សុខភាព
៥ ចំណុច ឪពុកម្ដាយត្រូវតែដឹងមែនទែន ខណៈកុមារជាមុខសញ្ញាធំរបស់កូវីដ
កុមារតូចៗមិនមានសមត្ថភាពការពារការឆ្លងមេរោគច្រើនដូចមនុស្សធំទេ។ លើសពីនេះទៅទៀត នៅពេលឆ្លងវីរុស ក្មេងជារឿយៗមិនបង្ហាញរោគសញ្ញាអ្វីឡើយ ដែលធ្វើឲ្យពួកគេងាយឆ្លងជំងឺក្នុងចំណោមកុមារជាមួយគ្នាឬសមាជិកក្នុងផ្ទះ។
១ តាមស្ថិតិចាប់ពីថ្ងៃទី ១ ខែ មករា ឆ្នាំ ២០២១ ដល់ថ្ងៃទី ៤ ខែ សីហា ឆ្នាំ ២០២១ កុមារចំនួន ៦៥,០៨៦ នាក់បានប្រឈមនឹងជំងឺកូវីដ ដែលឆ្លុះបញ្ចាំងពីបញ្ហានៃការផ្ទុះឡើងក្នុងចំណោមកុមារតូចៗ ដែលលាក់កំបាំងជាពិសេសនៅក្នុងគ្រួសារក្រីក្រ ដែលមិនអាចមើលថែក្មេងៗគ្រប់ពេល រួមទាំងគ្រួសារដែលរស់នៅក្នុងបរិយាកាសងាយរងគ្រោះ។
២ កុមារដែលមានជំងឺកូវីដ ភាគច្រើនកម្របង្ហាញរោគសញ្ញា ដែលធ្វើឲ្យដំណើរការព្យាបាលមានការពិបាក។ ជាពិសេសក្នុងការធ្វើរោគវិនិច្ឆ័យជំងឺ ព្រោះនៅពេលធម្មតាកុមារច្រើនតែមានជំងឺផ្ដាសាយទូទៅ ប៉ុន្តែក្នុងស្ថានភាពនេះ រោគសញ្ញាផ្ដាសាយអាចជាសញ្ញានៃជំងឺកូវីដ ។ គ្រួសារខ្លះនៅតែឃើញរឿងធម្មតា អំពីកុមារដែលមានជំងឺផ្ដាសាយ។ ដូច្នេះវិធីការពារមួយដែលការពារកុមារមិនឲ្យរីករាលដាលកូវីដដល់កុមារ ក្រុមគ្រួសាររបស់ពួកគេគឺត្រូវស្វែងរកការធ្វើតេស្តរកមេរោគ។
៣ ការស្រាវជ្រាវនៅចក្រភពអង់គ្លេសក្នុងសំណាកពីទារកទើបនឹងកើត រហូតដល់អាយុ ១៧ ឆ្នាំឆ្លងកូវីដ។ មនុស្សចំនួន ១,៧៣៤ នាក់បានរកឃើញថា នៅពេលដែលកុមារឆ្លងកូវីដ ជាធម្មតាពួកគេមិនបង្ហាញរោគសញ្ញាទេ។ ប៉ុន្តែរោគសញ្ញាទូទៅបំផុតគឺឈឺក្បាល និងអស់កម្លាំង ខណៈពេលដែលគ្រុនក្ដៅ ឬក្អកមិនសូវកើតមាន។ ទន្ទឹមនឹងនេះដែរ កុមារតូចៗមានរោគសញ្ញាតិចជាងក្មេងធំ ៗ ដោយសារតែមិនសូវមានមេរោគនៅក្នុងខ្លួន ដោយកុមារដែលមានអាយុពី ១២ ទៅ ១៧ ឆ្នាំមានជាមធ្យម ៧ ថ្ងៃ ចំណែកក្មេងអាយុពី ៥ ទៅ ១១ ឆ្នាំមានជាមធ្យម ៥ ថ្ងៃ ប៉ុន្តែខ្លះទៀត កុមារអាចមានរោគសញ្ញារហូតដល់ ២៨ ថ្ងៃ។
៤ អ្វីដែលគួរព្រួយបារម្ភនៅក្នុងក្រុមអ្នកជំងឺជាកុមារដែលឆ្លងកូវីដ គឺនៅពេលដែលពួកគេបានជាសះស្បើយពីជំងឺ ពួកគេអាចមានជំងឺរ៉ាំរ៉ៃដូចជា ជំងឺសួត ពិបាកដកដង្ហើម ខួរក្បាលឬប្រព័ន្ធប្រសាទខ្សោយ រោគសញ្ញានេះមិនទាន់កើតមានចំពោះអ្នកជំងឺកូវីដនៅឡើយទេ។ ប៉ុន្តែវាជាការប្រុងប្រយ័ត្ន ហើយគួរតែដឹងអំពីរោគសញ្ញាទាំងនេះក្នុងរយៈពេលវែង។
៥ កូនតូចៗមិនអាចទំនាក់ទំនង ឬប្រាប់បានពីជំងឺផ្ទាល់ខ្លួនរបស់ពួកគេមកយើងទេ។ ដូច្នេះឪពុកម្ដាយគួរតែប្រយ័ត្ន ដើម្បីសង្កេតមើលថាកុមារមានរោគសញ្ញាអ្វីកើតឡើងខ្លះ។ ជាពិសេសបើក្មេងៗលែងមានចំណង់ផឹកទឹកដោះគោ មិនញ៉ាំអាហារ ហើយថែមទាំងក្ដៅខ្លួន ឬយំមិនឈប់។ ប្រសិនបើកុមារណាម្នាក់ឧស្សាហ៍បត់ជើងតូច ឬមិនមានអារម្មណ៍ស្រស់ថ្លា ខ្លះមានជំងឺរាគ ពួកគេគួរតែត្រូវបានតេស្តដោយឧបករណ៍អង់ទីហ្សែនភ្លាមៗ ដើម្បីនាំចូលប្រព័ន្ធព្យាបាល៕
ប្រែសម្រួល៖ សាង ស្រីល័ក្ខ
ចុចអាន៖ហេតុផលសំខាន់ៗ បណ្ដាប្រទេសលើពិភពលោកញាប់ដៃញាប់ជើង ចាក់វ៉ាក់សាំងកូវីដកុមារ និងយុវវ័យ
ចុចអាន៖ប្រយ័ត្នឲ្យមែនទែន! កុមារកំពុងជាមុខសញ្ញាធំនៃវីរុសបំប្លែងខ្លួន Delta
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ