បាក់សាលានៅឥណ្ឌូណេស៊ី រកឃើញមនុស្សស្លាប់ កើនដល់ ៤៥នាក់

យោងតាមតួលេខចុងក្រោយគិតត្រឹមព្រឹកថ្ងៃចន្ទទី៦ខែតុលាឆ្នាំ២០២៥ មនុស្សស្លាប់ក្នុងហេតុការណ៍បាក់សាលារៀននៅប្រទេសឥណ្ឌូណេស៊ី បានកើនឡើងដល់៤៥នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ The Star, ត្រឹមមួយថ្ងៃអាទិត្យ ក្រុមរុករកបានរកឃើញសពមនុស្ស១៩នាក់បន្ថែម ខណៈមនុស្ស២៦នាក់ទៀត កំពុងជាប់ក្រោមបំណែកថ្ម ប៉ុន្តែក្តីសង្ឃឹមថាពួកគេអាចនៅរស់ គឺលែងមានទៅហើយ។

លោក Yudhi Bramantyo នាយកប្រតិបត្តិនៃទីភ្នាក់ងារស្វែងរកនិងសង្គ្រោះជាតិ (Basarnas) បាននិយាយថា «តាមគុណគូររបស់យើង ចំនួនជនរងគ្រោះសរុបដែលយើងបានជម្លៀសចេញ គឺមានចំនួន១៤៩នាក់ ក្នុងនោះមាន៤៥នាក់ស្លាប់ និងនៅរស់១០៤នាក់»។

លោកបញ្ជាក់ថា ប្រតិបត្តិការកំណាយគឺសម្រេចបាន៦០%ហើយ និងប្រហែលជារួចរាល់ទាំងស្រុងនៅថ្ងៃអង្គារនេះ។

សូមជម្រាបជាថ្មី សាលាឥស្លាម Al Khoziny ក្នុងទីក្រុង Sidoarjo ខេត្ត​ជ្វា​ខាង​កើត ប្រទេសឥណ្ឌូណេស៊ី បានបាក់កាលពីថ្ងៃចន្ទសប្តាហ៍មុន ក្នុងអំឡុងពេលអធិស្ឋាន​​​ពេលរសៀល។

អ្នកជំនាញរកឃើញថា ការបាក់នេះគឺបណ្ដាលមកពីគម្រោងសាងសង់ «បន្ថែមជាន់» ទៅលើអាគារដោយគ្មានការអនុញ្ញាត ដែលជាលទ្ធផលធ្វើឲ្យគ្រឹះដើមរបស់អាគារ មិនអាចទ្រទ្រង់ទម្ងន់បន្ថែមនោះបាន៕

អត្ថបទ៖ សុខ សុវណ្ណ

ចុចអាន៖ ​តួលេខអ្នក​ស្លាប់​កើន​ដល់ ៧​នាក់ ក្នុង​ហេតុការណ៍​បាក់​រលំ​សាលានៅ​​ឥណ្ឌូណេស៊ី