ព័ត៌មានអន្ដរជាតិ

រុស្ស៊ីអំពាវនាវឱ្យអ៊ីស្រាអែលដកទ័ពជាបន្ទាន់

បានផុស

២ years មុន

នៅ

ថ្ងៃពុធ ២ តុលា ២០២៤

ដោយ

ខណៈដែលអ៊ីស្រាអែលបានចាប់ផ្តើមប្រតិបត្តិការសឹកតាមផ្លូវគោកចូលប្រទេសលីបង់ ក្រោយការបាញ់ប្រហារតាមផ្លូវអាកាសជាច្រើនថ្ងៃ ប្រទេសរុស្ស៊ីកាលពីថ្ងៃអង្គារបានអំពាវនាវឱ្យអ៊ីស្រាអែលដកកងទ័ពចេញពីប្រទេសលីបង់ដោយព្រមានថាការវាយប្រហារនេះនឹងនាំឱ្យមានការកើនឡើងបន្ថែមទៀតនៃអំពើហិង្សានៅមជ្ឈិមបូព៌ា។

ទន្ទឹមគ្នានឹងការអំពាវនាវនេះ នាយករដ្ឋមន្ត្រីរបស់ប្រទេសរុស្ស៊ី លោក Mikhail Mishustin បានទៅទស្សនកិច្ចនៅប្រទេសអ៊ីរ៉ង់ដែលហាក់បង្ហាញនូវការគាំទ្រអ៊ីរ៉ង់ដែលចាប់ផ្តើមវាយប្រហាអ៊ីស្រាអែលដោយមីស៊ីលផ្លោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីស្រាអែល បាននិយាយថា កងកុម្ម៉ង់ដូ និងទ័ពឆ័ត្រយោង បានបើកការវាយឆ្មក់ចូលប្រទេសលីបង់នៅថ្ងៃអង្គារ ដែលជាផ្នែកមួយនៃការលុកលុយតាមផ្លូវគោកដែលបានកំណត់ ខណៈដែលក្រុមហេសបូឡាដែលគាំទ្រដោយអ៊ីរ៉ង់បាននិយាយថា ខ្លួនបានបាញ់កាំជ្រួចមីស៊ីលចូលអ៊ីស្រាអែល រួមទាំងនៅទីភ្នាក់ងារចារកម្មរបស់ខ្លួននៅជិតទីក្រុង Tel Aviv ផងដែរ។

ក្រសួងការបរទេសរុស្ស៊ីបាននិយាយនៅក្នុងសេចក្តីថ្លែងការណ៍មួយថា៖»រុស្ស៊ីថ្កោលទោសយ៉ាងខ្លាំងចំពោះការវាយប្រហារលើលីបង់ ហើយអំពាវនាវឱ្យអាជ្ញាធរអ៊ីស្រាអែលបញ្ឈប់ជាបន្ទាន់នូវអរិភាព ដកកងទ័ពរបស់ពួកគេចេញពីទឹកដីលីបង់ និងចូលរួមក្នុងការស្វែងរកពិតប្រាកដសម្រាប់វិធីសន្តិភាពដើម្បីដោះស្រាយជម្លោះមជ្ឈិមបូព៌ា»។

«វាច្បាស់ណាស់ថា ជំហានបែបនេះធ្វើឡើងដោយយោធា និងថ្នាក់ដឹកនាំនយោបាយរបស់អ៊ីស្រាអែល បន្ទាប់ពីការធ្វើឃាតមេដឹកនាំក្រុមហេសបូឡា មួយចំនួននឹងនាំទៅរកការកើនឡើងនៃអំពើហិង្សានៅក្នុងតំបន់មជ្ឈិមបូព៌ា»៕

ដោយ រ៉ាន់ រើយ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា