KPT+

ទម្លាប់ប្រចាំថ្ងៃដែលត្រូវចៀសវាងដាច់ខាត ប្រសិនបើមិនចង់ឆ្លងកូវីដ និងវីរុសបំប្លែងខ្លួនទេនោះ

បានផុស

៣ years មុន

នៅ

ថ្ងៃសុក្រ ៣ កញ្ញា ២០២១

ដោយ

កូវីដនិងវីរុសបំប្លែងខ្លួនគ្រប់ប្រភេទ ជាពិសេស Delta បាននឹងកំពុងវាយលុកស្ទើគ្រប់ប្រទេស។ ហើយប្រសិនបើមនុស្សចាប់ផ្ដើម ប្រហែសលែងមានទម្លាប់ការពារល្អៗ នោះមេរោគនឹងតោងជាប់ដោយសារតែយើងលែងសូវប្រកាន់ខ្ជាប់ការការពារឲ្យបានតឹងរ៉ឹងដូចមុន។

ដើម្បីធានាសុខភាពខ្លួនឯងនិងអ្នកដទៃ សូមកុំមើលរំលងនូវប្រការខាងក្រោមនេះឲ្យសោះ។

១ មកដល់ពេលនេះហើយកុំនៅមិនចាក់វ៉ាក់សាំងទៀត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិធីល្អបំផុតដើម្បីចៀសវាងការធ្លាក់ខ្លួនឈឺធ្ងន់ធ្ងរឬស្លាប់ដោយសារកូវីដ ១៩ គឺត្រូវចាក់វ៉ាក់សាំងឲ្យបានគ្រប់ដូស។ មជ្ឈមណ្ឌលគ្រប់គ្រងនិងការពារជំងឺ (CDC) និយាយថា វ៉ាក់សាំងនៅតែមានប្រសិទ្ធភាពខ្ពស់ប្រឆាំងនឹងការចូលមន្ទីរពេទ្យ ទោះបីជាមានការឆ្លងខ្លាំងពីវីរុសបំប្លែងខ្លួនក្ដី។ ទិន្នន័យ CDC បានបង្ហាញពីប្រសិទ្ធភាពវ៉ាក់សាំងប្រឆាំងនឹងការចូលមន្ទីរពេទ្យនៅ ៩៤ភាគរយ ឬខ្ពស់ជាងនេះ ចំពោះមនុស្សពេញវ័យដែលមានអាយុពី ១៨ ដល់ ៧៤ ឆ្នាំ។

២ កុំអាងមានវ៉ាក់សាំងហើយភ្លេចពាក់ម៉ាស់

CDC បានណែនាំដល់ប្រជាជនទាំងអស់ ដោយមិនគិតពីស្ថានភាពនៃការចាក់វ៉ាក់សាំងរបស់ពួកគេ ឲ្យនៅតែបន្តពាក់ម៉ាស់នៅទីសាធារណៈ ក្នុងផ្ទះ នៅកន្លែងដែលមានការចម្លងមេរោគច្រើនឬខ្ពស់។ ពួកគេក៏ផ្ដល់ដំបូន្មានដល់អ្នកណាដែលមានហានិភ័យកើនឡើង ដើម្បីពាក់ម៉ាស់ក្នុងផ្ទះ ដោយមិនគិតពីកម្រិតនៃការបញ្ជូនសហគមន៍។

៣ រក្សាគំលាតនៅតែអនុវត្តជានិច្ច

CDC និយាយថា“ សូមចងចាំថាមនុស្សខ្លះដែលមិនមានរោគសញ្ញា អាចឆ្លងមេរោគបាន” ។ នៅឲ្យឆ្ងាយពីគ្នាយ៉ាងហោចណាស់ ១ ម៉ែត្រកន្លះ ពីមនុស្សផ្សេងទៀត ខណៈស្ថិតនៅខាងក្រៅផ្ទះរបស់អ្នក។ នេះមានសារៈសំខាន់ ជាពិសេសសម្រាប់មនុស្សដែលមានការកើនឡើងហានិភ័យនៃជំងឺធ្ងន់ធ្ងរ ដូចជាភាពស៊ាំចុះខ្សោយ។

៤ ចៀសវាងកន្លែងដែលមានមនុស្សច្រើន

មេរោគឆ្លងរាលដាលប្រកបដោយប្រសិទ្ធភាពបំផុត នៅកន្លែងដែលមានមនុស្សច្រើន។ ប្រសិនបើអ្នកចូលរួមព្រឹត្តិការណ៍ដែលមិនពាក់ម៉ាស់ នៅកន្លែងដែលមានមនុស្សច្រើន មានខ្យល់ចេញចូលមិនសូវល្អ នោះអ្នកកំពុងប្រឈមនឹងហានិភ័យខ្ពស់នៃជំងឺកូវីដ។

៥ ចៀសវាងការប៉ះមុខ

អ្នកជំនាញនៅតែណែនាំឲ្យលាងដៃបានញឹកញាប់ ជាមួយសាប៊ូនិងទឹកយ៉ាងហោចណាស់ ២០ វិនាទី មុននឹងប៉ះមុខមាត់។ ប្រសិនបើមិនមានសាប៊ូនិងទឹក សូមប្រើទឹកលាងដៃដែលមានជាតិអាល់កុលយ៉ាងហោចណាស់ ៦០ ភាគរយ។ ដើម្បីចៀសផុតពីជំងឺរាតត្បាតនេះប្រកបដោយសុខភាពល្អ ត្រូវតែអនុវត្ត ៣កុំ ៣ការពារ ឲ្យបានតឹងរ៉ឹងបំផុត៕

ប្រែសម្រួល៖ សាង ស្រីល័ក្ខ

ចុចអាន៖ឧបករណ៍តេស្តរួចជាសំរាមឆ្លង កុំបោះចោលផ្ដេសផ្ដាស ប្រយ័ត្នរាលដាលវីរុសដល់អ្នកជុំវិញ

ចុចអាន៖អ្នកជំងឺដែលផ្ទុកវីរុសកូវីដក្នុងសួតកាន់តែខ្ពស់ អាចបណ្ដាលឲ្យស្លាប់ងាយឬដោយមិនដឹងខ្លួន

ចុចអាន៖ប្រកាន់គោលការណ៍ ៣ ធំៗនេះ ធានាថាដូសទីប៉ុន្មានក៏ដោយ សុទ្ធតែមានប្រសិទ្ធភាពខ្លាំងក្លា

Related Topics:វីរុសបំប្លែងថ្មី Delta