ថៃ រកឃើញអ្នកកើតជំងឺអុតស្វា បន្ថែមទៀត

នាយកដ្ឋានគ្រប់គ្រងជំងឺថៃ (DDC) បានប្រកាសកាលពីថ្ងៃអាទិត្យទី២៨ខែសីហាថា ស្ត្រីជនជាតិថៃអាយុ៣៧ឆ្នាំម្នាក់ នៅទីក្រុងបាងកក បានក្លាយជាអ្នកជំងឺអុតស្វាទី៧របស់ប្រទេសនេះ បន្ទាប់ពីបានធ្វើតេស្តវិជ្ជមានកាលពីចុងសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Opas Karnkawinpong អគ្គនាយក DDC បាននិយាយថា វិទ្យាស្ថានជំងឺឆ្លង Bamrasnaradura បានជូនដំណឹងដល់ក្រសួងកាលពីថ្ងៃសៅរ៍។

អ្នកជំងឺ​បាន​រួមភេទ​ជាមួយ​ជនបរទេស ប៉ុន្តែ​មិន​បាន​ធ្វើដំណើរ​ទៅក្រៅ​ប្រទេសឡើយ ​នាពេល​ថ្មីៗ​នេះ។

លោក Opas និយាយថា អ្នកជំងឺ ចេញរោគសញ្ញាគ្រុនក្តៅទាបនៅថ្ងៃទី ២០ ខែសីហា ហើយចេញពងបែកនៅជិតរន្ធគូទ នាថ្ងៃបន្ទាប់។ នៅថ្ងៃទី២២ខែសីហា ពងបែកជាច្រើនបានលេចឡើងនៅផ្នែកផ្សេងទៀតនៃរាងកាយ ដែលជំរុញឲ្យនាងទៅព្យាបាលនៅវិទ្យាស្ថានក្នុងខេត្ត Nonthaburi។

វេជ្ជបណ្ឌិត បានធ្វើតេស្ត RT-PCR និងបានបញ្ជាក់ពីការឆ្លងមេរោគ កាលពីថ្ងៃសុក្រ។

គិតត្រឹមថ្ងៃសៅរ៍ ករណីជំងឺអុតស្វា ៤៨ ៣៣១ករណី ត្រូវបានរកឃើញនៅទូទាំងពិភពលោកហើយមានអ្នកស្លាប់ចំនួន ១៥នាក់។

ប្រទេសចំនួន៥ ដែលមានករណីច្រើនជាងគេគឺសហរដ្ឋអាមេរិក អេស្ប៉ាញ ប្រេស៊ីល បារាំង និងអាល្លឺម៉ង់៕

ប្រែសម្រួល៖ Vann Vann

ប្រភព៖ Nation

ចុចអាន៖ ថៃ រកឃើញជំងឺអុតស្វា ករណីទី ៦