ទឹក​២​ប្រភេទ ​ញ៉ាំ​ពេល​ព្រឹក​ល្អ​ដូច​យិនស៊ិន ជួយ​បំប៉ន​ថ្លើម និង​ការពារ​តម្រងនោម

ប្រភេទទឹកទាំងនេះគឺធ្លាប់ស្គាល់នៅក្នុងជីវិតរបស់យើង ហើយវាក៏ល្អសម្រាប់សុខភាពរបស់យើង ប៉ុន្តែមនុស្សជាច្រើនមិនអើពើនឹងវាទាល់តែសោះ។ ការបង្កើតរបៀបរស់នៅដែលមានសុខភាពល្អ គឺជាគោលដៅសម្រាប់មនុស្សជាច្រើន។

មនុស្សតែងតែគិតថា ការទទួលទានអាហារដែលមានមុខងារថ្មី គឺជាវិធីតែមួយគត់ដើម្បីរក្សារាងកាយរបស់ពួកគេឲ្យមានសុខភាពល្អ។ ទោះជាយ៉ាងណាក៏ដោយ ការពិតប្រសិនបើអ្នករក្សាទម្លាប់ទទួលទានទឹកពីរប្រភេទខាងក្រោម នៅពេលព្រឹក រាងកាយរបស់អ្នកនឹងដឹងគុណអ្នកយ៉ាងខ្លាំង ជាពិសេសថ្លើម និងតម្រងនោម។

១ ទឹកក្តៅ

បន្ទាប់ពីភ្ញាក់ពីគេងពេលព្រឹក រឿងដំបូងដែលអ្នកគួរគិតនោះគឺការផឹកទឹកក្តៅមួយកែវ ជាជាងគិតអំពីអ្វីដែលត្រូវញ៉ាំ។ យោងតាមគេហទំព័រ lifehack បានឲ្យដឹងថា ការទទួលទានទឹកក្តៅឧណ្ហៗនៅពេលពោះទទេពេលព្រឹកក្រោកពីដំណេក អ្នកនឹងទទួលបានអត្ថប្រយោជន៍ដែលមិននឹកស្មានដល់ដូចខាងក្រោម។

ជួយរាងកាយបន្សាបជាតិពុល និងធ្វើឲ្យមុខងារថ្លើមប្រសើរឡើង ទឹក​ជួយរាង​កាយ​ជំរុញ​ចលនា​ឈាម​រត់ ហើយ​ការ​បំប្លែង​សារជាតិ​ខ្លាញ់​ក៏​ដំណើរការ​បាន​ល្អ​ប្រសើរ​ផង​ដែរ ។ ប្រសិនបើរាងកាយមានជាតិទឹកគ្រប់គ្រាន់ ថ្លើម និងតម្រងនោមនឹងដំណើរការប្រកបដោយប្រសិទ្ធភាព ចៀសវាងសរីរាង្គណាមួយត្រូវធ្វើការលើសទម្ងន់ ដែលប៉ះពាល់ដល់មុខងាររបស់វា។ នៅពេលអ្នកផឹកទឹកនៅពេលព្រឹកព្រលឹមលើពោះទទេ វាអាចជួយអ្នកកម្ចាត់ជាតិពុល ដែលរាងកាយរបស់អ្នកនឹងមានសុខភាពល្អ ហើយស្មារតីរបស់អ្នកនឹងរំភើបដើម្បីចាប់ផ្តើមថ្ងៃថ្មី។

ជំរុញការរំលាយអាហាររបស់រាងកាយ ការសិក្សាបង្ហាញថា ការផឹកទឹកនៅលើពោះទទេអាចជួយរាងកាយបង្កើនអត្រាមេតាបូលីសរបស់ខ្លួនយ៉ាងហោចណាស់ ២៤% ដូច្នេះរាងកាយនឹងដុតបំផ្លាញជាតិខ្លាញ់ដែលលើសកាន់តែមានប្រសិទ្ធភាព។ ទឹក​ក្តៅ​ក៏​ជួយ​ពង្រីក​សរសៃឈាម ជំរុញ​ចលនា​ឈាម​រត់ និង​ជួយ​ដល់​ដំណើរការ​រំលាយ​អាហារ​។

សម្រកទម្ងន់ប្រកបដោយសុខភាពល្អ​​ នៅពេលអ្នកផឹកទឹកក្ដៅពេលព្រឹក អ្នកនឹងមានអារម្មណ៍ឃ្លានតិច ដោយហេតុនេះមិនទទួលទានអាហារច្រើនទេ ដែលអាចជួយអ្នកចៀសផុតពីបញ្ហាការញ៉ាំច្រើន និងសម្រេចបាននូវការគ្រប់គ្រងទម្ងន់។

ធ្វើឲ្យស្បែកនិងសក់កាន់តែស្រស់ស្អាត ការខះជាតិទឹកដោយប្រយោលអាចបណ្តាលឲ្យមានស្នាមជ្រួញលើផ្ទៃមុខ និងរន្ធញើសរីកធំ។ ការស្រាវជ្រាវបានបង្ហាញថា ការផឹកទឹកប្រហែល២០០ទៅ ៣០០ml នៅលើពោះទទេ អាចជួយឲ្យឈាមរត់ក្នុងរាងកាយ និងធ្វើឲ្យស្បែកភ្លឺថ្លា។ ការផឹកទឹកច្រើន ជួយស្បែករំលាយជាតិពុល ស្បែកភ្លឺថ្លា។ បន្ថែម​ពី​នេះ ការ​ទទួល​ទាន​ទឹក ​ជួយ​ឲ្យសក់​ដុះ​លូតលាស់​ល្អ​ពី​ខាង​ក្នុង​ទៅ​ក្រៅ។

២ ទឹករមៀត

រមៀត​គឺជា​អាហារ​សុខភាព​មួយ​ដែល​បាន​ពេញនិយម​ក្នុង​រយៈពេល​ប៉ុន្មាន​ឆ្នាំ​ចុងក្រោយ​នេះ​។ យោងតាមឱសថបុរាណចិន រមៀតមានរសជាតិល្វីង និងលក្ខណៈសម្បត្តិក្តៅ អាចជួយកាត់បន្ថយការជាប់គាំងឈាម និងធ្វើឲ្យឈាមរត់បានស្រួល កាត់បន្ថយការខូចខាតថ្លើម និងរារាំងការលូតលាស់នៃដុំសាច់ ដូចជាដុំសាច់ក្នុងស្បូន។

រមៀតមានផ្ទុកសារធាតុ Curcumin ដែលមានប្រសិទ្ធភាពប្រឆាំងនឹងការរលាក ប្រឆាំងមហារីក និងឥទ្ធិពលប្រឆាំងអុកស៊ីតកម្ម។ យោងតាមការស្រាវជ្រាវដោយមជ្ឈមណ្ឌលជាតិជីវបច្ចេកវិទ្យាអាមេរិក (NCBI) សារធាតុ curcumin ជួយទប់ស្កាត់ការរលាក កាត់បន្ថយហានិភ័យនៃជំងឺរ៉ាំរ៉ៃដូចជាជំងឺទឹកនោមផ្អែម ជំងឺសរសៃឈាមបេះដូង ជំងឺប្រព័ន្ធប្រសាទ និងជំងឺបេះដូងអំពីបំពង់រំលាយអាហារ និងសួត។

លើសពីនេះ ការផឹកទឹករមៀតក៏ជួយកែលម្អសុខភាពថ្លើមផងដែរ។ ដោយសារតែឥទ្ធិពលប្រឆាំងអុកស៊ីតកម្មនៃរមៀតមិនត្រឹមតែការពារថ្លើមប៉ុណ្ណោះទេ ថែមទាំងជួយជំរុញដំណើរការជួយថ្លើមក្នុងការបន្សាបជាតិពុលផងដែរ។ រមៀត​ក៏​ជួយ​កាត់​បន្ថយ​ជាតិ​ខ្លាញ់​ក្នុង​ឈាម​ខ្ពស់ មាន​ប្រយោជន៍​សម្រាប់​ចរាចរ​ឈាម កាត់​បន្ថយ​កូឡេស្តេរ៉ុល​អាក្រក់ (LDL) និង​មាន​ឥទ្ធិពល​ការពារ​ជំងឺ​សរសៃឈាម​បេះដូង៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖អាថ៌កំបាំងទឹកខ្មេះចេកពីសាស្ត្រាចារ្យ ជប៉ុន ម្នាក់ ជួយអាយុវែង ស្បែកស្អាត និងប្រឆាំងមហារីក