ព័ត៌មានអន្ដរជាតិ
Breaking News! អ៊ីស្រាអែល បាញ់សងសឹក អ៊ីរ៉ង់ ហើយ
តាមសេចក្តីរាយការណ៍របស់ Al-Arabiya នៅថ្ងៃសុក្រទី១៩ខែមេសា, ពេលនេះ អ៊ីស្រាអែល បានបើកការសងសឹកអ៊ីរ៉ង់វិញ ដោយបាញ់ចូលទឹកដីរបស់ប្រទេសនេះតែម្តង ខណៈសំឡេងផ្ទុះត្រូវបានគេលឺក្នុងទីក្រុងមួយចំនួន។
ស្របពេលជាមួយគ្នានោះ មន្ត្រីអាមេរិកបានប្រាប់ទៅ ABC News ថា ក្រៅពីមីស៊ីលអ៊ីស្រាអែល វាយប្រហារទីតាំងមួយក្នុងប្រទេសអ៊ីរ៉ង់ គេក៏លឺសំឡេងផ្ទុះនៅប្រទេសអ៊ីរ៉ាក់ និងស៊ីរីផងដែរ។
ចំណែកទីភ្នាក់ងារព័ត៌មាន Fars របស់អ៊ីរ៉ង់ បានរាយការណ៍ថា ការផ្ទុះត្រូវគេឮនៅក្នុងអាកាសយានដ្ឋាន Isfahan ប៉ុន្តែមូលហេតុមិនទាន់ដឹងច្បាស់ ខណៈការស៊ើបអង្កេតនៅតែបន្ត រហូតដល់កំណត់បានព័ត៌មានលម្អិតពិតប្រាកដនៃឧប្បត្តិហេតុនេះ។
ទន្ទឹមនោះ ជើងហោះហើរពាណិជ្ជកម្ម បានចាប់ផ្តើមពង្វាងផ្លូវពីភាគខាងលិចប្រទេសអ៊ីរ៉ង់ហើយ ហើយទីក្រុងមួយចំនួនក៏ផ្អាកជើងហោះហើរដែរ ប៉ុន្តែមិនមានការបញ្ជាក់ច្បាស់លាស់ណាមួយនោះទេ។
នេះត្រូវបានគេដឹងថា ជាការសងសឹករបស់ទីក្រុងហ្ស៊េរុយសាឡិម ចំពោះទីក្រុងតេហេរ៉ង់ ដែលវាយប្រហារចូលដីអ៊ីស្រាអែល កាលពីសប្តាហ៍មុន។
ជម្លោះរវាងសត្រូវទាំងពីរ បានផ្ទុះកញ្ជ្រោលខ្លាំង ក្រោយពេល អ៊ីស្រាអែល វាយប្រហារលើស្ថានកុងស៊ុលអ៊ីរ៉ង់ ក្នុងទីក្រុងដាម៉ាស់ នៃប្រទេសស៊ីរី ដោយសម្លាប់មនុស្សជាច្រើន រួមទាំងមេបញ្ជាការជាន់ខ្ពស់២ រូបទៀតផង។
តាមរយៈស្ថានការណ៍ដែលកាន់តែតានតឹងទៅៗនេះ នាំឲ្យគេភ័យខ្លាចថា សង្គ្រាមទ្រង់ទ្រាយធំ ច្បាស់ជាចៀសមិនផុតឡើយ ហើយអ្នកដែលរងគ្រោះខ្លាំងបំផុត គ្មាននរណាក្រៅពីប្រជាជនឡើយ។
សូមតាមដានកម្ពុជាថ្មី សម្រាប់ព័ត៌មានពិស្តារ ជាបន្តបន្ទាប់!
អត្ថបទ៖ សុខ សុវណ្ណ
ចុចអាន៖ អ៊ីរ៉ង់ បង្អួតកម្លាំងទ័ព និងសព្វាវុធទំនើបៗ កម្លា អ៊ីស្រាអែល
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន