ភ្ញាក់ផ្អើល បុរសម្នាក់ស្ទូចបានត្រីកន្ទុយបីទម្ងន់ ៣០ គីឡូក្រាម

ការចាប់បានត្រីធំៗពីមុនមកភាគច្រើនសុទ្ធតែជាត្រីប្រភេទធំៗស្រាប់ ប្លែកអីតែលើកនេះត្រីកន្ទុយបីដែលជាត្រីតូចៗសម្រាប់ចិញ្ចឹមនៅក្នុងកែវតាមផ្ទះ មានទម្ងន់ដល់ទៅ៣០គីឡូក្រាម នេះជារឿងគួរឲ្យភ្ញាក់ផ្អើលមែនទែន។

ត្រីកន្ទុយបីខាងលើជាប្រភេទត្រី Carrot មានទម្ងន់ធ្ងន់បំផុតក្នុងពិភពលោក វាត្រូវគេស្ទូចបានពីក្នុងបឹងទឹកខៀវនៃតំបន់ Champagne ប្រទេសបារាំង ។ ប្រភពដដែលបានឲ្យដឹងថា ត្រីដ៏ធំនេះគឺជាត្រីគេយកមកលែងនៅក្នុងបឹងកាលពីជាង ២០ ឆ្នាំមុន ។  បុរសអ្នកស្ទូចត្រីមានឈ្មោះ Andy Hackett គាត់ចំណាយពេល ២៥នាទី ដើម្បីមូរខ្សែសន្ទូចចាប់វា ក្រោយពីថតរួចលោក Andy ក៏លែងត្រីនេះទៅក្នុងបឹងវិញទៅ។លោក Andy មានប្រសាសន៍ថា “ខ្ញុំដឹងថាវានៅហ្នឹងយូរហើយ តែមិនដែរគិតថាចាប់វាបានទេ ខ្ញុំដឹងត្រឹមថាត្រីដែលខ្ញុំកំពុងស្ទូចវាធំណាស់រហូតដល់ពេលជិតមកដល់ផ្ទៃទឹកខ្ញុំស្រាប់តែឃើញវាមានពណ៌ទឹកក្រូច” លោកបន្តទៀតថា “វា​អស្ចារ្យ​ណាស់​ដែល​ចាប់​បាន ប៉ុន្តែ​វា​ក៏​ជា​សំណាង​ដែរ”។

ជាធម្មតាត្រីកន្ទុយបីអស់ធំសម្រាប់ចិញ្ចឹមក្នុងកែវហើយ ប៉ុន្តែលើកនេះវាជាប្រភេទកូនកាត់ leather carp និងkoi ទើបធំប៉ុណ្ណឹង៕

ប្រែសម្រួលដោយ៖ វារី

ចុចអាន៖ មកដឹងពីអយស្ទ័រធំបំផុត លើពិភពលោក