ព័ត៌មានអន្ដរជាតិ
ត្រាំ៖ អាមេរិកជិតសម្រេចបានកិច្ចព្រមព្រៀងនុយក្លេអ៊ែរជាមួយអ៊ីរ៉ង់មែនទែនហើយ
លោកប្រធានាធិបតី ដូណាល់ ត្រាំ បានប្រកាសថា សហរដ្ឋអាមេរិកជិតឈានដល់កិច្ចព្រមព្រៀងនុយក្លេអ៊ែរជាមួយប្រទេសអ៊ីរ៉ង់ហើយ ក្នុងគោលបំណងរារាំងទីក្រុងតេហេរ៉ង់ពីការទទួលបានអាវុធប្រល័យលោក។
ថ្លែងក្នុងអំឡុងដំណើរទស្សនកិច្ចការទូតនៅក្នុងតំបន់រដ្ឋឈូងសមុទ្រកាលពីថ្ងៃព្រហស្បតិ៍ទី១៥ឧសភា លោក ត្រាំ បានសម្តែងសុទិដ្ឋិនិយមអំពីវឌ្ឍនភាពនៃការចរចា ដោយបញ្ជាក់ថា អ៊ីរ៉ង់បានយល់ព្រមចំពោះលក្ខខណ្ឌដែលបានស្នើឡើង។ លោក ត្រាំ បានរំលឹកឡើងវិញថា អ៊ីរ៉ង់«មិនអាចមានអាវុធនុយក្លេអ៊ែរបានទេ» ហើយបានប្រាប់ទៀតថា អ្នកចរចាកំពុងខិតជិតដល់ការសម្រេចកិច្ចព្រមព្រៀងមែនទែនហើយ។
ទោះបីជាមានការកត់សម្គាល់ជាវិជ្ជមានពីភាគីអាមេរិកក៏ដោយ ក៏មន្ត្រីអ៊ីរ៉ង់បានលើកឡើងពីបញ្ហាដែលមិនទាន់ដោះស្រាយនៅក្នុងកិច្ចចរចា ជាពិសេសទាក់ទងនឹងកម្រិតការចម្រាញ់សារធាតុអ៊ុយរ៉ាញ៉ូម និងការកំណត់ពេលវេលាសម្រាប់ការដកទណ្ឌកម្មសេដ្ឋកិច្ច។ អ៊ីរ៉ង់ទទូចលើសិទ្ធិរបស់ខ្លួន ក្នុងការបង្កើនសារធាតុអ៊ុយរ៉ាញ៉ូមក្រោមសន្ធិសញ្ញាមិនរីកសាយភាយនុយក្លេអ៊ែរ ហើយទាមទារការបន្ធូរបន្ថយទណ្ឌកម្មជាដំណាក់កាល រួមជាមួយនឹងការធានាប្រឆាំងនឹងការដកខ្លួនពីកិច្ចព្រមព្រៀងរបស់អាមេរិកជាឯកតោភាគីនាពេលអនាគត។
ការចរចាដែលសម្របសម្រួលដោយប្រទេសអូម៉ង់ បានធ្វើឡើងចំនួនប៉ុន្មានដងរួចមកហើយនៅក្នុងទីក្រុងម៉ាស្កាត និងទីក្រុងរ៉ូម។ ខណៈពេលដែលភាគីទាំងពីរបង្ហាញការពេញចិត្តចំពោះផ្នែកការទូត ការខ្វែងគំនិតគ្នាសំខាន់ៗនៅតែមាន រួមទាំងវិសាលភាពនៃសិទ្ធិចម្រាញ់សារធាតុអ៊ុយរ៉ាញ៉ូមរបស់អ៊ីរ៉ង់ និងការត្រៀមខ្លួនរបស់អាមេរិកក្នុងការបន្ធូរបន្ថយទណ្ឌកម្ម។
មេដឹកនាំអាមេរិក បានសង្កត់ធ្ងន់លើគោលដៅនៃការសម្រេចបាននូវសន្តិភាពរយៈពេលវែងតាមរយៈការចរចារទាំងនេះ ហើយក៏បានគំរាមខ្លាំងៗផងដែរថា បើកិច្ចព្រមព្រៀងមិនសម្រេច នោះអាមេរិកនឹងប្រើកម្លាំងយោធាចាត់ការទីក្រុងតេហេរ៉ង់ ទោះមិនជាការវាយប្រហារដោយនុយក្លេអ៊ែរ តែលោក ត្រាំ ព្រមានថា វានឹងជាការវាយប្រហារដ៏ខ្លាំងក្លាមួយមិនធ្លាប់មានពីមុនមក។ យ៉ាងណាមិញ ប្រធានាធិបតីអ៊ីរ៉ង់ លោក Masoud Pezeshkian បានបញ្ជាក់យ៉ាងម៉ឺងម៉ាត់ថា អ៊ីរ៉ង់នឹងមិនឱនក្បាលចំពោះសម្ពាធ ឬការគំរាមពីខាងក្រៅឡើយ ដោយសង្កត់ធ្ងន់លើភាពធន់របស់អ៊ីរ៉ង់ប្រឆាំងនឹងការបំភិតបំភ័យ។
ចំណែកឯរដ្ឋមន្ត្រីការបរទេសអ៊ីរ៉ង់លោក Abbas Araghchi បានលើកឡើងថា អ៊ីរ៉ង់នឹងមិនបោះបង់សិទ្ធិរបស់ខ្លួនក្នុងការចម្រាញ់សារធាតុអ៊ុយរ៉ាញ៉ូមសម្រាប់គោលបំណងស៊ីវិលឡើយ។
សូមជម្រាបថា អ៊ីរ៉ង់បន្តបង្កើនសារធាតុអ៊ុយរ៉ាញ៉ូមរហូតដល់ភាពសុទ្ធ ៦០% លើសពីកម្រិតកំណត់ ៣,៦៧% ដែលធ្លាប់ចែងនៅក្នុងកិច្ចព្រមព្រៀងនុយក្លេអ៊ែរឆ្នាំ២០១៥ (JCPOA)។ ទីភ្នាក់ងារថាមពលអាតូមិកអន្តរជាតិ បានព្រមានថា អ៊ីរ៉ង់អាចឈានទៅដល់ការបន្សុទ្ធសារធាតុអ៊ុយរ៉ាញ៉ូមយ៉ាងលឿនដល់កម្រិត ៩០% ដែលជាកម្រិតអាចផលិតអាវុធប្រល័យលោកបាន។
អាមេរិក និងអ៊ីរ៉ង់ធ្លាប់ធ្វើកិច្ចព្រមព្រៀងនុយក្លេអ៊ែរអន្តរជាតិកាលពីឆ្នាំ២០១៥អំឡុងពេលលោក Barack Obama ធ្វើជាប្រធានាធិបតីអាមេរិក ដែលបានរឹតបន្តឹងកម្មវិធីនុយក្លេអ៊ែររបស់អ៊ីរ៉ង់ជាថ្នូរនឹងការដកទណ្ឌកម្ម។ ប៉ុន្តែលោក ត្រាំ បានដកសហរដ្ឋអាមេរិកជាឯកតោភាគីចេញពីកិច្ចព្រមព្រៀងនុយក្លេអ៊ែរក្នុងឆ្នាំ២០១៨ ដោយហៅវាថាជា «កិច្ចព្រមព្រៀងដ៏អាក្រក់បំផុតមិនធ្លាប់មាន»៕
ដោយ៖ ឈាង
រដ្ឋមន្ត្រីការពារជាតិអាមេរិក អវត្តមានលើកដំបូង ពីកិច្ចប្រជុំរដ្ឋមន្ត្រីការពារជាតិជួយអ៊ុយក្រែន
អភិបាលរាជធានីអមដំណើរ សម្តេចមហាមន្ត្រីចុះពិនិត្យទីតាំងពហុកីឡាដ្ឋាន មរតជាតិតេជោ ដើម្បីត្រៀមព្រះរាជពិធីព្រឹកស្អែក
Thaifex-Anuga Asia ២០២៥ ស្រូបទាញក្រុមហ៊ុនតាំងពិព័រណ៌អន្តរជាតិ និងពាណិជ្ជករជុំវិញពិភពលោក រុញច្រានកិច្ចព្រមព្រៀងអាជីវកម្មអន្តរជាតិយ៉ាងសកម្ម
លោកឧបនាយករដ្ឋមន្ត្រី ហ៊ុន ម៉ានី អញ្ជើញសម្ពោធដាក់ឱ្យប្រើប្រាស់ សាលាពុទ្ធិកបឋមសិក្សា សាលាទទួលភ្ញៀវខ្លោងទ្វារ និង សមិទ្ធផលនានា
ត្រាំ ហៅការប្រើម៉ាស៊ីនចុះហត្ថលេខារបស់ លោក ចូ បៃដិន ជារឿងអាស្រូវនយោបាយប្រវត្តិសាស្រ្ត
កូរ៉េខាងជើង លែងយកតង់បាំងនាវាចម្បាំងដែលលិច ក្រោយស្រង់ចេញពីទឹកបានពាក់កណ្ដាលមកវិញ
ការឆ្លើយតបរបស់កម្ពុជាចំពោះឧប្បត្តិហេតុព្រំដែនថៃ៖ យុគសម័យថ្មីនៃភាពជាអ្នកដឹកនាំរបស់កម្ពុជា
នគរបាលខណ្ឌ៧មករា ចុះណែនាំបណ្ដាទីតាំងយានដ្ឋាន កុំឱ្យលក់បំពង់សុីម៉ាំងឮខ្លាំង រំខានដល់ពលរដ្ឋ
អ៊ុយក្រែន ទទួលស្គាល់ថា ខ្លួនជាអ្នកបំផ្ទុះស្ពាន គ្រីមៀ
ចាប់ខ្លួនជនដៃដល់ជាកូនបង្កើតក្រោយកាប់សម្លាប់ឪពុកខ្លួនឯងដោយសារខឹងមិនឲ្យប្រើគោយន្ដ
-
ព័ត៌មានជាតិ៦ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៤ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ១ សប្តាហ៍ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សេចក្ដីជូនដំណឹង៤ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម៦ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៥ ថ្ងៃ agoវិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ