ព័ត៌មានអន្ដរជាតិ
ស្លាប់កាន់តែច្រើន! តួលេខអ្នកបាត់បង់ជីវិតព្រោះបាក់សាលានៅឥណ្ឌូណេស៊ីឡើងដល់ ៥៤នាក់
ចំនួនអ្នកស្លាប់ដោយសារការបាក់រលំសាលាបង្រៀនឥស្លាមនៅខេត្តជ្វាខាងកើតរបស់ប្រទេសឥណ្ឌូណេស៊ី បានកើនឡើងដល់ ៥៤នាក់ហើយ ដោយក្រុមអ្នកជួយសង្គ្រោះកំពុងព្យាយាមស្វែងរកមនុស្សជាច្រើននាក់ផ្សេងទៀតដែលនៅតែបាត់ខ្លួន។ នេះបើយោងតាមការចុះផ្សាយរបស់សារព័ត៍មាន BBC នារសៀលថ្ងៃចន្ទទី៦ខែតុលាឆ្នាំ២០២៥។
សិស្សរាប់រយនាក់ ដែលភាគច្រើនជាក្មេងប្រុសជំទង់ ត្រូវបានប្រមូលផ្តុំគ្នាអធិស្ឋាននៅសាលាបង្រៀនសាសនាអ៊ីស្លាម Al Khoziny កាលពីថ្ងៃចន្ទសប្តាហ៍មុន នៅពេលដែលអគារកម្ពស់ពីរជាន់ដែលកំពុងដំណើរការសាងសង់ស្រាប់តែបាក់ស្រុត។
ទីភ្នាក់ងារកាត់បន្ថយគ្រោះមហន្តរាយរបស់ប្រទេសឥណ្ឌូណេស៊ី បាននិយាយថា វាគឺជាគ្រោះមហន្តរាយដែលមានមនុស្សស្លាប់ច្រើនបំផុតរបស់ប្រទេសអាស៊ីមួយនេះសម្រាប់ឆ្នាំ២០២៥។ ក្រុមស្វែងរកកំពុងធ្វើការដើម្បីសង្គ្រោះជនរងគ្រោះ ១៣នាក់ផ្សេងទៀតដែលត្រូវបានគេជឿថានៅជាប់ក្រោមគំនរបាក់បែក ដោយក្រុមមន្ត្រីរំពឹងថាប្រតិបត្តិការនឹងបញ្ចប់នៅត្រឹមថ្ងៃចន្ទនេះឯង។ យ៉ាងណាមិញ អត្រាសង្ឃឹមរស់របស់ជនរងគ្រោះដែលនៅសេសសល់គឺលែងមានទៅហើយ។
ក្រុមអ្នកស៊ើបអង្កេតកំពុងស៊ើបរកមូលហេតុនៃការដួលរលំនេះ ខណៈមន្ត្រីមូលដ្ឋានមួយចំនួនបានលើកឡើងថា គ្រឹះអគារនេះមិនរឹងមាំឡើយ។
សាលា Al Khoziny ស្ថិតក្នុងចំណោមសាលាបង្រៀនសាសនាឥស្លាមជាច្រើនរបស់ប្រទេសឥណ្ឌូណេស៊ី។ សាលារៀនបែបនេះច្រើនតែដំណើរការដោយមានការត្រួតពិនិត្យមានកម្រិតប៉ុណ្ណោះ ហើយវានៅតែមិនច្បាស់ទេថាតើស្ថាប័ននេះបានទទួលការអនុញ្ញាតសម្រាប់ការងារសំណង់ដែរឬក៏យ៉ាងណានោះ៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត