Connect with us

ព័ត៌មានអន្ដរជាតិ

អ៊ីរ៉ង់ ថា សំឡេងផ្ទុះដែលឮគឺជាស្នូរប្រព័ន្ធខែលការពារដែនអាកាសបាញ់​កម្ទេច​យន្តហោះគ្មានមនុស្ស

បានផុស

នៅ

កងកម្លាំងអ៊ីរ៉ង់បញ្ជាក់ថាបានបាញ់កម្ទេចយន្តហោះគ្មានមនុស្សបើកជាច្រើនគ្រឿងនៅទីក្រុង Isfahan ហើយសំឡេងផ្ទុះដែលអ្នករាល់គ្នាឮនៅទីនោះ គឺជាស្នូរដំណើរការប្រព័ន្ធខែលការពារដែនអាកាសរបស់អ៊ីរ៉ង់បាញ់ទម្លាក់អាវុធរបស់ខ្មាំងសត្រូវ ខណៈរហូតមកដល់ពេលនេះ មិនទាន់មានមីស៊ីលណាមួយហោះចូលមកទឹកដីរបស់ខ្លួននោះទេ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី១៩ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យទីភ្នាក់ងារអវកាសអ៊ីរ៉ង់លោក Hossein Dalirian បាននិយាយនៅលើបណ្ដាញសង្គម X ថា “ប្រព័ន្ធខែលការពារដែនអាកាសរបស់អ៊ីរ៉ង់បានបាញ់ទម្លាក់យន្តហោះគ្មានមនុស្សបើកជាច្រើនដោយជោគជ័យ ហើយឥឡូវនេះមិនទាន់មានសេចក្ដីរាយការណ៍ណាមួយពីការវាយប្រហារដោយមីស៊ីលនោះទេ ខណៈសំឡេងផ្ទុះចំនួន ៣ លើកដែលឮនៅក្បែរបន្ទាយទ័ពអាកាស Shekari ជិតទីក្រុង Isfahan គឺជាស្នូរបាញ់របស់ប្រព័ន្ធខែលការពារដែនអាកាសរបស់អ៊ីរ៉ង់” ។

ស្របពេលជាមួយគ្នានេះ សារព័ត៌មានអាមេរិក ABC News ក៏បានរាយការណ៍ផងដែរថា ការវាយប្រហារពីសំណាក់កងកម្លាំងអ៊ីស្រាអែលមកលើគោលដៅមួយចំនួននៅក្នុងទឹកដីអ៊ីរ៉ង់កាលពីរាត្រីថ្ងៃព្រហស្បតិ៍កន្លងទៅ គឺដើម្បីជាការសងសឹកទៅដល់រដ្ឋាភិបាលទីក្រុងតេហេរ៉ង់ដែលបានបើកការវាយប្រហារដោយយន្តហោះគ្មានមនុស្សបើក និងមីស៊ីលរាប់រយគ្រាប់មកលើអ៊ីស្រាអែលកាលពីសប្ដាហ៍មុន ។

ទោះយ៉ាងណា រហូតមកដល់ពេលនេះ ភាគីខាងអ៊ីស្រាអែលមិនទាន់ចេញមុខឆ្លើយបំភ្លឺពាក់ព័ន្ធនឹងការវាយប្រហារចូលមកក្នុងទឹកដីនៃប្រទេសអ៊ីរ៉ង់នៅឡើយទេ ខណៈយោងតាមទីភ្នាក់ងារសារព័ត៌មាន Fars បានបញ្ជាក់ថា ប្រទេសអ៊ីរ៉ង់បានផ្អាកជើងហោះហើរទាំងអស់មកទីក្រុង Isfahan, Shiraz និងតេហេរ៉ង់ផងដែរដើម្បីបញ្ចៀសការប៉ះចំហេតុការណ៍ណាមួយជាយថាហេតុ ។

គួរបញ្ជាក់ថា អ៊ីស្រាអែល និងអ៊ីរ៉ង់កាន់តែពាក់មុខយក្សដាក់គ្នា ក្រោយរដ្ឋាភិបាលទីក្រុងហ្ស៊េរុយសាឡិមបើកការវាយប្រហារតាមអាកាសដ៏សាហាវយង់ឃ្នងទៅលើស្ថានកុងស៊ុលរបស់ទីក្រុងតេហេរ៉ង់នៅក្នុងទីក្រុងដាម៉ាសប្រទេសស៊ីរីកាលពីថ្ងៃទី១ ខែមេសា ដោយបានសម្លាប់ទីប្រឹក្សាយោធាអ៊ីរ៉ង់ ៧ រូប ខណៈក្នុងនោះរួមមានទាំងមេដឹកនាំកំពូលអ៊ីរ៉ង់ លោក Mohammad Reza Zahedi ផងដែរ ៕

ដោយ ៖ សុខ ជីវ័ន្ត

ចុចអាន ៖ អ៊ីស្រាអែល បាញ់សងសឹក អ៊ីរ៉ង់ ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ២ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ២ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៥ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៥ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១១ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៩ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៤ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១០ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម