Connect with us

សុខភាព

WHO និយាយថា ជំងឺកូវីដ១៩ នៅតែជាគ្រាអាសន្នសុខភាពសកល (មានវីដេអូ)

បានផុស

នៅ

អង្គការសុខភាពពិភពលោក (WHO) បាននិយាយកាលពីថ្ងៃពុធទី១៩ខែតុលាថា ជំងឺកូវីដ១៩ នៅតែជាគ្រាអាសន្នសកល បន្ទាប់ពីជំងឺនេះបានផ្ទុះឡើងកាលពីជិត៣ឆ្នាំមុន។

គណៈកម្មាធិការគ្រាអាសន្នរបស់ WHO បានធ្វើសេចក្តីប្រកាសជាលើកដំបូងសម្រាប់ជំងឺកូវីដ១៩ នៅថ្ងៃទី៣០ខែមករា ឆ្នាំ២០២០។

ទីភ្នាក់ងារអង្គការសហប្រជាជាតិមួយនេះ បាននិយាយនារយៈពេលប៉ុន្មានខែចុងក្រោយថា ថ្វីបើករណីឆ្លងកំពុងធ្លាក់ចុះនៅក្នុងផ្នែកខ្លះនៃពិភពលោកក៏ដោយ ប៉ុន្តែប្រទេសនានានៅតែត្រូវរក្សាការប្រុងប្រយ័ត្ន និងជំរុញឲ្យទទួលបានវ៉ាក់សាំង សម្រាប់ប្រជាជនដែលងាយរងគ្រោះបំផុតរបស់ពួកគេ។

គណៈកម្មាធិការរបស់ WHO និយាយថា “ថ្វីបើមានការយល់ឃើញជាសាធារណៈថា ជំងឺរាតត្បាតនេះបានចប់ទៅហើយនៅក្នុងផ្នែកខ្លះនៃពិភពលោកក៏ដោយ តែវានៅតែជាព្រឹត្តិការណ៍សុខភាពសាធារណៈដែលបន្តប៉ះពាល់យ៉ាងធ្ងន់ធ្ងរ និងប៉ះពាល់ដល់សុខភាពរបស់ប្រជាជនពិភពលោក”។

អគ្គនាយក WHO លោក Tedros Adhanom Ghebreyesus បានប្រាប់អ្នកយកព័ត៌មានថា “ជំងឺរាតត្បាតនេះបានធ្វើឲ្យយើងភ្ញាក់ផ្អើលពីមុន ហើយវាអាចកើតឡើងម្តងទៀត”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ WHO ចេញការព្រមានចំពោះថ្នាំសេរ៉ូផ្តាសាយ ៤ប្រភេទ បន្ទាប់ពីកុមារ ៦៦នាក់ស្លាប់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម