ព័ត៌មានអន្ដរជាតិ
ប្រមុខណាតូ អំពាវនាវឲ្យសមាជិកបង្កើនចំណាយ៤០០%លើវិស័យការពារអាកាស និងមីស៊ីល
អគ្គលេខាធិការអង្គការណាតូលោក Mark Rutte នៅថ្ងៃទី៩ខែមិថុនានេះជំរុញឲ្យរដ្ឋជាសមាជិកបង្កើនសមត្ថភាពការពារដែនអាកាស និងមីស៊ីលរបស់ខ្លួនឲ្យបានដល់ ៤០០% ដោយសង្កត់ធ្ងន់លើតម្រូវការទប់ស្កាត់ការវាយប្រហារតាមអាកាសដូចដែលបានឃើញនៅក្នុងប្រទេសអ៊ុយក្រែន។
លោក Rutte បានថ្លែងក្នុងសុន្ទរកថាសំខាន់មួយនៅឯទីក្រុងឡុងដ៍ថា «នៅអ៊ុយក្រែន យើងកំពុងមើលឃើញភាពភ័យខ្លាចពីខាងលើ យើងត្រូវតែពង្រឹងខែលដែលការពារផ្ទៃមេឃរបស់យើង»។ លោកបន្ថែមថា «យោធារបស់យើងក៏ត្រូវការរថពាសដែក និងរថក្រោះរាប់ពាន់គ្រឿង កាំភ្លើងធំរាប់លានគ្រាប់ទៀត ហើយយើងត្រូវតែបង្កើនសមត្ថភាពរបស់យើងទ្វេដង ដូចជា ភស្តុភារ ការផ្គត់ផ្គង់ ការដឹកជញ្ជូន និងជំនួយផ្នែកវេជ្ជសាស្រ្ត»។
គំនិតផ្តួចផ្តើមនេះ គឺជាផ្នែកមួយនៃការជំរុញយ៉ាងធំសម្រាប់សមាជិកណាតូឲ្យបង្កើនថវិកាការពារជាតិរហូតដល់ ៥% នៃផលិតផលក្នុងស្រុកសរុប (GDP) បើធៀបនឹងស្តង់ដារ ២% បច្ចុប្បន្ន។ គម្រោងបង្កើនថវិកាការពារជាតិ ត្រូវបានគេរំពឹងថានឹងប្រកាសជាផ្លូវការក្នុងកិច្ចប្រជុំកំពូលណាតូ នៅទីក្រុងឡាអេ នាថ្ងៃទី២៤-២៥ខែមិថុនាខាងមុខ។
ក្រុមរដ្ឋមន្ត្រីការពារជាតិរបស់រដ្ឋជាសមាជិកអង្គការណាតូ បានព្រមព្រៀងគ្នារួចហើយលើ«គោលដៅសមត្ថភាពជាប្រវត្តិសាស្ត្រ»នេះ ដោយក្នុងនោះមានការពង្រឹងចំនួនកងទ័ព ការស្តុកទុកគ្រាប់រំសេវ ការការពារដែនអាកាស និងប្រព័ន្ធបញ្ជា។
កាលពីសប្ដាហ៍មុន រដ្ឋមន្ត្រីការពារជាតិអាមេរិក លោក Pete Hegseth បានបង្ហាញទំនុកចិត្តយ៉ាងមុតមាំថា សម្ព័ន្ធមិត្តណាតូនឹងយល់ព្រមតាមការទាមទាររបស់ប្រធានាធិបតី ដូណាល់ ត្រាំ សម្រាប់ការបង្កើនការចំណាយលើវិស័យការពារជាតិដល់ ៥% នៃ GDP របស់ប្រទេសសមាជិកនីមួយៗ។ បច្ចុប្បន្ន ពុំទាន់មានប្រទេសណាមួយអាចឈានដល់ចំណាយ ៥%នៃ GDP ទេ សូម្បីតែអាមេរិក ប៉ុន្តែលោក Hegseth បាននិយាយថា វាកំពុងមានដំណើរការហើយលើការសម្រេចបានគោលដៅនេះ។
លោក Mark Rutte បានស្នើផែនការវិនិយោគថ្មីមួយដែលបែងចែក ៣,៥% នៃ GDP សម្រាប់ការចំណាយលើវិស័យការពារជាតិដោយផ្ទាល់ និង ១,៥%បន្ថែមទៀតសម្រាប់ការចំណាយយោធាដោយប្រយោលដែលពាក់ព័ន្ធនឹងសន្តិសុខជាតិ ដូចជា សន្តិសុខតាមអ៊ីនធឺណិត និងហេដ្ឋារចនាសម្ព័ន្ធដែលមានសមត្ថភាពយោធា។ ផែនការនេះ មានគោលបំណងព្យាយាមពង្រឹងការការពាររបស់ណាតូប្រឆាំងនឹងការគំរាមកំហែងដ៏ស្មុគស្មាញនាពេលបច្ចុប្បន្ននេះ ទន្ទឹមនឹងនោះក៏មានភាពយុត្តិធម៌ចំពោះប្រទេសដែលមានសេដ្ឋកិច្ចតូច ឬខ្សោយជាង ដោយអនុញ្ញាតឲ្យមានមធ្យោបាយបត់បែនបន្ថែមទៀតដើម្បីឈានទៅដល់គោលដៅ៕
ដោយ៖ ឈាង
ប្រមុខណាតូ អំពាវនាវឲ្យសមាជិកបង្កើនចំណាយ៤០០%លើវិស័យការពារអាកាស និងមីស៊ីល
ផ្ទុះគ្រាប់នៅមូលដ្ឋានទ័ពអាមេរិកក្នុងប្រទេសជប៉ុន បង្កឱ្យយោធា៤នាក់របួស
ត្បិតរកាំរកូសគ្នា ប៉ុន្តែសម្ដេចធិបតី ថាកម្ពុជា-ថៃ នឹងបន្តរក្សាទំនាក់ទំនង ដើម្បីឧត្តមប្រយោជន៍ប្រជាជនទាំងសងខាង
Energy China គ្រោងពង្រីកការវិនិយោគលើកវិស័យទឹកស្អាតនៅកម្ពុជា
កុបកម្មនៅ LA៖ ត្រាំ ចេញបញ្ជាចាប់ខ្លួននរណាក៏ដោយ ឲ្យតែពាក់ស្រោមមុខ
នៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
ផ្ទុះគ្រាប់បែក២គ្រាប់ នៅកណ្តាលផ្សារ ភាគខាងត្បូងប្រទេសថៃ
រយៈពេល ៣ ខែចុងក្រោយឆ្នាំនេះ ខេត្តក្រចេះមានគ្រោះថ្នាក់ចរាចរណ៍កើតឡើង ២០ ករណី
មេរៀននៅតំបន់មុំ៣៖ បញ្ញវន្តខ្មែរផ្តាំទៅកងទ័ពនៅព្រំដែន ត្រូវប្រុងប្រយ័ត្នខ្ពស់ មុនធ្វើចិត្តធម៌ ធ្វើចិត្តល្អជាមួយកងទ័ពថៃ
អ៊ីស្រាអែល ប្រកាសថារកឃើញសាកសពមេដឹកនាំហាម៉ាសនៅរូងជម្រៅ៨ម៉ែត្រក្រោមដីមន្ទីរពេទ្យ
-
សន្តិសុខសង្គម២ ថ្ងៃ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
នយោបាយ៤ ថ្ងៃ agoកម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៣ ថ្ងៃ agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានជាតិ២២ ម៉ោង agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានជាតិ២ ថ្ងៃ agoលោក អ៊ី ឈាន យកអំណោយសម្តេចកិត្តិព្រឹទ្ធបណ្ឌិតជូនកងកម្លាំងតាមខ្សែព្រំដែន
-
ព័ត៌មានអន្ដរជាតិ៤ ថ្ងៃ agoថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ៣ ថ្ងៃ agoស៊ីរ៉ែនប្រកាសអាសន្នលាន់ទ្រហឹងទូទាំងប្រទេសអ៊ុយក្រែន នៅពេល ពូទីន សងសឹកចាស់ដៃ
-
ព័ត៌មានជាតិ២ ថ្ងៃ agoថៃចាប់ផ្ដើមបិទច្រកព្រំដែនតំបន់បឹងត្រកួន នៅបន្ទាយមានជ័យ