ព័ត៌មានអន្ដរជាតិ
ពូទីន ជួបរដ្ឋមន្ត្រីការបរទេសកូរ៉េខាងជើង ចំពេលរឿងរ៉ាវបញ្ជូនទ័ព កំពុងក្តៅគគុក
កាលពីថ្ងៃចន្ទទី៤ខែវិច្ឆិកាឆ្នាំ២០២៤ ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានជួបជាមួយរដ្ឋមន្ត្រីការបរទេសកូរ៉េខាងជើងអ្នកស្រី ឆូ ស៊ុនហ៊ុយ នៅវិមានក្រឹមឡាំង ស្របពេលបណ្តាប្រទេសលោកខាងលិច កំពុងដាក់ការចោទប្រកាន់ពេញទំហឹងថា ទីក្រុងព្យុងយ៉ាង បានបញ្ជូនកងទ័ពរាប់ម៉ឺននាក់ ទៅជួយរុស្ស៊ីប្រយុទ្ធក្នុងសង្គ្រាមជាមួយអ៊ុយក្រែន។
មានរបាយការណ៍ជាហូរហែកាលពីពេលថ្មីៗថា កូរ៉េខាងជើងបានបញ្ជូនកងកម្លាំងប្រមាណ ១ម៉ឺននាក់ទៅជួយរុស្ស៊ី ហើយក្នុងពេលខាងមុខនឹងបញ្ជូនរាប់ពាន់នាក់ជាបន្ថែមទៀត។ លើសពីនេះ កូរ៉េខាងត្បូង ក៏បន្ទោសកូរ៉េខាងជើងជាយូរណាស់មកហើយដែរថា បានបញ្ជួនសព្វាវុធជួយក្រុងមូស្គូប្រយុទ្ធជាមួយអ៊ុយក្រែន ហើយចោទក្រុងព្យុងយ៉ាងថាបានដាក់ពង្រាយទ័ពក្នុងចំនួនច្រើនឲ្យរុស្ស៊ី ក្រោយពេលមេដឹកនាំកូរ៉េខាងជើង លោក គីម ជុងអ៊ុន ចុះសន្ធិសញ្ញាការពារគ្នាទៅវិញទៅមកជាមួយមេដឹកនាំរុស្ស៊ី វ៉្លាឌឺមៀរ ពូទីន កាលពីខែមិថុនា។
ទោះបែបនេះក្តី ក្នុងជំនួបជាមួយលោក ពូទីន ពេលនេះ, ប្រមុខការទូតកូរ៉េខាងជើង មិនបានលើកឡើងអំពីព័ត៌មានពាក់ព័ន្ធការបញ្ជូនទ័ពទេ ប៉ុន្តែអ្នកស្រីបានថ្លែងអំណរគុណដល់ប្រធានាធិបតីរុស្ស៊ី សម្រាប់ជំនួបនេះនិងការសួរសុខទុក្ខមេដឹកនាំ គីម ជុងអ៊ុន។
ព័ត៌មានលម្អិតនៃជំនួបរវាងថ្នាក់ដឹកនាំទាំងពីរ ក៏មិនមានសារព័ត៌មានណាផ្សព្វផ្សាយខ្លឹមសារឲ្យទូលំទូលាយដែរ។ យ៉ាងណា កាលពីចុងសប្តាហ៍កន្លងទៅ ពេលជួបសមភាគីរុស្ស៊ីនៅទីក្រុងមូស្គូ, អ្នកស្រី Choe ប្រកាសថា ទីក្រុងព្យុងយ៉ាង នឹងឈរប្រកៀកស្មាទីក្រុងមូស្គូ រហូតដល់ «ថ្ងៃជ័យជម្នះ»។
ត្បិតមិនបញ្ជាក់ថា ពាក្យជ័យជម្នះនោះគឺចង់សំដៅទៅលើសង្គ្រាមរុស្ស៊ី-អ៊ុយក្រែនក៏ដោយ ប៉ុន្តែគេដឹងថា ន័យរបស់អ្នកស្រីគឺចង់សំដៅទៅលើបញ្ហានោះឯង។
សូមបញ្ជាក់ថា រុស្ស៊ី-កូរ៉េខាងជើង មានព្រំដែនគោកនិងទំនាក់ទំនងជាប្រវត្តិសាស្ត្រ តាំងពីសម័យសូវៀតមក។ លោកពូទីន ធ្លាប់ទៅបំពេញទស្សនកិច្ចនៅកូរ៉េខាងជើងក្នុងឆ្នាំ២០០០ ភ្លាមៗបន្ទាប់ពីក្លាយជាប្រធានាធិបតី ដែលកាលនោះបានជួបជាមួយមេដឹកនាំគីម ជុងអ៊ីល។
សម្ព័ន្ធមិត្តទាំងពីរកាន់តែមានភាពស្និទ្ធស្នាល ក្រោយពេលរុស្ស៊ីចាប់ផ្តើមប្រតិបត្តិការសឹកក្នុងប្រទេសអ៊ុយក្រែននៅដើមឆ្នាំ២០២២។ ជាក់ស្តែងក្នុងអំឡុងពេលដំណើរទស្សនកិច្ចរបស់ប្រធានាធិបតីរុស្ស៊ី ទៅកាន់ទីក្រុងព្យុងយ៉ាងកាលពីខែមិថុនា លោកពូទីននិងមេដឹកនាំគីមជុងអ៊ុន បានចុះហត្ថលេខាលើសន្ធិសញ្ញាភាពជាដៃគូយុទ្ធសាស្ត្រគ្រប់ជ្រុងជ្រោយ ជាមួយការសន្យាថា បើប្រទេសណាមួយរងការវាយប្រហារ ប្រទេសមួយទៀតត្រូវជួយគ្នា៕
អត្ថបទ៖ សុខ សុវណ្ណ
ចុចអាន៖ កូរ៉េខាងជើង ប្រកាសឈរប្រកៀកស្មារុស្ស៊ី រហូតដល់ទីក្រុងមូស្គូឈ្នះ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម