ព័ត៌មានអន្ដរជាតិ
វីដេអូ៖ អង់គ្លេស បំផ្ទុះគ្រាប់បែកសម័យសង្គ្រាមលោកលើកទី២ ដែលគេមិនធ្លាប់ឃើញ
ការបំផ្ទុះគ្រាប់បែកសម័យសង្គ្រាមលោកលើកទី២ បានបណ្តាលឲ្យបែកកញ្ចក់បង្អួចផ្ទះ ហើយអគារមួយចំនួនទទួលរងការខូចខាត។
គ្រាប់បែក “Hermann” ទម្ងន់១តោន ដែលប្រើដោយពួកណាហ្ស៊ី ត្រូវបានគេរកឃើញនៅលើដីឯកជនមួយ នៅខាងលិចសកលវិទ្យាល័យ University of Exeter ក្នុងទីក្រុង Devon នៃប្រទេស អង់គ្លេស កាលពីព្រឹកថ្ងៃសុក្រទី២៦ខែកុម្ភៈ។
ដំបូង ខ្សែព័ទ្ធប្រវែង១០០ម៉ែត្រ ត្រូវបានរៀបចំឡើងប៉ុន្តែ វាត្រូវបានពង្រីកដល់ទៅ៤០០ម៉ែត្រកាលពីថ្ងៃសៅរ៍ទី២៧ខែកុម្ភៈ តាមសំណើរបស់ក្រុមដោះគ្រាប់បែក កងទ័ពជើងទឹក។
ប្រជាពលរដ្ឋក្នុងលំនៅដ្ឋានប្រហែល២,៦០០ខ្នង ដោយក្នុងនោះមាននិស្សិតសកលវិទ្យាល័យចំនួន១,៤០០នាក់ផងដែរ ត្រូវបានជម្លៀសចេញ។
ការបំផ្ទុះគ្រាប់បែកដោយប្រើតេឡេបញ្ជា បានធ្វើឡើងនៅវេលាម៉ោង៦និង១០នាទីល្ងាចថ្ងៃសៅរ៍ (ថ្ងៃអាទិត្យនៅកម្ពុជា) ដោយការផ្ទុះត្រូវបានគេឮ ដល់ចម្ងាយរាប់សិបគីឡូម៉ែត្រ។
អ្នកនាំពាក្យប៉ូលិស Devon និង Cornwall បាននិយាយថា “ជាអកុសល វាបានបង្កឲ្យមានការខូចខាតរចនាសម្ព័ន្ធ ដោយអគារមួយចំនួនជាពិសេសនៅក្នុងរង្វង់ខ្សែព័ទ្ធ១០០ម៉ែត្រ រួមទាំងការបែកកញ្ចក់បង្អួចនិងស្នាមប្រេះឥដ្ឋផងដែរ។
ប៉ូលិសកំពុងធ្វើការជាមួយភ្នាក់ងារនានា រួមទាំងក្រុមប្រឹក្សាតំបន់ Devon, ក្រុមប្រឹក្សាក្រុង Exeter និងក្រុមហ៊ុននានាផងដែរ ក្នុងក្តីសង្ឃឹមថា ប្រជាជននឹងអាចវិលត្រឡប់ទៅផ្ទះវិញក្នុងពេលឆាប់ៗ។
ទោះបីជាយ៉ាងណាក៏ដោយ អ្នកនាំពាក្យកងកម្លាំងបានបន្ថែមថា ប្រជាជនមិនគួរវិលត្រឡប់ទៅវិញទេរហូតដល់មានការជូនដំណឹងបន្ថែម។
កាលពីថ្ងៃសៅរ៍ ប៉ូលិសបាននិយាយថា ផលប៉ះពាល់នៃការផ្ទុះនេះគឺខ្លាំងណាស់ ដោយកម្ទេចកម្ទីបានខ្ទាតក្នុងចម្ងាយយ៉ាងតិច២៥០ម៉ែត្រ និងដីក្រហូងមានទំហំប៉ុនឡានក្រុង៕
សូមទស្សនាវីដេអូ៖
ប្រែសម្រួលដោយ៖ Vann Vann
ប្រភព៖ Daily Star
ចុចអាន៖ ផ្ទុះគ្រាប់បែកទាំងកណ្តាលថ្ងៃត្រង់ បុរសម្នាក់រងរបួសធ្ងន់
ចុចអាន៖ វីដេអូស្តែងៗ ប៉ូលិសមីយ៉ាន់ម៉ា បាញ់ប្រហារលើបាតុករ ស្លាប់១៨នាក់ម្សិលមិញ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»