KPT+

មានរឿងខ្លះ មានតែការឆ្លងកាត់វេលាលំបាកនៃជីវិតប៉ុណ្ណោះដែលអាចបង្រៀនយើងបាន

បានផុស

៦ years មុន

នៅ

ថ្ងៃព្រហស្បតិ៍ ២៦ វិច្ឆិកា ២០២០

ដោយ

មិនថាយើងមានសញ្ញាប័ត្រប៉ុន្មានសន្លឹក ឬមានការអប់រំខ្ពស់បែបណា មានរឿងខ្លះដែលមានតែជីវិតប៉ុណ្ណោះដែលអាចបង្រៀនយើងបាន ពិសេសជីវិតដែលដើរឆ្លងការលំបាក។

យើងអាចបញ្ចប់ការសិក្សាដោយកិត្តិយសនិងចាប់យកអាជីពដ៏អស្ចារ្យមួយ ប៉ុន្តែការស្វែងរកអត្ថន័យនិងគោលបំណងនៅក្នុងជីវិត ជាសមត្ថភាពមួយខ្ពស់ហួសពីការងារដែលមានសុវត្ថិភាពនិងការអប់រំល្អ។ បើរកមិនបានជីវិតយើងសឹងថាគ្មានតម្លៃ។

ចូរប្រើជីវិតដោយគិតបីយ៉ាងនេះ៖

១ ឯករាជ្យភាព

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីស្វែងរកឯរាជ្យភាពរបស់ខ្លួនមនុស្សត្រូវដំណើរការជីវិតដោយខ្លួនឯង។ ~ សូក្រាត

ក្រោយពេញវ័យ យើងត្រូវតែចេះក្រោកឈរដោយខ្លួនឯងនិងថែរក្សាខ្លួនឯង។ ឪពុកម្តាយនិងគ្រូរបស់យើងនឹងមិនណែនាំយើងតទៅទៀតទេ ដូច្នេះហើយយើងត្រូវត្រៀមខ្លួន ពីព្រោះគ្មាននរណាម្នាក់មានសមត្ថភាពគ្រប់គ្រាន់ក្នុងការឆ្លើយសំណួររបស់យើងទេ ប៉ុន្តែខ្លួនយើងផ្ទាល់ ដែលគួរជាអ្នកឆ្លើយ។

២ មនុស្សអាចគ្រប់គ្រងគ្រប់យ៉ាងតែមិនមែនពេលវេលាទេ

ជីវិតបង្រៀនយើងថា យើងនឹងមិនទទួលបានអ្វីដែលយើងចង់បានភ្លាមៗនោះទេ ជីវិតតែងបង្រៀនយើងឲ្យចេះគ្រប់គ្រងពេលវេលា ចេះអត់ធន់ និងចេះប្រើកាលៈទេសៈនីមួយៗជាផលសម្រេច។ មិនថាជំនាញគ្រប់គ្រងពេលវេលារបស់យើងល្អប៉ុណ្ណា ហើយមិនថាយើងពូកែព្យាករណ៍ពីអនាគតរបស់យើងយ៉ាងណាក៏ដោយប្រសិនបើវាមិនមែនជាពេលវេលារបស់យើងទេ យើងមិនអាចធ្វើអ្វីបានទាំងអស់។

៣ រៀនក្រោកដើរទៅមុខក្រោយពីបរាជ័យ

“ជោគជ័យមិនមែនជាការបញ្ចប់ទេ ការបរាជ័យគឺជាគ្រាន់តែជាការផ្តើមមួយដែលមិនមានគ្រោះថ្នាក់រហូតឡើយ ចូរប្រកាន់យកភាពក្លាហានក្នុងការបន្តដើរ។ ” ~ Winston S. Churchill

នៅសាលានៅពេលយើងបរាជ័យងាយស្រួលក្នុងការខិតខំរៀនសូត្រសម្រាប់ថ្នាក់បន្ទាប់ ប៉ុន្តែនៅក្នុងជីវិតការបរាជ័យអាចធ្វើអោយយើងខកចិត្តឬក៏ផ្លាស់ប្តូរទស្សនៈនិងចរតិលក្ខណៈយើងទាំងមូលបាន។ ជីវិតបង្រៀនយើងថា ការបរាជ័យគឺជាផ្នែកមួយរបស់ជោគជ័យ ព្រោះគ្រប់គ្នាត្រូវ យើងរៀនពីរបៀបដើម្បីដើរបញ្ច្រាសពីបរាជ័យ ហើយចេះបត់បែន ចាត់វិធានការ វិភាគទីតាំងបច្ចុប្បន្នរបស់ខ្លួនឯង និងរបៀបដែលសកម្មភាពរបស់យើងអាចមានឥទ្ធិពលលើអនាគតរបស់យើង៕

ប្រែសម្រួល៖ស្រស់

ចុចអាន៖មេរៀនជីវិត ៧ ចំណុចត្រូវរៀនពីតារាហូលីវូដតម្លៃខ្លួន ២០ លានដុល្លារអាមេរិក

ចុចអាន៖តារាសម្តែងហូលីវូដពីររូបដែលក្លាយជាសហគ្រិនដ៏ជោគជ័យ

Related Topics:ការលើកទឹកចិត្ត