ព័ត៌មានអន្ដរជាតិ

ទាហានរបបយោធាមីយ៉ាន់ម៉ាដុតសម្លាប់ជនស៊ីវិលចំនួន ៦ នាក់ទាំងរស់នៅតំបន់ Sagaing

បានផុស

៧ ខែ មុន

នៅ

ថ្ងៃព្រហស្បតិ៍ ១៨ កញ្ញា ២០២៥

ដោយ

យោងតាមការចេញផ្សាយរបស់ Mizzima News កាលពីថ្ងៃទី១៧ ខែកញ្ញា ជនស៊ីវិលប្រាំមួយនាក់ត្រូវបានកងកម្លាំងយោធាមីយ៉ាន់ម៉ាចាប់ឃុំខ្លួន ធ្វើទារុណកម្ម និងដុតសម្លាប់ទាំងរស់ក្នុងទីប្រជុំជន Kantbalu តំបន់ Sagaing ។

បើតាមសម្ដីក្មេងប្រុសអាយុ១៥ឆ្នាំម្នាក់ ដែលបានរួចរស់ជីវិត បានពណ៌នាថាជនរងគ្រោះទាំងនោះ រួមមានអនីតិជនពីរនាក់ ដែលកំពុងធ្វើដំណើរពីតំបន់ជីករ៉ែមាស តាមបណ្ដោយផ្លូវ Shwebo-Myitkyina។ ពួកគេត្រូវបានស្ទាក់ចាប់ដោយកងទ័ពរដ្ឋាភិបាលកាលពីថ្ងៃទី ៩ ខែកញ្ញា ហើយឃុំខ្លួនក្នុងវត្តមួយអស់រយៈពេលបួនថ្ងៃ ដោយការធ្វើទារុណកម្មវាយដំ មិនផ្ដល់អាហារ និងត្រូវបង្ខំឲ្យឡើងលើគំនរកង់រថយន្ត ហើយដុតសម្លាប់។

ជនរងគ្រោះទាំង៦នាក់នោះមានអាយុចន្លោះពី១៤ឆ្នាំដល់៤៥ឆ្នាំ។ សាកសពពួកគេមិនទាន់ត្រូវបានគេរកឃើញនៅឡើយទេ ដោយសារតែមានវត្តមានយោធានៅក្នុងតំបន់នៅឡើយ។

គួរបញ្ជាក់ចាប់តាំងពីខែសីហាមក កងកម្លាំងរដ្ឋាភិបាលបានបង្កើនការគ្រប់គ្រងលើផ្លូវ Shwebo-Myitkyina ជាមួយនឹងប៉ុស្តិ៍ត្រួតពិនិត្យ និងការដាក់ពង្រាយកងទ័ព ដែលជំរុញឱ្យមានការព្រមានពីក្រុមតស៊ូក្នុងតំបន់ និងក្រុមសង្គមស៊ីវិលអំពីការចាប់ខ្លួន ការធ្វើទារុណកម្ម និងការសម្លាប់នៅតាមដងផ្លូវ៕