ព័ត៌មានអន្ដរជាតិ
ត្រាំ៖ បណ្ដោយឲ្យរុស្ស៊ី-អ៊ុយក្រែនឈ្លោះគ្នាដូចក្មេងយូរបន្តិចសិនចុះ មុនបំបែកពួកគេ
លោកប្រធានាធិបតី ដូណាល់ ត្រាំ បាននិយាយថា វានឹងជាវិធីសាស្រ្តល្អប្រសើរជាងមុន ដែលទុកឲ្យរុស្ស៊ី និងអ៊ុយក្រែន «ប្រយុទ្ធមួយរយៈសិន» មុនពេលបន្តកិច្ចខិតខំប្រឹងប្រែងសន្តិភាព។
នៅក្នុងកិច្ចប្រជុំមួយនៅសេតវិមានកាលពីថ្ងៃទី៥ខែមិថុនា អធិការបតីអាល្លឺម៉ង់ Friedrich Merz បាននិយាយថា លោក ត្រាំ គឺជា«មនុស្សសំខាន់ក្នុងពិភពលោក» ដែលអាចបញ្ចប់ការប្រយុទ្ធបង្ហូរឈាមរវាងរុស្ស៊ី និងអ៊ុយក្រែន។ ជាការឆ្លើយតប លោក ត្រាំ បានប្រៀបធៀបសង្រ្គាមរុស្ស៊ី និងអ៊ុយក្រែន «ទៅនឹងការប្រយុទ្ធគ្នារវាងក្មេងពីរនាក់ដែលស្អប់គ្នាទៅវិញទៅមក»។ លោក ត្រាំ បានប្រាប់ថា «ពេលខ្លះវាជាការប្រសើរក្នុងការអនុញ្ញាតឲ្យក្មេងៗឈ្លោះគ្នាមួយរយៈហើយបន្ទាប់មកបំបែកពួកគេ»។ លោក ត្រាំ បានបន្ថែមថា គាត់បានលើកឡើងពីពាក្យប្រៀបធៀបនេះទៅកាន់សមភាគីរុស្ស៊ីលោក វ៉្លាឌីមៀរ ពូទីន ផងដែរនៅក្នុងការហៅទូរសព្ទកាលពីថ្ងៃមុន។
លោក ត្រាំ បានបន្តថា៖ «ខ្ញុំបាននិយាយថា លោកប្រធានាធិបតី អ្នកប្រហែលជាត្រូវបន្តការប្រយុទ្ធ និងទទួលរងនូវការស្លាប់និងរបួសជាច្រើននាក់ទៀត។ អ្នកឃើញវានៅក្នុងកីឡាវាយកូនគោលលើទឹកកក និងកីឡាផ្សេងទៀត ដែលអាជ្ញាកណ្តាលតែងតែអនុញ្ញាតឲ្យភាគីប្រយុទ្ធគ្នាពីរបីវិនាទីមុនពេលបំបែកពួកគេ»។
ការអត្ថាធិប្បាយនេះ បានបង្ហាញថា លោក ត្រាំ ហាក់ដូចជាបានផ្លាស់ប្តូរជំហររបស់គាត់ចំពោះសង្គ្រាមនៅអ៊ុយក្រែន។ កន្លងមក ប្រមុខសេតវិមាន បានអំពាវនាវម្តងហើយម្តងទៀតឲ្យទីក្រុងមូស្គូ និងក្រុងកៀវ ចរចាគ្នាឆាប់រហ័ស ដើម្បីសម្រេចបាននូវបទឈប់បាញ់មួយ ក្នុងគោលបំណងស្វែងរកដំណោះស្រាយដោយសន្តិវិធីចំពោះជម្លោះដែលអូសបន្លាយជាងបីឆ្នាំមកនេះ។
រុស្ស៊ីនិងអ៊ុយក្រែន បានចាប់ផ្ដើមកិច្ចចរចាផ្ទាល់នៅក្រុងអ៊ីស្តង់ប៊ុល ប្រទេសតួកគី កាលពីខែមុនក្នុងគោលបំណងបញ្ចប់ការប្រយុទ្ធ។ គណៈប្រតិភូនៃភាគីទាំងសងខាងបានជួបប្រជុំគ្នាចំនួនពីរដងហើយ ដែលថ្មីៗនេះធ្វើឡើងកាលពីថ្ងៃទី២ខែមិថុនា ប៉ុន្តែមិនមានការរីកចម្រើនគួរឲ្យកត់សម្គាល់ណាមួយនោះទេក្រៅតែពីការផ្លាស់ប្តូរអ្នកទោស។
ភាគីទាំងពីរ បានបង្ហាញពីការចង់បានខុសគ្នាលើលក្ខខណ្ឌសម្រាប់បទឈប់បាញ់ពេញលេញ ហើយប្តេជ្ញាមិនចុះចាញ់រៀងៗខ្លួន។ ប្រធានាធិបតីអ៊ុយក្រែនលោក វ៉ូឡូឌីមៀរ ហ្សលេនស្គី បាននិយាយកាលពីថ្ងៃទី៥ខែមិថុនាថា ទីក្រុងកៀវនឹងមិនបន្តកិច្ចចរចាកម្រិតទាបជាមួយទីក្រុងមូស្គូទៀតទេ ដោយលោកចង់បានការជួបដោយផ្ទាល់ជាមួយសមភាគីរុស្ស៊ីលោក វ៉្លាឌីមៀរ ពូទីន។ ទោះជាយ៉ាងណា លោក ពូទីន ក្រោយមកបានច្រានចោលនូវសំណើមួយនេះ៕
ដោយ៖ ឈាង
មន្ទីរសុខាភិបាលខេត្តមណ្ឌលគិរី ចាត់វិធានការបាញ់ថ្នាំសម្លាប់មូសដើម្បីបង្ការជំងឺគ្រុនឈាម នារដូវវស្សា
អាជីវករវៀតណាមនៅក្រុងធំៗបិទតូបខ្លួន នៅពេលអាជ្ញាធរបង្រ្កាបទំនិញក្លែងក្លាយ
អ៊ីស្រាអែលយកបានសាកសពចំណាប់ខ្មាំងពីរនាក់មកវិញ ចំពេលជម្លោះហ្គាហ្សាកំពុងបន្ត
លោក ប៊ូ ជុំសេរី បញ្ចប់សិក្ខាសាលា«ការរៀបចំទ្រឹស្ដីផែនការហាត់ហ្វឹកហ្វឺន» គ្រូៗទាំងអស់នឹងអភិវឌ្ឍន៍កីឡារបស់ខ្លួនកាន់តែប្រសើរ
ភាពល្អូកល្អិននយោបាយរវាង Trump និង Elon Musk បានបញ្ចប់ក្នុងជម្លោះដ៏ក្ដៅគគុក
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
ថៃ កំពុងមានជម្លោះជាមួយអ្នកជិតខាង ជុំទិស
ជម្លោះគ្រួសារ ប្តីដកកាំភ្លើងបាញ់ប្រហារប្រពន្ធមួយគ្រាប់រួចគេចខ្លួនបាត់
រុស្ស៊ីប្រាប់ថា ខ្លួននឹងជួសជុលយន្តហោះចម្បាំងដែលខូចខាត អំឡុងការវាយប្រហាររបស់អ៊ុយក្រែន
អគ្គិភ័យឆេះខុនដូ កំពុងសាងសង់ នៅ បាងកក
-
ព័ត៌មានជាតិ១ សប្តាហ៍ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៦ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៦ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សេចក្ដីជូនដំណឹង៦ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម១ សប្តាហ៍ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
នយោបាយ១ ថ្ងៃ agoកម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៧ ថ្ងៃ agoវិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ
-
ព័ត៌មានជាតិ៤ ថ្ងៃ agoកម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅ៣៧°C