ព័ត៌មានអន្ដរជាតិ
ហ្សេលេនស្គី ខឹងថា ដោយសារ ត្រាំ មិនមាត់មិនក ទើប ពូទីន បានដៃ វាយប្រហារខ្លាំងទៅៗ
ក្រោយរុស្ស៊ីបើកការវាយប្រហារទ្រង់ទ្រាយធំនៅទូទាំងប្រទេសអ៊ុយក្រែន កាលពីថ្ងៃអាទិត្យទី២៥ខែឧសភាឆ្នាំ២០២៥ ប្រមុខដឹកនាំរដ្ឋាភិបាលទីក្រុងកៀវ វ៉ូឡូឌីមៀរ ហ្សេលេនស្គី បានបញ្ចេញប្រតិកម្មដោយកំហឹងយ៉ាងខ្លាំងជាពិសេសចំពោះប្រធានាធិបតីសហរដ្ឋអាមេរិក ដូណាល់ ត្រាំ តែម្តង ដោយអះអាងថា ទីក្រុងវ៉ាស៊ីនមិនមាត់មិនករអ្វីសោះលើសកម្មភាពថ្មីៗរបស់ទីក្រុងមូស្គូ គឺធ្វើឲ្យមេដឹកនាំវិមានក្រឹមឡាំង វ្ល៉ាឌីមៀរ ពូទីន បានដៃវាយប្រហារខ្លាំងទៅៗ។
តាមការចុះផ្សាយរបស់ BBC, កាលពីថ្ងៃអាទិត្យ រុស្ស៊ីបានបញ្ចេញដ្រូននិងមីស៊ីល ៣៦៧គ្រឿង/គ្រាប់ បាញ់សន្ធាប់លើប្រទេសអ៊ុយក្រែន សម្លាប់មនុស្ស១២នាក់ ក្នុងនោះមានទាំងកុមារ៣នាក់ផងដែរ ព្រមទាំងបណ្តាលឲ្យរាប់សិបនាក់ទៀតរងរបួស ក្នុងប្រតិបត្តិការលុកលុយទ្រង់ទ្រាយធំបំផុត ចាប់តាំងពីការវាយលុកឆ្នាំ២០២២មក។
តំបន់ចំនួន១៣ ត្រូវរងការវាយប្រហារដូចជាទីក្រុង Kyiv និងតំបន់ធំមួយទៀតនៅជាប់នោះ ក៏ដូចជាតំបន់ Zhytomyr, Khmelnytskyi, Ternopil, Dnipropetrovsk, Mykolaiv, Odesa, Kharkiv, Chernihiv, Cherkasy, Sumy និង Poltava ផងដែរ។
ពាក់ព័ន្ធរឿងនេះ លោកហ្សេលេនស្គី បានចេញសារដោយសំដៅទៅលោក ត្រាំ ចំៗថា៖ «ពិភពលោកអាចនឹងវិស្សមកាល ប៉ុន្តែសង្រ្គាមនៅតែបន្ត ទោះបីជាចុងសប្តាហ៍និងថ្ងៃធ្វើការក៏ដោយ។ រឿងនេះមិនអាចព្រងើយកន្តើយបានទេ។ ភាពស្ងៀមស្ងាត់របស់អាមេរិក និងភាពស្ងៀមស្ងាត់របស់អ្នកដទៃក្នុងពិភពលោក រឹតតែធ្វើឲ្យពូទីនបានដៃ។ ភាពឃោរឃៅរបស់រុស្ស៊ីមិនអាចបញ្ឈប់បានទេ បើគ្មានការដាក់សម្ពាធខ្លាំងក្លាលើមេដឹកនាំរុស្ស៊ី»។
សូមជម្រាបថា ការវាយប្រហារនេះកើតឡើងពីរថ្ងៃប៉ុណ្ណោះ បន្ទាប់ពីរុស្ស៊ី-អ៊ុយក្រែន ដោះដូរអ្នកទោសទ្រង់ទ្រាយធំបំផុត គិតចាប់តាំងពីសង្គ្រាមផ្ទុះឡើងក្នុងខែកុម្ភៈឆ្នាំ២០២២។
កាលពីថ្ងៃសុក្រទី២៣ខែឧសភា ភាគីនីមួយៗបានដោះលែងមនុស្សចំនួន ៣៩០នាក់ ដែលរួមមានបុគ្គលិកយោធាចំនួន ២៧០នាក់ និងជនស៊ីវិល ១២០នាក់នៅក្នុងដំណាក់កាលដំបូងនៃកិច្ចព្រមព្រៀងផ្លាស់ប្តូរអ្នកទោសសរុបចំនួន ២ ០០០នាក់ពីភាគីទាំងពីរ។
ការដោះដូរនេះ ធ្វើឡើងបន្ទាប់ពីកិច្ចចរចាដោយផ្ទាល់នៅទីក្រុងអ៊ីស្តង់ប៊ុល នៃប្រទេសតួកគី ដែលជាកិច្ចសន្ទនាដ៏សំខាន់លើកដំបូងរវាងប្រជាជាតិទាំងពីរក្នុងរយៈពេលបីឆ្នាំ៕
អត្ថបទ៖ សុខ សុវណ្ណ
ចុចអាន៖ រុស្ស៊ី វាយប្រហារទូទាំងប្រទេសអ៊ុយក្រែន សម្លាប់មនុស្ស ៨នាក់ និងបង្កការបំផ្លិចបំផ្លាញធ្ងន់ធ្ងរ
ថ្ងៃបញ្ចប់ ពលរដ្ឋជាច្រើននាំគ្នាទៅធ្វើបច្ចុប្បន្នភាពបញ្ជីឈ្មោះបោះឆ្នោត
មន្ត្រីក្រសួងមហាផ្ទៃ៖ ភូមិ ឃុំ សង្កាត់មានសុវត្ថិភាព កើតចេញពីការចូលរួមរបស់យើងគ្រប់រូបនៅក្នុងមូលដ្ឋាន
រដ្ឋបាលខណ្ឌឫស្សីកែវ បន្តចុះរៀបចំសណ្ដាប់ធ្នាប់ និងចាត់វិធានការរដ្ឋបាល ចំពោះអ្នកមិនគោរពការណែនាំ
សភាសម្រេចយកថ្ងៃទី២ និងទី៣ មិថុនា រៀបចំសមាជ ដោយពិភាក្សាលើបញ្ហាជាតិចំនួន៣
ត្រាំ៖ «ពូទីន ឆ្កួតមែនទែនហើយ!»
នេះជាការបញ្ជាក់ពីសហព័ន្ធគុនខ្មែរពីរឿង ពេជ្រ សម្បត្តិ មិនបានប្រកួតដណ្ដើមខ្សែក្រវាត់ WBC នៅអាមេរិក
ហ្សេលេនស្គី ខឹងថា ដោយសារ ត្រាំ មិនមាត់មិនក ទើប ពូទីន បានដៃ វាយប្រហារខ្លាំងទៅៗ
ច្បាស់១០០% Nieto ប្រាប់ថា នឹងចាកចេញពី ភ្នំពេញក្រោន នៅរដូវកាលនេះហើយ
ព្រះសង្ឃជាង១០អង្គពុលផ្សិតឬស្សី បញ្ជូនទៅសង្គ្រោះបន្ទាន់
មន្ទីរធម្មការរាជធានីភ្នំពេញ ចុះធ្វើកិច្ចសន្យាអ្នកតាំងខ្លួនជាតាបសភ្នំគូលេន ឲ្យបញ្ឈប់សកម្មភាពចែកចាយវីដេអូធ្វើឲ្យប៉ះពាល់សង្គម
-
ព័ត៌មានជាតិ២ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
សន្តិសុខសង្គម៧ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
សន្តិសុខសង្គម៥ ថ្ងៃ agoជនដៃដល់៣នាក់ត្រូវបានឃាត់ខ្លួនក្នុងករណីរំលោភសម្លាប់ក្មេងស្រីវ័យ១៥ឆ្នាំនៅខណ្ឌព្រែកព្នៅ
-
សន្តិសុខសង្គម១ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
សន្តិសុខសង្គម១ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៦ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
សន្តិសុខសង្គម៦ ថ្ងៃ agoកម្មករ-កម្មការិនីរោងចក្រប្រមាណ ២៥០ នាក់ តវ៉ាបិទផ្លូវ ២១៧ ខណ្ឌដង្កោ ដោយសំណូមពរ ៥ ចំណុច
-
ព័ត៌មានអន្ដរជាតិ៣ ថ្ងៃ agoកូរ៉េខាងជើង យកតង់បាំងនាវាចម្បាំងដែលលិច