ព័ត៌មានអន្ដរជាតិ

អូទ្រីស ផ្ដល់ប្រាក់ ១ ០០០ដុល្លារឲ្យជនភៀសខ្លួនស៊ីរី ត្រឡប់ទៅប្រទេសកំណើតវិញ

បានផុស

១ year មុន

នៅ

ថ្ងៃសៅរ៍ ១៤ ធ្នូ ២០២៤

ដោយ

Chheang

រដ្ឋាភិបាលអូទ្រីស បានប្រកាសកាលពីថ្ងៃសុក្រទី១៣ខែធ្នូឆ្នាំ២០២៤ថា ខ្លួនកំពុងផ្តល់ប្រាក់រង្វាន់ចំនួន ១ ០០០អឺរ៉ូ ឬស្មើនឹង ១ ០៥០ដុល្លារ ដល់ជនភៀសខ្លួនស៊ីរី ដើម្បីឲ្យពួកគេផ្លាស់ទីត្រឡប់ទៅប្រទេសកំណើតវិញ បន្ទាប់ពីការដួលរលំនៃរបបដឹកនាំរបស់លោក Bashar al-Assad។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អធិការបតីនៃប្រទេសអូទ្រីស លោក Karl Nehammer បានបញ្ចេញប្រតិកម្មយ៉ាងឆាប់រហ័សចំពោះការផ្តួលរំលំរដ្ឋាភិបាលលោក Assad កាលពីថ្ងៃអាទិត្យ ដោយនិយាយថា ស្ថានភាពសន្តិសុខនៅក្នុងប្រទេសស៊ីរីគួរតែត្រូវបានវាយតម្លៃឡើងវិញ ដើម្បីអនុញ្ញាតឲ្យមានការនិរទេសជនភៀសខ្លួនស៊ីរី។

លោក Nehammer បានបង្ហោះសារនៅលើបណ្ដាញសង្គម X ថា៖ «អូទ្រីស នឹងគាំទ្រជនជាតិស៊ីរី ដែលមានបំណងចង់ត្រឡប់ទៅប្រទេសកំណើតរបស់ពួកគេ ជាមួយនឹងប្រាក់រង្វាន់ចំនួន ១ពាន់អឺរ៉ូ។ ឥឡូវនេះ ប្រទេសនេះត្រូវការពលរដ្ឋរបស់ខ្លួន ដើម្បីស្ដារខ្លួនឡើងវិញ»។

បច្ចុប្បន្ន គេនៅមិនទាន់ដឹងនៅឡើយទេថាតើនឹងមានជនជាតិស៊ីរីប៉ុន្មាននាក់នឹងទទួលយកការផ្ដល់ជូននេះ ខណៈក្រុមហ៊ុនអាកាសចរណ៍ក្នុងស្រុកនៅអូទ្រីស បានផ្អាកជើងហោះហើរទៅកាន់តំបន់មជ្ឈិមបូព៌ា ដោយសារបញ្ហាសន្តិសុខ ហើយមួយវិញទៀត ប្រាក់រង្វាន់របស់អូទ្រីស គឺមិនរួចថ្លៃសំបុត្រយន្តហោះត្រឡប់ទៅកាន់ប្រទេសស៊ីរីវិញទេ ព្រោះតម្លៃហោះហើរយ៉ាងតិចណាស់ក៏ជាង ១ ១០០ដុល្លារដែរ។

សូមបញ្ជាក់ថា កាលពីថ្ងៃទី៨ខែធ្នូឆ្នាំ២០២៤ កងទ័ពស៊ីរីបានចេញប្រកាសថា រជ្ជកាលរបស់លោក Bashar al-Assad បានបញ្ចប់ហើយ បន្ទាប់ពីក្រុមឧទ្ទាមជីហាដ HTS ដណ្តើមការកាន់កាប់ទីក្រុងដាម៉ាស បានទាំងស្រុង ចំណែកប្រធានាធិបតីស៊ីឯណោះ ក៏ភៀសខ្លួនចេញពីរដ្ឋធានីទៀត៕

ដោយ៖ ឈាង

Related Topics:ប្រទេសអូទ្រីស ប្រទេសស៊ីរី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា