ផ្ទុះគ្រាប់បែកទាំងកណ្តាលថ្ងៃត្រង់ បុរសម្នាក់រងរបួសធ្ងន់

ហេតុការផ្ទុះគ្រាប់មីនតោនមួយគ្រាប់ ដែលជាសំណល់ពីសង្គ្រាម បណ្តាលឲ្យបុរសអ្នកបើកត្រាក់ទ័រ ម្នាក់រងរបួធ្ងន់ និងបានបញ្ជូនទៅសង្គ្រោះនៅមន្ទីរពេទ្យ។

ហេតុការណ៍នេះ បានកើតឡើង នៅថ្ងៃទី ២៧ ខែកុម្ភៈ ឆ្នាំ ២០២១ ស្ថិតនៅ នៅភូមិសាមគ្គី ឃុំត្រពាំងប្រិយ៍ ស្រុកអន្លង់វែង​ ខេត្តឧត្តរមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបង្ហោះលើបណ្តាញសង្គមហ្វេសប៊ុក របស់លោក ហេង រតនា អគ្គនាយក​មជ្ឈមណ្ឌល​សកម្មភាព​កំចាត់មីន​កម្ពុជា បានឲ្យដឹងថា “មានករណីផ្ទុះគ្រាប់មីនតោន​សំណល់ពីសង្គ្រាម​ បណ្ដាលឱ្យអ្នកបើបរ​ ភេទប្រុស​ អាយុ២៥ឆ្នាំ​ រងរបួសជាទម្ងន់​ និងបានបញ្ជូនទៅសង្គ្រោះបន្ទាន់នៅមន្ទីរទេទ្យ”។

បើតាមលោក ហេង រតនា នេះជាការបំផ្លិចបំផ្លាញចំពោះក្តីសង្ឃឹមនិងសុខសុវត្ថិភាពរបស់ប្រជាពលរដ្ឋ​ មនុស្សរងរបួសធ្ងន់ធ្ងរនិងត្រាក់ទ័រថ្មីខិតខំចំណាយទិញដេីម្បីធ្វេីកសិកម្មលេីស្ទួយជីវភាពគ្រួសារ​ តែត្រូ​វគ្រោះថ្នាក់ដោយសារគ្រាប់មីន​តោនសំណល់ពីសង្គ្រាម​បំផ្លាញចោលទាំងស្រុង៕

អត្ថបទ៖ ឡេង ដេត