ព័ត៌មានអន្ដរជាតិ
ប្រេស៊ីល គ្រោងដំឡើងតម្លៃបារីអប្បបរមា
ក្រសួងហិរញ្ញវត្ថុប្រេស៊ីល មានគម្រោងចង់ដំឡើងតម្លៃបារី ដើម្បីទូទាត់ការខាតបង់នៃប្រយោជន៍ពន្ធចំពោះការអនុវត្តច្បាប់ថ្មីកាលពីពេលថ្មីៗកន្លងទៅ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters កាលពីថ្ងៃទី២៧ ខែឧសភា ឆ្នាំ២០២៤។
ច្បាប់ថ្មីលើកលែងពន្ធលើប្រាក់បៀវត្សរ៍ ត្រូវបានអនុម័តដោយសភាប្រេស៊ីលកាលពីខែធ្នូ ឆ្នាំ២០២៣ ហើយការអនុវត្តនេះបង្កជាការខាតបង់ចំណូលពន្ធចំនួនប្រមាណ ៥,០៣ពាន់លានដុល្លារ។ កត្តានេះហើយទើបរដ្ឋាភិបាលប្រេស៊ីល មានគម្រោងចង់ដំឡើងតម្លៃលើការលក់បារីអប្បបរមា ដើម្បីធ្វើជាការប៉ះប៉ូវនៃការខាតបង់ចំណូលពន្ធរដ្ឋ។
បច្ចុប្បន្ន បារីមួយកញ្ចប់មាន២០ដើម តម្លៃមិនដល់ ១ដុល្លារផងនៅប្រេស៊ីល។ ការដំឡើងតម្លៃនេះ បានន័យថាពន្ធសហព័ន្ធនៅលើផលិតផលបារីក៏នឹងកើនឡើងដូចគ្នា។
បើតាមកាសែតប្រេស៊ីល O Estado de S. Paulo បានចុះផ្សាយថា គម្រោងសំណើដំឡើងតម្លៃបារី អាចជួយបង្កើនចំណូលពន្ធបានចន្លោះពី ៥៧៩ ទៅ ៧៧៣លានដុល្លារ ជាប្រចាំឆ្នាំ។
លោក Fernando Haddad រដ្ឋមន្ត្រីក្រសួងហិរញ្ញវត្ថុប្រេស៊ីល បានប្រាប់ Reuters ថា វិធានការដំឡើងតម្លៃបារី បានត្រៀមរួចរាល់ ហើយរដ្ឋាភិបាលកំពុងពិចារណាថាតើគួរបញ្ជូនទៅសភានៅសប្ដាហ៍នេះ ឬក៏សប្ដាហ៍ក្រោយ៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម