាអែល លោកឧត្តមសេនីយ៍ឯក Herzi Halevi បាននិយាយថា អ៊ីស្រាអែលនៅតែពិចារណាលើជំហានរបស់ខ្លួន បន្ទាប់ពីអ៊ីរ៉ង់បានបើកការវាយប្រហារដោយយន្តហោះគ្មានមនុស្សបើករាប់រយគ្រឿង រួមទាំងមីស៊ីលផ្លោង និងមីស៊ីលនាំផ្លូវផងដែរ ប៉ុន្តែទោះយ៉ាងណា ប្រទេសរបស់យើងនឹងមិនឲ្យអ៊ីរ៉ង់ដេកលក់ស្រួលនោះឡើយ ។
បច្ចុប្បន្នអ៊ីស្រាអែលនៅតែស្ថិតក្នុងការប្រុងជើងការខ្ពស់ ប៉ុន្តែអាជ្ញាធរបានដកវិធានការសង្គ្រោះបន្ទាន់មួយចំនួន ដែលរួមមានការហាមប្រាមសកម្មភាពក្នុងសាលារៀន និងកម្រិតលើការជួបជុំទ្រង់ទ្រាយធំជាដើម ខណៈក្តីសង្ឃឹមនៃការសងសឹករបស់អ៊ីស្រាអែលបានធ្វើឲ្យប្រជាជនអ៊ីរ៉ង់ជាច្រើនមានក្ដីព្រួយបារម្ភរួចទៅហើយថានឹងមានផលប៉ះពាល់ផ្នែកសេដ្ឋកិច្ច និងការគ្រប់គ្រងសង្គម ស្របពេលដែលនយោបាយរបស់ប្រទេសកំពុងយ៉ាប់យ៉ឺន ចាប់តាំងពីការតវ៉ានៅឆ្នាំ ២០២២ និងឆ្នាំ ២០២៣ ។
អ៊ីរ៉ង់បានបើកការសងសឹកទៅលើអ៊ីស្រាអែល បន្ទាប់ពីរដ្ឋាភិបាលរបស់លោក Netanyahu កាលពីថ្ងៃទី១ ខែមេសា បានបើកការវាយប្រហារតាមអាកាសទៅលើបរិវេណស្ថានទូតអ៊ីរ៉ង់នៅក្នុងទីក្រុងដាម៉ាស់ប្រទេសស៊ីរី ប៉ុន្តែរដ្ឋាភិបាលទីក្រុងតេហេរ៉ង់បានផ្ដល់សញ្ញាថា ខ្លួនមិនស្វែងរកការកើនឡើងជម្លោះនៅក្នុងតំបន់បន្ថែមទៀតនោះទេ ស្របពេលដែលលោកប្រធានាធិបតីអាមេរិក Joe Biden បានប្រាប់លោក Netanyahu កាលពីចុងសប្តាហ៍ថា អាមេរិកដែលជាបងធំរបស់អ៊ីស្រាអែល នឹងមិនចូលរួមក្នុងការវាយប្រហារតបតរបស់អ៊ីស្រាអែលទៅលើអ៊ីរ៉ង់នោះឡើយ ។
គួរបញ្ជាក់ថា ចាប់តាំងពីសង្រ្គាមនៅតំបន់ហ្គាហ្សាផ្ទុះឡើងកាលពីថ្ងៃទី៧ ខែតុលា ឆ្នាំ២០២៣ មក ការប៉ះទង្គិចគ្នាជាហូរហែរវាងអ៊ីស្រាអែល និងក្រុមសម្ព័ន្ធមិត្តអ៊ីរ៉ង់នៅក្នុងប្រទេសលីបង់ ស៊ីរី យេម៉ែន និងអ៊ីរ៉ាក់ ខណៈទាហាន ៤ នាក់របស់អ៊ីស្រាអែលបានរងរបួសនៅជាប់ព្រំដែនជាមួយលីបង់ ៕
អត្ថបទ៖ សាង ស្រីល័ក្ខ
ចុចអាន ៖ អ៊ីរ៉ង់ ព្រមានថា បើអ៊ីស្រាអែល ហ៊ានសងសឹក នឹងត្រូវធ្ងន់ជាងនេះ
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី