ព័ត៌មានអន្ដរជាតិ
មិនទាន់ចប់ទេ! ឥណ្ឌូណេស៊ី ព្រមានពីហានិភ័យនៃព្យុះស៊ីក្លូនថ្មីមួយទៀត
ទីភ្នាក់ងារអាកាសធាតុឥណ្ឌូណេស៊ីបានព្រមាននៅថ្ងៃសុក្រ ទី ៩ ខែមេសានេះថា ព្យុះស៊ីក្លូនត្រូពិកលើកទី ២ ក្នុងរយៈពេលមួយសប្តាហ៍អាចបង្កជាទឹកជំនន់ និងការបាក់ដីជាច្រើនទៀតនៅតំបន់ភាគកណ្តាល បន្ទាប់ពីព្យុះស៊ីក្លូន Seroja បានសម្លាប់មនុស្ស ១៦៣ នាក់នៅតំបន់ភាគខាងកើតនៃប្រទេស ។
ក្រុមអ្នកជួយសង្គ្រោះបាននិងកំពុងស្វែងរកមនុស្សដែលបាត់ខ្លួន និងប្រញាប់ប្រញាល់ជួយដល់កោះនានានៅខេត្ត East Nusa Tenggara បន្ទាប់ពីព្យុះ Seroja បានវាយប្រហារតំបន់នេះជាមួយនឹងភ្លៀងធ្លាក់ខ្លាំង ទឹកជំនន់ និងការបាក់ដីកាលពីថ្ងៃអាទិត្យ ។
ប្រធានទីភ្នាក់ងារអាកាសធាតុឥណ្ឌូនេស៊ី (BMKG) បាននិយាយថា ព្យុះស៊ីក្លូនថ្មីមួយទៀតដែលមានឈ្មោះថា Odette កំពុងតែមានឥទ្ធិពល ហើយអាចវាយប្រហារខេត្ត Lampung នៅលើកោះស៊ូម៉ាត្រាក៏ដូចជាខេត្ត East Java ខេត្ត Central Java និងកោះបាលី ។
លោកស្រី Dwikorita Karnawati បានប្រាប់សន្និសីទសារព័ត៌មានថា “ប្រជាជនត្រូវបានគេណែនាំឲ្យប្រុងប្រយ័ត្នចំពោះខ្យល់បក់ខ្លាំង និងភ្លៀងដែលអាចកើតឡើងនៅក្នុងតំបន់មួយចំនួន និងប្រុងប្រយ័ត្នចំពោះការគំរាមកំហែងនៃទឹកជំនន់ ការបាក់ដី និងជំនន់ទឹកភ្លៀងជាដើម” ។
ខណៈពេលដែលព្យុះ Odette មិនត្រូវបានគេរំពឹងថានឹងមានលក្ខណៈបំផ្លិចបំផ្លាញដូចជាព្យុះ Seroja លោកស្រីបានព្រមានថា វាអាចបង្កើតកម្ពស់ជំនោរដល់ទៅ ៦ ម៉ែត្រនៅមហាសមុទ្រឥណ្ឌាភាគខាងត្បូងក្បែរកោះជ្វា និងកោះបាលីដោយជំរុញឲ្យអ្នកនេសាទត្រូវប្រុងប្រយ័ត្ន ។
យោងតាមទិន្នន័យពីទីភ្នាក់ងារកាត់បន្ថយគ្រោះមហន្តរាយជាតិរបស់ប្រទេសឥណ្ឌូនេស៊ីបានឲ្យដឹងថា ព្យុះ Seroja បានធ្វើឲ្យខូចខាតផ្ទះរាប់ពាន់ខ្នង និងមនុស្សជាង ២២,៨០០ នាក់បានផ្លាស់ទីលំនៅ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ឥណ្ឌូនេស៊ី ដាក់ឲ្យប្រើប្រាស់ឧបករណ៍ធ្វើតេស្តរកកូវីដតាមទឹកមាត់
ចុចអាន ៖ រយៈពេល ៣ ខែក្រោយធ្លាក់ ទើបឥណ្ឌូនេស៊ីរកឃើញប្រអប់ខ្មៅទី ២ នៃយន្ដហោះ Sriwijaya Air
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»