KPT+

៥ វិធី តទល់ ជាមួយស្វាមីពូកែផិតក្បត់

បានផុស

៩ ខែ មុន

នៅ

ថ្ងៃចន្ទ ៩ ឧសភា ២០២២

ដោយ

ជាដំបូងអ្នកត្រូវច្បាស់ក្នុងចិត្តសិនថា គាត់ពិតជាក្បត់អ្នកពិតប្រាកដមែន ពេលខ្លះវាគ្រាន់តែជាការគិតច្រើនរបស់អ្នកតែប៉ុណ្ណោះ។ ការផិតក្បត់ភាគច្រើន មនុស្សប្រុសជាអ្នកប្រព្រឹត្ត ព្រោះអារម្មណ៍មនុស្សប្រុសចូលចិត្តលេងសើចនឹងស្រីផ្សេងទាំងខ្លួនមានប្រពន្ធហើយក៏ដោយ។

ខាងក្រោមនេះ ជាវិធីតទល់ជាមួយនឹងសា្វមីសាវារបស់អ្នក បានយ៉ាងមានប្រសិទ្ធភាព៖

១.បញ្ចេញអារម្មណ៍ពិតប្រាប់គាត់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុំទាន់អាលឆេវឆាវពេកអី អ្នកគួរបើកចិត្តឲ្យគាត់ដឹងថា អ្នកឈឺចាប់កម្រិតណា បើថាគាត់មិនដឹងខ្លួនទៀត ចាត់ការគាត់ចុះ។

២.សួររកហេតុផលច្បាស់លាស់

ហេតុអ្វីបានជាសុខៗ គាត់ធ្វើបែបនេះ? មកពីយើងដែលមិនផ្ដល់ការស្រលាញ់ឲ្យគាត់បានគ្រប់គ្រាន់ ឬយ៉ាងណា? ករណីខ្លះ វាជាកំហុសខាងស្រី ដែលមិនបំពេញការស្រលាញ់ និងភាពកក់ក្ដៅពេញលេញឲ្យគាត់បានទើបគាត់ផិតក្បត់

៣.គាត់មានអារម្មណ៍បែបណាចំពោះការឈឺចាប់របស់អ្នក?

មនុស្សប្រុសដែលស្រលាញ់អ្នកពិតប្រាកដ គេខ្លាចអ្នកឈឺចាប់ណាស់ មិនចង់ឲ្យអ្នកពិបាកឡើយ។ គាត់ខ្វល់ខ្វាយពីអារម្មណ៍អ្នកឬទេ? នៅពេលឃើញអ្នកស្រក់ទឹកភ្នែក តើគាត់ប្រតិកម្មបែបណាដែរ? អ្នកប្រាកដជាដឹងច្បាស់នៅក្នុងចិត្តណាស់ ថាគាត់ស្រលាញ់អ្នកបែបណា។

៤.និយាយគ្នាឲ្យដាច់ស្រេច

កុំរវល់តែពិបាកចិត្ត ងរដាក់គេ អ្នកគួរតាំងស្មារតីឲ្យរឹងមាំ រួចសឹមនិយាយគ្នាបែបច្បាស់លាស់ថាគួរបន្ត ឬបញ្ឈប់ទំនាក់ទំនងនេះ។ ប្រសិនបើអ្នករើសយកការបន្តជាមួយគ្នា អ្នកត្រូវត្រៀមចិត្តទទួលរឿងនេះម្ដងទៀត ព្រោះមនុស្សក្បត់មិនងាយកែឡើងប្រាប់ឲ្យដឹងទៅ។

៥.តើស្វាមីអ្នកចង់បន្តគ្រួសារនេះអត់?

ច្បាស់ទេថា នោះជាការលេងសើច មានបុរសមិនតិចទេ ដែលរើសស្រីផ្សេងចោលប្រពន្ធ ព្រោះតែការស្រលាញ់ស្រីច្រើនជាង។ ស្នេហាមិនអាចកំណត់បានងាយៗទេ បើគាត់ចង់ទៅកុំព្យាយាមឃាត់គាត់អី បណ្ដោយឲ្យគាត់ទៅរកជីវិតរបស់គាត់ចុះ ព្រោះនៅជាមួយគ្នាបន្តក៏គ្មានន័យអីដែរ។

ការដែលមិនផ្ដល់ឱកាស មិនមែនជារឿងត្រឹមត្រូវទាំងស្រុងនោះទេ ការផិតក្បត់របស់មនុស្សប្រុស នៅតែអាចមានការប្រែប្រួល ប៉ុន្តែបើគាត់មានលើកទីពីរហើយ នោះមានន័យថាមិនអាចកែបានទេ។ ដូច្នេះហើយ មុនជ្រើសរើសដៃគូជីវិត អ្នកត្រូវប្រុងប្រយ័ត្នមែនទែន៕

ប្រែសម្រួល៖ ស្រីខួច

ចុចអាន៖ផ្លាស់ប្ដូរបទពិសោធន៍ថ្មី បោះតង់ជាមួយគូស្នេហ៍ កុំភ្លេចចំណុចទាំងនេះ

ចុចអាន៖៥ វិធី ដើរចេញពីស្នេហាតែម្ខាង ដែលយើងគិតថា មិនអាចទៅរួច