ព័ត៌មានអន្ដរជាតិ
ចិន ផ្អាកកិច្ចចរចាការគ្រប់គ្រងអាវុធនុយក្លេអ៊ែរជាមួយអាមេរិក ជុំវិញរឿងលក់សព្វាវុធឲ្យតៃវ៉ាន់
ប្រទេសចិន បានប្រកាសកាលពីថ្ងៃទី១៧ ខែកក្កដា ឆ្នាំ២០២៤ ថា ខ្លួនសម្រេចចិត្តផ្អាកកិច្ចចរចាការគ្រប់គ្រងអាវុធនុយក្លេអ៊ែរជាមួយសហរដ្ឋអាមេរិក ដើម្បីបង្ហាញពីភាពមិនពេញចិត្តជាខ្លាំងដែលរដ្ឋាភិបាលក្រុងវ៉ាស៊ីតោនបានលក់សព្វាវុធឲ្យទៅកោះតៃវ៉ាន់។
មហាយក្សអាស៊ី ដែលតែងតែអះអាងថាតៃវ៉ាន់ជាដែនអធិបតេយ្យភាពរបស់ខ្លួននោះ បាននិយាយថា ការលក់សព្វាវុធរបស់សហរដ្ឋអាមេរិកឲ្យក្រុងតៃប៉ិ បានប៉ះពាល់យ៉ាងធ្ងន់ធ្ងរចំពោះបរិយាកាសនយោបាយ ទាក់ទិននឹងការរៀបចំកិច្ចចរចារវាងប្រទេសទាំង២អំពីការគ្រប់គ្រងអាវុធនុយក្លេអ៊ែរ។
ការលើកឡើងរបស់ចិនលើកនេះ ធ្វើឡើងក្រោយពីតំណាងសភាអាមេរិក កាលពីពេលថ្មីៗ បានអនុម័តលើកញ្ចប់ថវិកាយោធាចំនួន ៥០០លានដុល្លារសម្រាប់តៃវ៉ាន់ ដើម្បីបង្កើនការរារាំងប្រឆាំងនឹងចិន។ លោក Lin Jian អ្នកនាំពាក្យក្រសួងការបរទេសចិន បាននិយាយថា “ហេតុដូច្នេះហើយ ភាគីចិនបានសម្រេចចិត្តផ្អាកការពិភាក្សាជាមួយសហរដ្ឋអាមេរិកលើការពិគ្រោះថ្មីស្តីពីការគ្រប់គ្រងអាវុធ និងការមិនរីកសាយភាយអាវុធ។ ទំនួលខុសត្រូវនេះ ពឹងផ្អែកទាំងស្រុងទៅលើសហរដ្ឋអាមេរិក”។
ការផ្អាកកិច្ចពិភាក្សានេះ បង្ហាញពីផលអវិជ្ជមានយ៉ាងធ្ងន់ធ្ងរ ចំពោះកិច្ចខិតខំប្រឹងប្រែងគ្រប់គ្រងអាវុធជាសកល ដោយទីក្រុងប៉េកាំងបានចូលរួមជាមួយទីក្រុងមូស្គូ ក្នុងការបដិសេធមិនពិភាក្សាជាមួយវិធានការរបស់ទីក្រុងវ៉ាស៊ីនតោន ដើម្បីទប់ស្កាត់ការប្រកួតប្រជែងអាវុធនុយក្លេអ៊ែរ។
សហរដ្ឋអាមេរិក កាលពីខែមុន បានប្រកាសពីលទ្ធភាពនៃការដាក់ពង្រាយអាវុធនុយក្លេអ៊ែរ ដើម្បីជាយុទ្ធសាស្ត្របន្ថែមទៀត រារាំងរុស្ស៊ី និងចិន។ បច្ចុប្បន្ន មហាអំណាចមួយនេះ មានក្បាលគ្រាប់នុយក្លេអ៊ែរប្រហែល ៣៧០០គ្រាប់ នេះបើយោងតាមវិទ្យាស្ថានស្រាវជ្រាវសន្តិភាពអន្តរជាតិ Stockholm។ ចំណែកក្បាលគ្រាប់នុយក្លេអ៊ែររបស់រុស្ស៊ី ត្រូវបានគេប៉ាន់ប្រមាណថាមានប្រហែល ៤៥០០គ្រាប់ ខណៈចិនអាចមាន ៤១០គ្រាប់។
ជាវិធានការឆ្លើយតប សហរដ្ឋអាមេរិក ដែលជាសម្ព័ន្ធមិត្តអន្តរជាតិដ៏សំខាន់របស់តៃវ៉ាន់ និងជាអ្នកផ្គត់ផ្គង់សព្វាវុធដ៏ធំបំផុត បានសម្តែងការខកចិត្តចំពោះការសម្រេចចិត្តរបស់ចិនលើកនេះ ខណៈដែលអាមេរិកបានបញ្ជាក់ជាថ្មីនូវឆន្ទៈរបស់ខ្លួនក្នុងការចូលរួមក្នុងកិច្ចសន្ទនា។
អ្នកនាំពាក្យក្រសួងការបរទេសអាមេរិក លោក Matthew Miller បាននិយាយថា “យើងគិតថា វិធីសាស្រ្តនេះ បានធ្វើឲ្យខូចដល់ស្ថិរភាពយុទ្ធសាស្ត្រ ហើយវាបង្កើនហានិភ័យនៃការកើនឡើងការប្រកួតប្រជែងសព្វាវុធ។ ជាអកុសល ដោយការផ្អាកការពិភាក្សាទាំងនេះ ប្រទេសចិនបានជ្រើសរើសមិនបន្តកិច្ចខិតខំប្រឹងប្រែង ដែលនឹងគ្រប់គ្រងហានិភ័យជាយុទ្ធសាស្ត្រ និងការពារការប្រជែងសព្វាវុធតម្លៃថ្លៃ ប៉ុន្តែយើងសហរដ្ឋអាមេរិក នឹងនៅតែបើកចំហក្នុងការអភិវឌ្ឍ និងអនុវត្តវិធានការកាត់បន្ថយហានិភ័យជាក់ស្តែងជាមួយប្រទេសចិន”៕
ដោយ៖ ឈាង
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ