Connect with us

ព័ត៌មានអន្ដរជាតិ

ដោយសារបញ្ហានេះ វ៉ាក់សាំងកូវីដជាង ១,០០០ ដូសនៅជប៉ុនត្រូវបោះចោលទទេៗ

បានផុស

នៅ

ក្រសួងសុខាភិបាលជប៉ុនបាននិយាយកាលពីថ្ងៃចន្ទថា វ៉ាក់សាំងការពារជំងឺកូវីដ ១៩ ជាង ១,០០០ ដូសបានខូចខាត បន្ទាប់ពីសីតុណ្ហភាពផ្ទុកវ៉ាក់សាំងខុសតាមតម្រូវការ ដោយសារបញ្ហាទូទឹកកក ហើយវាជាករណីខូចខាតវ៉ាក់សាំងលើកដំបូងរបស់ប្រទេសនេះ ។

ប្រទេសជប៉ុនបានក្លាយជាសមាជិកចុងក្រោយនៃក្រុមប្រទេសឧស្សាហកម្ម G7 ក្នុងការចាប់ផ្តើមចាក់វ៉ាក់សាំងការពារជំងឺកូវីដ ១៩ នៅថ្ងៃទី ១៧ ខែកុម្ភៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបាននិយាយថា ស្ថាប័នវេជ្ជសាស្ត្របានរាយការណ៍ថា បានកើតឡើងកាលពីចុងសប្តាហ៍ដោយបណ្ដាលឲ្យដបវ៉ាក់សាំងចំនួន ១៧២ ដប ឬវ៉ាក់សាំង ១,០៣២ ដូសប្រើប្រាស់លែងកើត ។

ទន្ទឹមនោះក្រសួងបានបដិសេធមិនប្រាប់ឈ្មោះស្ថាប័នវេជ្ជសាស្ត្រ ឬក្រុមហ៊ុនផលិតទូទឹកកកនោះទេ ប៉ុន្តែបាននិយាយថា ក្រុមហ៊ុនផលិតទូទឹកកកនឹងចាប់ផ្តើមស្វែងរកមូលហេតុនៃដំណើរការខុសប្រក្រតីនៅថ្ងៃអង្គារនេះ ។

រហូតមកដល់ពេលនេះជប៉ុនបានទទួលការដឹកជញ្ជូនវ៉ាក់សាំងចំនួន ៣ លើកហើយពីក្រុមហ៊ុនឱសថយក្សអាមេរិក Pfizer និងដៃគូសហការអាល្លឺម៉ង់ BioNTech ដែលមានចំនួនប្រហែល ១.៤ លានដូស ខណៈវ៉ាក់សាំង Pfizer/BioNTech ត្រូវរក្សាទុកនៅសីតុណ្ហភាពប្រហែល -៧៥ អង្សាសេ ។

គួរបញ្ជាក់ថា គិតត្រឹមពេលនេះប្រទេសជប៉ុនមានករណីឆ្លងជំងឺកូវីដ ១៩ ចំនួន ៤៣២,៧៧៣ ករណី និងមានអ្នកស្លាប់ចំនួន ៧,៨៨៧ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Japantimes

ចុចអាន ៖ ជប៉ុនរកឃើញវីរុសកូរ៉ូណាបម្លែងខ្លួនប្រភេទថ្មីលើមនុស្សដែលគ្មានប្រវត្តិធ្វើដំណើរទៅអង់គ្លេស

ចុចអាន ៖ ប្រធានរៀបចំកីឡាអូឡាំពិកទីក្រុងតូក្យូលាលែងពីតំណែង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ

សន្តិសុខសង្គម៣ នាទី មុន

ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម

ព័ត៌មានជាតិ៦ នាទី មុន

ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់

ជីវិតកម្សាន្ដ៣៣ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ៣៤ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

Sokha Hotels

ព័ត៌មានពេញនិយម