អូមីក្រុងបំបាំងកាយ ដែលកំពុងអុកឡុកប្រទេសថៃ ជាវីរុសបំប្លែងខ្លួនគ្រោះថ្នាក់ (មានវីដេអូ)

វីរុសកូវីដ១៩បំប្លែងថ្មី “អូមីក្រុងបំបាំងកាយ” ឬឈ្មោះពិត BA.2 ឥឡូវនេះ បានរួមចំណែកដល់ទៅ ១៨,៥% នៃករណីកូវីដថ្មីនៅក្នុងប្រទេសថៃ។

ក្រសួងសុខាភិបាលសាធារណៈថៃបានឲ្យដឹងថា BA.2 ត្រូវបានគេហៅថា វីរុសបំប្លែងខ្លួនបំបាំងកាយ ពីព្រោះការធ្វើតេស្តម៉ាស៊ីន PCR មិនមែនសុទ្ធតែអាចរកឃើញវានោះទេ។

ការពិសោធន៍នៅប្រទេសជប៉ុនបង្ហាញថា BA.2 អាចធ្វើឲ្យភាពស៊ាំដែលបង្កើតឡើងដោយវ៉ាក់សាំងចុះខ្សោយ ថ្វីបើអ្នកចាក់វ៉ាក់សាំងដូសជំរុញ មានហានិភ័យឆ្លងមេរោគនេះតិចជាង ៧៤% ក៏ដោយ។

BA.2 មិនត្រឹមតែរីករាលដាលលឿនជាងបងប្អូនរបស់វាប៉ុណ្ណោះទេ វាក៏អាចបណ្តាលឲ្យមានជំងឺកាន់តែធ្ងន់ធ្ងរ និងអាចរារាំងអាវុធសំខាន់ៗមួយចំនួន ដែលពិភពលោកកំពុងប្រើប្រឆាំងនឹងជំងឺកូវីដ១៩ទៀតផង។

ការពិសោធន៍ពីប្រទេសជប៉ុនបង្ហាញថា BA.2 អាចមានលក្ខណៈពិសេស ដែលធ្វើឲ្យវាមានសមត្ថភាពបង្កឲ្យមានជំងឺធ្ងន់ធ្ងរដូចទៅនឹងប្រភេទចាស់នៃជំងឺកូវីដ១៩ រួមទាំងវីរុសបំប្លែងខ្លួន ដែលតា ផងដែរ។

លើសពីនេះ BA.2 ក៏មានភាពធន់នឹងការព្យាបាលមួយចំនួន រួមទាំង Sotrovimab ដែលជាការព្យាបាលបណ្តុះអង់ទីគ័រ បច្ចុប្បន្នកំពុងត្រូវបានប្រើប្រាស់ប្រឆាំងនឹង អូមីក្រុង។

BA.2 គឺឆ្លងខ្លាំងជាង អូមីក្រុង ប្រហែល៣០ ទៅ៥០ភាគរយ។ វាត្រូវបានគេរកឃើញនៅក្នុងប្រទេសចំនួន៧៤ហើយ។

វាបានក្លាយទៅជាវីរុសបំប្លែងខ្លួនលេចធ្លោនៅក្នុងប្រទេសយ៉ាងហោចណាស់១០ដូចជា បង់ក្លាដែស ព្រុយណេ ចិន ដាណឺម៉ាក កោះហ្គាំ ឥណ្ឌា ម៉ុងតេណេក្រូ នេប៉ាល់ ប៉ាគីស្ថាន និងហ្វីលីពីន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ 7News

ចុចអាន៖ អូមីក្រុងបំបាំងកាយ កំពុងអុកឡុក ថៃ