ព័ត៌មានអន្ដរជាតិ

អតីតអនុរដ្ឋមន្ត្រីការពារជាតិរុស្ស៊ី ជាប់គុក ១៣ឆ្នាំ ពីបទពុករលួយ

បានផុស

១១ ខែ មុន

នៅ

ថ្ងៃពុធ ២ កក្កដា ២០២៥

ដោយ

យោងតាមការចេញផ្សាយរបស់ទីភ្នាក់ងារព័ត៌មានAP នៅថ្ងៃទី០២ខែកក្កដានេះ អតីតអនុរដ្ឋមន្ត្រីការពារជាតិរុស្ស៊ីលោក Timur Ivanov ត្រូវបានកាត់ទោសឱ្យជាប់គុក ១៣ឆ្នាំ ពីបទបន្លំ និងលួចលុយចំនួនប្រហែល ៥០លានដុល្លារ។

លោក Timur Ivanov ឈរក្នុងទ្រុងរបស់ចុងចោទ មុនពេលសវនាការក្នុងតុលាការក្រុងម៉ូស្គូ ក្នុងទីក្រុង។ (រូបភាព៖ AP)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការកាត់ក្តីដ៏ល្បីនេះបានលាតត្រដាងពីអំពើពុករលួយយ៉ាងធ្ងន់ធ្ងរនៅក្នុងជួរយោធារុស្ស៊ីដែលមនុស្សជាច្រើនជឿថាជាហេតុផលមួយដែលរុស្ស៊ីបានប្រឈមក្នុងសង្រ្គាមជាមួយអ៊ុយក្រែន។

លោក Ivanov បានមើលការខុសត្រូវលើការសាងសង់និងភ្នាក់ងារជំនួយយោធា ហើយលោកត្រូវបានគេកត់សម្គាល់ដឹងពីការលួចបន្លំតាមរយៈរបៀបរស់នៅដ៏ប្រណីតរបស់លោក ដែលមានអចលនទ្រព្យប្រណីតៗ និងរថយន្តបុរាណមួយចំនួន ខណៈពេលនេះត្រូវបានរឹបអូសដោយតុលាការ។ លោកត្រូវបានចាប់ខ្លួននៅខែមេសា ឆ្នាំ២០២៤ តែលោកបដិសេធការចោទប្រកាន់ ហើយមេធាវីរបស់លោកគ្រោងនឹងប្តឹងឧទ្ធរណ៍បន្ត។

គួរបញ្ជាក់ថា ករណីនេះគឺជាផ្នែកមួយនៃកិច្ចខិតខំប្រឹងប្រែងដ៏ធំមួយក្នុងការប្រយុទ្ធប្រឆាំងនឹងអំពើពុករលួយក្នុងវិស័យយោធារបស់រុស្ស៊ី។ មន្ត្រីកំពូលផ្សេងទៀត ដូចជាអតីតអនុរដ្ឋមន្ត្រីការពារជាតិលោក Pavel Popov និងនាយកឧទ្យាន Patriot លោក Vyacheslav Akhmedov ក៏កំពុងត្រូវបានស៊ើបអង្កេតផងដែរ ខណៈដែល Patriot Park ជាឧទ្យានយោធាដ៏ធំមួយដែលលោក Ivanov បានជួយសាងសង់ ឥឡូវនេះក៏កំពុងត្រូវបានត្រួតពិនិត្យលើការប្រើប្រាស់ប្រាក់រដ្ឋាភិបាលមិនត្រឹមត្រូវផងដែរ៕

Russian Defense Ministry Press Service (រូបភាព៖ AP)

អត្ថបទ៖ ប៊ុន សុភាព

Related Topics:ប្រទេសរុស្ស៊ី អំពើពុករលួយ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា