ព័ត៌មានអន្ដរជាតិ
បច្ច័យវត្តទាំងអស់នៅថៃ មានជាង ៣ពាន់លានដុល្លារក្នុងមួយឆ្នាំៗ តែខ្វះយន្តការត្រួតពិនិត្យ
ព្រះវិហារពុទ្ធសាសនារបស់ប្រទេសថៃ មានចំនួនសរុបជាង ៤០ ០០០វត្ត ហើយបច្ច័យដែលទទួលបានមិនតិចជាង ១០០ពាន់លានបាត (ចន្លោះពី ៣ ទៅ ៣,៦ពាន់លានដុល្លារ) ក្នុងមួយឆ្នាំៗ ដែលភាគច្រើនមកពីការបរិច្ចាគរបស់សាធារណៈ ព្រមទាំងការឧបត្ថម្ភធនពិរដ្ឋាភិបាល។ ចំណែកឯគណនីមូលនិធិរួមរបស់ព្រះវិហារទាំងអស់នៅក្នុងធនាគារ មានចំនួនសរុបដល់ជាង ១១ពាន់លានដុល្លារឯណោះ ដែលស្មើនឹង GPD របស់ប្រទេសតូចៗមួយចំនួន។ យ៉ាងណាមិញ បច្ច័យដ៏ច្រើនសន្ធឹកសន្ធាប់ទាំងនោះ ពុំមានយន្តការត្រួតពិនិត្យច្បាស់លាស់ឡើយ ដែលជាហេតុបង្កឲ្យមានការកឹបកេង និងផ្ទុះរឿងអាស្រូវបន្តកន្ទុយគ្នាជាហូរហែ។
បច្ច័យរបស់ព្រះវិហារថៃ ត្រូវបានបង្កើតឡើងតាមរយៈពិធីបុណ្យទាន ការថ្វាយទានពីអ្នកគោរពបូជា ការលក់វត្ថុស័ក្ដិសិទ្ធិ និងការរៀបចំពិធីផ្សេងៗ។
ការវិភាគដោយការិយាល័យព្រះពុទ្ធសាសនាជាតិ និងអ្នកស្រាវជ្រាវឯករាជ្យថៃ បានរកឃើញថា ព្រះវិហារជាមធ្យមរកបច្ច័យបានប្រហែល ៣,២លានបាត (៩០ ០០០ដុល្លារ) ក្នុងមួយឆ្នាំ ខណៈព្រះវិហារមួយចំនួនទៀត ដូចជាវត្ត Phra Dhammakaya និងវត្តនៅតាមទីប្រជុំជន ត្រូវបានគេរាយការណ៍ថាមានការចូលបច្ច័យប្រចាំឆ្នាំដល់រាប់សិបលានបាតឯណោះ។
បន្ថែមពីលើការបរិច្ចាគពីសាធារណៈ រដ្ឋាភិបាលថៃក៏ផ្តល់ថវិកាចំនួន ២,៦ពាន់លានបាត (៧៥លានដុល្លារ) ជារៀងរាល់ឆ្នាំ ដើម្បីគាំទ្រដល់ការជួសជុលព្រះវិហារ ការអប់រំព្រះសង្ឃ និងការអភិរក្សវប្បធម៌ផងដែរ។ ប៉ុន្តែមិនមែនព្រះវិហារទាំងអស់សុទ្ធតែទទួលបានអត្ថប្រយោជន៍ស្មើគ្នានោះទេ ដោយមានសេចក្ដីរាយការណ៍ថា ព្រះវិហារប្រហែល ៦ ០០០កន្លែង បានខ្វះខាតថវិកាយ៉ាងធ្ងន់ធ្ងរ ភាគច្រើននៅតាមតំបន់ជនបទដាច់ស្រយាល។
បច្ច័យរបស់ព្រះវិហារ បានបង្កើតជាភាពចម្រូងចម្រាសមិនចេះចប់មិនចេះហើយនៅក្នុងសង្គមថៃអស់រយៈពេលជាច្រើនទសវត្សរ៍មកហើយ ជាពិសេសនៅក្នុងរយៈពេល១០ឆ្នាំចុងក្រោយនេះ មានការផ្ទុះរឿងអាស្រូវពុករលួយជាច្រើនករណី តួយ៉ាងដូចជា ការកឹបកេងបច្ច័យប្រមាណ ៨០០លានបាតនៅវត្ត Rai Khing ជាដើម។
យោងតាមរបាយការណ៍របស់មូលនិធិវិទ្យាស្ថានស្រាវជ្រាវអភិវឌ្ឍន៍ប្រទេសថៃ (TDRI) ព្រះវិហារថៃមានបច្ច័យច្រើនលើសលុប ប៉ុន្តែប្រព័ន្ធគ្រប់គ្រងហិរញ្ញវត្ថុត្រូវបានបិទបាំង ហើយមានចន្លោះប្រហោង។ TDRI ព្រមានថា កង្វះការត្រួតពិនិត្យ និងតម្លាភាពក្នុងមូលនិធិទាំងនេះ បានបង្កើតឱកាសសម្រាប់ព្រះសង្ឃក្នុងការប្រព្រឹត្តអំពើពុករលួយ និងការលាងលុយកខ្វក់ បំផ្លាញជំនឿរបស់សាធារណៈជនលើព្រះពុទ្ធសាសនា៕
ដោយ៖ ឈាង
សមត្ថភាពមិនធម្មតា គ្រឿម សុវណ្ណឃីម ធ្លាប់ឈ្នះជើងខ្លាំង ហាន់ ពី ពេជ្រ សុឃីម ប៉ុន្តែមិនសូវល្បីឈ្មោះដូចគេ
បច្ច័យវត្តទាំងអស់នៅថៃ មានជាង ៣ពាន់លានដុល្លារក្នុងមួយឆ្នាំៗ តែខ្វះយន្តការត្រួតពិនិត្យ
ឃាត់ជនជាតិចិន៩នាក់ក្នុងខេត្តស្ទឹងត្រែង ជាប់ពាក់ព័ន្ធសកម្មភាពឆបោកតាមអនឡាញ
កុមារប៉ាគីស្ថានជិតពាក់កណ្ដាលក្នុងចំណោមមនុស្ស ១៧០នាក់ស្លាប់ដោយសារទឹកជំនន់
ការមកដល់នៃភ្ញៀវទេសចរតាមផ្លូវអាកាសមានជាង ៣,៥ លាននាក់ ក្នុងឆមាសទី១ កើនឡើង ជាង ១៦%
ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?
មកស្គាល់គ្រាប់មីន PMN-2 ដែលថៃអះអាងថា ទាហានខ្លួនជាន់ដាច់ជើង
ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម
រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់
ថាក់ស៊ីន ស្នើឱ្យថៃលក់ «ទិដ្ឋាការមាស» ដើម្បីជំរុញសេដ្ឋកិច្ច ស្រដៀងនឹងផែនការ ត្រាំ
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ