ព័ត៌មានអន្ដរជាតិ
ប្រយ័ត្នឲ្យមែនទែន! កុមារកំពុងជាមុខសញ្ញាធំនៃវីរុសបំប្លែងខ្លួន Delta
កាលពីពេលថ្មីៗនេះ ក្រសួងសុខាភិបាលបានប្រកាសពីករណីវីរុសបំប្លែងខ្លួន Delta បានឆ្លងរាលដាលខ្លាំង លើកុមារតូចៗ ដែលមិនទាន់ទទួលបានវ៉ាក់សាំងដូចមនុស្សធំ។
ជាក់ស្ដែងកាលពីពេលថ្មីនេះ អាជ្ញាធរខេត្តព្រះសីហនុ បានរកឃើញករណីវិជ្ជមានជំងឺកូវីដបំប្លែងថ្មី Delta ជាលើកដំបូងនៅខេត្តព្រះសីហនុ នៅលើកុមារាអាយុ ០៨ ឆ្នាំម្នាក់ ដែលបានធ្វើដំណើរត្រឡប់ពីប្រទេសថៃតាមច្រកឡែម។
ពាក់ព័ន្ធបញ្ហានេះដែរ បើយោងតាមរបាយការណ៍ពីអាជ្ញាធរខណ្ឌមានជ័យបានឲ្យដឹងថានៅថ្ងៃទី១២ ខែសីហា ឆ្នាំ២០២១ វេលាម៉ោង២០:០០ នាទី ក្រុមគ្រូពេទ្យស្ម័គ្រចិត្តសម្តេចតេជោ TYDA បានចុះយកសំណាកលើកទី១ ដោយតេស្តរហ័ស (Rapid Test) ចំនួន ៧០នាក់ ពាក់ព័ន្ធជាមួយកុមារីឈ្មោះ កៅ ចន្ធូ ភេទស្រី អាយុ ០៧ ឆ្នាំ (វិជ្ជមានកូវីដ Delta កំពុងសំរាកព្យាបាលនៅវិទ្យាល័យជាស៊ីមសាមគ្គី) នៅចំណុចផ្ទះលេខ ២៣៦ ផ្លូវលេខ ៣៥ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ដោយសារតែបែបនេះហើយ ទើបបច្ចុប្បន្នអ្នកដែលត្រូវព្រួយអារម្មណ៍ជាងគេ គឺជាកុមារដែលមិនទាន់ទទួលបានវ៉ាក់សាំងពេញលេញដូចមនុស្សធំ។ ជាពិសេសកុមារជាក្រុមមនុស្សងាយរងគ្រោះ និងមានហានិភ័យខ្ពស់នៃការស្លាប់ បើសិនពុំទាន់មានវ៉ាក់សាំងផ្ដល់ឲ្យពួកគេ។
ដោយឡែកសម្រាប់លោកវេជ្ជបណ្ឌិត Anthony Fauci ទីប្រឹក្សាផ្នែកវេជ្ជសាស្ត្រ ស្តីពីជំងឺកូវីដរបស់សេតវិមាន នាពេលថ្មីៗនេះ ក៏បានផ្តល់ដំបូន្មានដល់សាលារៀននិងគ្រួសារ អំពីវិធីរក្សាអ្នកមិនបានចាក់វ៉ាក់សាំង ឲ្យមានសុវត្ថិភាព ដោយនិយាយនៅក្នុងកម្មវិធី Meet the Press របស់ទូរទស្សន៍ NBC ថា កុមារគួរតែត្រូវបានហ៊ុមព័ទ្ធដោយមនុស្សដែលទទួលបានវ៉ាក់សាំងរួច នៅពេលពួកគេត្រឡប់ទៅសាលារៀនវិញ។ នេះនឹងការពារកុមារដែលនៅក្មេងពេក មិនទាន់អាចចាក់វ៉ាក់សាំងបាន៕
អត្ថបទ៖ សាង ស្រីល័ក្ខ
ចុចអាន៖លើកដំបូងរកឃើញវីរុសកូវីដ១៩ បំប្លែងថ្មី Delta នៅលើកុមារាអាយុ ៨ ឆ្នាំ
ចុចអាន៖អាមេរិក ប្រាប់វិធីសំខាន់ ការពារកុមារពីវីរុសបំប្លែងខ្លួន Delta នៅក្នុងសាលារៀន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត