ព័ត៌មានអន្ដរជាតិ
រុស្ស៊ី ប្រកាសបញ្ឆេះសង្គ្រាមលោក បើអាមេរិក វាយប្រហារគោលដៅរបស់ខ្លួន
តាមការចុះផ្សាយរបស់ RT កាលពីថ្ងៃអាទិត្យទី២៦ខែឧសភា អតីតប្រធានាធិបតីរុស្ស៊ីលោក Dmitry Medvedev បានប្រកាសក្តែងៗថា បើសហរដ្ឋអាមេរិក ហ៊ានតែវាយប្រហារចំគោលដៅរុស្ស៊ីណាមួយនៅក្នុងប្រទេសអ៊ុយក្រែននោះ ច្បាស់ណាស់ សង្គ្រាមលោកនឹងផ្ទុះឡើងជាក់ជាមិនខានឡើយ។
![](https://www.kampucheathmey.com/wp-content/uploads/2024/05/image-1489.png)
លោកបានព្រមានបែបនេះ ដើម្បីឆ្លើយតបទៅរដ្ឋមន្ត្រីការបរទេសប៉ូឡូញ Radoslaw Sikorski ដែលអះអាងថា ទីក្រុងវ៉ាស៊ីនតោននឹងវាយប្រហារគោលដៅទាំងនោះ ប្រសិនបើរុស្ស៊ី ប្រើអាវុធនុយក្លេអ៊ែរនៅអ៊ុយក្រែនមែន។
ក្នុងការបង្ហោះនៅលើបណ្តាញសង្គម X, លោក Medvedev សរសេរថា លោក Sikorski កំពុងបំភ័យចៅហ្វាយនាយរបស់គាត់ហើយ។ ទីក្រុងវ៉ាស៊ីនតោន មិនដូច វ៉ាសូវីទេ! មកទល់ពេលនេះ អាមេរិកមិនដែលគំរាមកំហែងជាសាធារណៈអ៊ីចឹងឡើយ ពីព្រោះពួកគេប្រុងប្រយ័ត្នជាងប៉ូឡូញ។ យ៉ាងណា បើអាមេរិក ហ៊ានវាយគោលដៅរបស់យើងមែន នោះមានន័យថា ជាការចាប់ផ្តើមសង្គ្រាមលោកហើយ! រដ្ឋមន្ត្រីការបរទេស ឬសូម្បីប្រទេសដូចប៉ូឡូញ ក៏គួរយល់រឿងនេះដែរ។
![](https://www.kampucheathmey.com/wp-content/uploads/2024/05/image-1490-1024x683.png)
នេះមិនមែនជារឿងថ្មីឡើយដែលលោក Medvedev គំរាមបញ្ឆេះសង្គ្រាមលោក ពោលគឺម្តងជាពីរដង គាត់តែងតែគំរាមបែបនេះឯង ជាក់ស្តែងកាលពីឆ្នាំមុន អនុប្រធានក្រុមប្រឹក្សាសន្តិសុខរុស្ស៊ីរូបនេះក៏គំរាមដែរថា លោកខាងលិច កំពុងរុញពិភពលោកឲ្យខិតទៅជិតជម្លោះសកល ដែលមិនធ្លាប់ឃើញសោះ ចាប់តាំងពីសង្គ្រាមលោកលើកទី២មក ដោយសារការផ្គត់ផ្គង់អាវុធធុនធ្ងន់ដល់អ៊ុយក្រែន។
កាលនោះ គាត់បានប្រតិកម្មចំពោះការដែលអ៊ុយក្រែន ទទួលបានរថក្រោះប្រយុទ្ធ M1 Abrams ផលិតដោយសហរដ្ឋអាមេរិក និងរឿងអាស្រូវដែលសភាកាណាដា រួមជាមួយនាយករដ្ឋមន្ត្រី Justin Trudeau និងប្រធានាធិបតីអ៊ុយក្រែន លោក Vladimir Zelensky អបអរដល់អតីតសមាជិកក្រុម Waffen SS។
![](https://www.kampucheathmey.com/wp-content/uploads/2024/05/image-1492-1024x576.png)
លោក Medvedev អះអាងថា “វាហាក់ដូចជា ពួកគេធ្វើឲ្យលែងសល់ជម្រើសអ្វីទៀតហើយ ក្រៅពីជម្លោះផ្ទាល់ជាមួយណាតូ។ អង្គការនេះ បានប្រែទៅជាប្លុកហ្វាស៊ីសដោយបើកចំហ ស្រដៀងទៅនឹងក្រុមរបស់ហ៊ីត្លែរ។ ទោះយ៉ាងណា រុស្ស៊ីនៅតែត្រៀមខ្លួនជាស្រេច ដើម្បីប្រឈមមុខនឹងរឿងនេះ ប្រសិនបើចាំបាច់”។
ទន្ទឹមនោះ លោកបានព្រមានថា សង្គ្រាមលោក នឹងនាំឲ្យមានផលវិបាកយ៉ាងមហន្តរាយដល់មនុស្សជាតិ។ លទ្ធផលនឹងមានការខាតបង់ខ្លាំងសម្រាប់មនុស្សជាតិ ជាងឆ្នាំ១៩៤៥ទៅទៀត៕
អត្ថបទ៖ សុខ សុវណ្ណ
ចុចអាន៖ រុស្ស៊ី ព្រមានថា ណាតូ នឹងបង្កជម្លោះ ដែលអាក្រក់ជាង សង្គ្រាមលោកលើកទី២ទៅទៀត
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ